Ingeniør
Unik jobbmoglegheit på Svalbard!
Ny-Ålesund forskingsstasjon er ein internasjonal møteplass for forskarar som om anna forsøker å finne svar på klimaendringar og kvifor isbreane krympar. Ein del av forskinga vår utførast i utfordrande arktiske forhold – eventyr det eine øyblikket, fullt alvor i det neste. God planlegging bl.a. saman med tekniske ressursar og gode støttefunksjonar meiner vi er ein av suksessfaktorane i våre forskingsprosjekt. Vil du jobbe saman med oss?
Vi har ledig ei 80% åremålsstilling som ingeniør ved Sverdrup i 2 år. Arbeidet er organisert i turnus med tidleg-, normal- og kveldsvakt, samt helgevakt. Du vil arbeide i 4-månaders syklus, med 3 månader i Ny-Ålesund og 1 månad fri.
Arbeidsoppgåver
Som ingeniør ved Sverdrup blir du ein del av teamet på sju tilsette som har ansvar for drift, vedlikehald og installasjon av teknisk og vitskapeleg utstyr knytt til permanente overvakings- og forskingsprogram. Du vil i hovudsak:
- delta i daglege datainnsamlingar og målingar
- delta i dagleg innhenting av meteorologiske verobservasjonar
- yte bistand til feltbaserte forskingsprosjekt innanfor glasiologi, marin- og terrestrisk biologi
- vere ein del av teamet som opererer og varetek sikkerheita for taubanen som går til observatoriet på Zeppelinfjellet.
Kvalifikasjonar
For stillinga krevst:
- ingeniørutdanning, fortrinnsvis innan elektronikk. Omfattande arbeidserfaring frå det aktuelle fagområdet vil i spesielle tilfelle kunne vege opp for utdanningskravet.
- erfaring får målingar og instrumenteringar.
- gyldig førarkort for bil.
- at du består eksamen for drift av taubane de fyste 6 månadene i stillinga.
Vi ønskjer at du har røynsle med vitskaplege instrument og/eller data-/ programmeringserfaring. Dersom du har kjennskap til vedlikehald og reperasjon av elektroniske instrument er det ein fordel. Vi verdset engasjement for og kunnskap om datainnsamling og kvalitetsutvikling.
Ny-Ålesund er eit lite, tett samfunn med mange ulike menneske. Når vi vel vår neste ingeniør legger vi derfor stor vekt på personlege eigenskapar. Måten vi arbeider på krev at du blant anna må være sjølvstendig, er god på å arbeide systematisk, har gode samarbeidsevner og yt høg servicegrad. I Ny-Ålesund er du langt frå allfarveg, så du må vere allsidig og kanskje litt kreativ for å finne gode løysningar saman med kollegaene dine. Arbeidsforholda i Arktis kan vere utfordrande og krevjar god fysisk form og helse, du må derfor også bestå helsesjekk etter våre retningslinjer.
Sidan du vil vere i kontakt med mange ulike typar menneske er det viktig at du kommuniserer godt skriftleg og munnleg, både på norsk/anna skandinavisk språk og på engelsk. Arbeidsspråket vårt er norsk.
Dette kan vi tilby
- Unik åremålsstilling i et unikt samfunn.
- Interessante og spanande arbeidsoppgåver i eit internasjonalt miljø.
- Lønn etter statens regulativ i kode 1085 avdelingsingeniør. For spesielt godt kvalifiserte søkarar kan kode 1087 overingeniør vurderast. Det blir trekt 2% til Statens pensjonskasse.
- Polartillegg, p.t. kr 4.110,00 per månad (utbetalast ift stillingsprosent).
- Fast godtgjering for ukvæm arbeidstid, p.t. kr 4.000,00 per månad (utbetalast ift stillingsprosent).
- Svalbardskatt, p.t. 16,2%
- Dekt losji og kost med mat i messe (fordelsskatting)
- Dekt inntil 3 reiser per år til/frå det norske fastlandet i forbindelse med arbeidsperiodane (fordelsskatting)
- Gode pensjons- og forsikringsordningar gjennom Statens Pensjonskasse.
Mangfald er viktig for oss! Om du er kvalifisert for stillinga, er du velkommen som søkar uansett kjønn, alder, kulturell bakgrunn, nedsett funksjonsevne eller hol i CV-en. Vi rapporterer på dei to siste, så det vil kunna brukast i rapporteringa til regjeringas inkluderingsdugnad. Det er spesielle helsekrav til denne stillinga, blant anna fordi jobben skal utførast under litt andre forhold enn normalt. Det gjer at moglegheitene våre for tilrettelegging av arbeidsplassen kan vera vanskeleg, men vi vurderer det alltid.
Ver oppmerksam på at det er ikkje moglegheit å ha familie busett i Ny-Ålesund.
Søknad
Spørsmål om stillinga kan rettast til leiar for NP Ny-Ålesund Helge Tore Markussen, headnpi.nya@npolar.no, tlf. 79 02 74 01, eller seniorrådgivar Christina A. Pedersen, christina.pedersen@npolar.no, tlf. 917 35 559.
Søknadsfristen er 15. mars 2021.
Søknad med relevante kvalifikasjonar og erfaring, CV, kopi av sertifikat, vitnemål og attestar, og namn på minst tre referansar må registrerast i www.jobbnorge.no. Vedlegg skal registrerast saman med søknaden i Jobbnorge.
All informasjon blir behandla konfidensielt fram til søknadsfristen går ut. Instituttet utarbeider så ei offentleg søkarliste. Søkarar som ikkje ønskjer å stå på lista, må grunngje dette særskilt i søknaden. Etter offentleglova kan opplysningar om søkaren gjerast offentlege sjølv om søkaren har bedt om å ikkje bli ført opp på søkarlista, jf. offentleglova § 25, andre leddet.
Vi ønskjer ikkje kontakt med annonseseljarar.
Om bedriften
Norsk Polarinstitutt
er eit direktorat under Klima- og miljødepartementet og har ca. 160 tilsette i Tromsø, på Svalbard og i Antarktis. Polarinstituttet driv naturvitskapleg forsking, kartlegging og miljøovervaking i Arktis og Antarktis.
Instituttet er fagleg og strategisk rådgivar for staten i polare spørsmål, representerer Noreg i fleire samanhengar og er den norske miljøstyresmakta i Antarktis. Les meir på www.npolar.no.