Byggeleiarar for driftskontraktar
Org. nr: 823727402 Stillingsident: 4197392503 Presentasjon av stillingen:
Vestland fylke skal sikre og utvikle gode og vekstkraftige lokalsamfunn og sterke by- og senterområde. Dei regionale tenestene til innbyggarane, organisasjonar og næringslivet skal vidareutviklast med høg kvalitet. Fylket skal sikra ein framtidsretta infrastruktur, med mål om betra samband internt i regionen og gode kommunikasjonar mot resten av landet, og ut i Europa. Den nye fylkeskommunen skal bidra til å bygge ein sterkare felles kultur og identitet på tvers av dagens fylkesgrenser, samtidig som innbyggarane si tilknyting til lokalsamfunna vert tatt vare på.
Avdelinga skal gjennomføre planlegging, utbygging, drift og vedlikehald av om lag 5600 km fylkesveg. Ivareta fylkeskommunen sine forvaltningsoppgåver som vegeigar. Vi skal samordne aktørar med ansvar for trafikksikring i fylket. Ta i vare heilskapleg utbygging av transportinfrastruktur i arbeidet med Nasjonal transportplan og ha naudsynt beredskap i samband med hendingar på vegnettet.
Seksjonen Vedlikehald, drift og beredskap har ansvar for å drifte og vedlikehalde fylkesvegane, og å planleggje og følgje opp entreprenørar og økonomi innan tildelte midlar. Seksjonen har eit beredskapsansvar med vaktordning, der vi vurderer og set i gang tiltak som å stenge vegar, eller rydde opp og opne vegar som er stengde grunna uvær, skred eller flaum. Vi følgjer opp arbeidet til entreprenørar på drift og elektro. På vedlikehald er oppgåvene mellom anna tinging og oppfølging av dekkelegging, bru/kaivedlikehald og tunneloppgradering. Det er eit mål å syte for best mogeleg og trygg framkomst på fylkesvegane. For å få til det er det viktig med eit godt samspel mellom vedlikehald, drift og beredskap.
Vi søker to byggeleiarar, ei stilling med kontorstad Førde eller Nordfjordeid og ei stilling med kontorstad Bergen.
Arbeidsoppgåver
- Teknisk og økonomisk hovudansvar for gjennomføringa og evalueringa av kontrakten
- Følge opp og rapportere på økonomi, kvalitet, framdrift og HMS på eigne prosjekt
- Koordinere arbeidet med andre faggrupper og etatar
- Ha kontakt med andre myndigheiter, interessegrupper og media
- Vere SHA-koordinator og YM-koordinator med mindre anna er bestemt av prosjektleiar
- Arbeide med konkurransegrunnlag, og oppfølging av gjeldande driftskontraktar
- Saman med kontrollingeniør sørge for at alle krav i kontraktane vert følgde opp og rapporteres vidare til prosjektleiar.
Kvalifikasjonskrav
- Relevant teknisk utdanning frå universitet eller høgskule, min. 3 år. Dersom du har sterk og allsidig praksis eller etterutdanning og gode personlege føresetnader for stillinga, kan vi sjå bort frå utdanningskravet
- Du må ha førarkort klasse B, i særskilte tilfelle kan krav om førarkort fråvikast.
Ønska kvalifikasjonar
- Det er ein fordel med erfaring og god fagleg tyngde frå byggeleiing
- Erfaring med vegdrift.
- Erfaring med kontraktsutlysing og oppfølging av kontraktar.
- Gode kunnskapar i bruk av relevante IKT- verktøy.
Personlege eigenskapar
- Du forstår mekanismane og kan løyse utfordringane i eit prosjekt
- Evne til å samarbeide med og handtere grunneigarar, konsulentar, entreprenørar og kollegaer på ein god måte
- Gode personlege eigenskapar som evne til kommunikasjon- og samarbeid vil bli vektlagt
- Du er sjølvstendig og fleksibel når det gjeld arbeidsoppgåver
Vi tilbyr
- Spanande arbeidsoppgåver og gode vilkår for fagleg utvikling
- Eit sterkt og inkluderande fagmiljø
- Løn etter avtale
- Gode forsikrings- og pensjonsvilkår
- Fleksibel arbeidstid
Anna informasjon
Administrasjonsmålet i fylkeskommunen er nynorsk.
Alle nytilsetjingar i fylkeskommunen blir gjort med ei prøvetid på 6 månader.
Vi gjer merksam på at opplysningar om søkjaren kan verte offentleggjort sjølv om du har bedt om ikkje å stå på offentleg søkjarliste (offentleglova § 25, 2. ledd). Dersom du har bedt om unntak frå offentleg søkjarliste vert du alltid varsla før søkjarlista vert offentleggjort.
Spørsmål om stillinga i Bergen rettast til Mariann Kråkenes Jørgensen. Spørsmål om stilling i Førde/Eid til Rune Sverre Sande. Dersom du har spørsmål knytt til søknadsprosessen, kontakt Ruben Nordvik ved HR-avdelinga.
Kontaktinformasjon
Mariann Kråkenes Jørgensen, Leiar, 95088763
Ruben André Nordvik, Fagarbeider, 96943099
Rune Sverre Sande, Leiar, 91887230
Arbeidsstad
5254
Søk på stillinga:Klikk her
Nøkkelinformasjon:
Arbeidsgjevar:Vestland fylkeskommune
Referansenr.:4197392503
Stillingsprosent: 100%
Fast
Søknadsfrist: 15.03.2020