Førebyggjande heimebesøk
Omtale av stillinga
Kvinnherad kommune søkjer etter medarbeidar i 100% stilling til førebyggjande heimebesøk.
Stillinga er plassert i sektor for Omsorg, helse og sosial i eining for Aktivitet, læring og meistring. Eininga har ansvar mellom anna for friskliv, lærings- og meistringsoppgåver, lågterskel dagaktivitetstilbod, støttekontaktteneste og tilpassa arbeids- og aktivitetstilbod.
Førebyggjande heimebesøk er ei uoppfordra og oppsøkjande råd og rettleiingsteneste til heimebuande eldre med føremål å oppretthalde funksjonsevne, helse og livskvalitet. Under besøka er ein god samtale viktig for å skape tillit og opne for den eldre sin refleksjonar. Vanlege tema er tryggleik i heimen, bustad, interesser/aktivitetar, fysisk og psykisk helse, sosialt nettverk, ernæring, medikamentbruk og anna som er viktig for den enkelte. Fagleg skjønn hjå den tilsette vil vere avgjerande for å identifisere både ressursar og hjelpebehov.
Tilbodet er nytt i Kvinnherad kommune og den som vert tilsett får dermed høve å vere med på å utvikle tenesta. Oppstart etter avtale våren 2021.
Arbeidsoppgåver
- Utvikle og drifte tenesta førebyggjande heimebesøk. I dette ligg mellom anna å gjere tilbodet kjent, utvikle informasjonsmateriell, opprette aktuelle samarbeidsarena, gjennomføre heimebesøk, dokumentasjon og evaluering.
- Samarbeid internt i eininga, på tvers i organisasjonen og med eksterne.
- Noko av arbeidet føregår på kontor, medan besøka føregår i heimen til dei enkelte.
- Arbeidet er på dagtid, men det vil kunne vere behov for noko arbeid utover normal arbeidstid
- Delta i interkommualt nettverk
Kvalifikasjonar
- Helse - eller sosialfagleg utdanning på universitet- eller høgskulenivå, gjerne med relevant vidareutdanning
- Kunnskap om helsefremjande og førebyggjande arbeid for eldre, gerontologi og geriatri
- Erfaringskompetanse frå arbeid med eldre
- Kompetanse på og erfaring med endringsfokusert rådgjeving, til dømes motiverande intervju
- God kjennskap til aktuelle tilbod og tenester i kommunen av både frivillig, kommunal og kommersiell art
- God skriftleg og munnleg framstillingsevne på norsk
- Førarkort for bil klasse B og disponering av eigen bil
- Personlege eigenskaper for stillinga vil bli vektlagt
Vi tilbyr
Tilsetjing skjer etter gjeldande vilkår for kommunale arbeidstakarar i samsvar med HTA og AML.
Pensjonsordning, ulykkes- og gruppelivsforsikring gjennom KLP.
Kvinnherad kommune er ei IA-verksemd.
Gode arbeidstilhøve i eit godt arbeidsmiljø.
Dekning av flytteutgifter etter nærare reglar.
Søknad vert å senda
Kvinnherad kommune oppfordrar til å søkja elektronisk (godkjende vitnemål og attester tar ein med på evt. intervju). Normalt vil søkjar sitt namn bli offentlegjort i postjournal og offentleg søkjarliste. Dersom du ønskjer at søknaden ikkje skal verte offentleggjort må du grunngje dette. Vi gjer merksam på at opplysningar om søkjarane likevel kan verta offentleggjorde, jf. Offentleglova § 25. Du vil då verte varsla om dette på førehand slik at du har høve til å trekkje søknaden din.
Innsendte vitnemål og attestar blir ikkje returnert.
Det er krav om gyldig politiattest før du tiltrer i stillinga. Kravet er heimla i lov om barnevern § 6.10, opplæringslova § 10.9, lov om barnehagar § 19, Helsepersonellova § 20 og helse- og omsorgstjenesteloven § 5-4.
Om bedriften
Kvinnherad kommune har 13.100 innbyggjarar.Kommunen ligg i Sunnhordland, mellom Bergen, Haugesund og Odda. Rosendal er administrativt senter, Husnes er største tettstaden og har vidaregåande skule og handelssenter. Kvinnherad har eit mangfaldig kulturliv. Sjø, skjærgard, fjell og bre gjev naturtilhøve for friluftsliv heile året.