Inntil 100 % mellombels/vikariat som teiknspråktolk ved Hafslo barne- og ungdomsskule
Det vert ledig inntil 100 % mellombels/vikariat som teiknspråktolk ved Hafslo barne- og ungdomsskule i tida 01.08.19 - 31.07.20. Arbeidet består hovudsakeleg av å vere hjelpe høyrhemma elev med hjelp av teiknspråk i undervisning og elles i skuletida. Du må også rekne med å tolke arrangement i skulen sin regi, både i skuletida og ev. etter skuletid. Skulen har tett fagleg samarbeid med Statped Vest og Nattland skole som alternativ opplæringsarena. Den tilsette vil inngå i eit team på ungdomssteget. Arbeidet krev eit tett og nært samarbeid mellom lærarane og tolken. Ta gjerne kontakt med rektor for meir informasjon om stillinga.
Om bedriften
Hafslo barne- og ungdomsskule ligg i bygda Hafslo i Luster kommune. Hafslo er eit vekstområde i kommunen med tilgang på byggeklare tomtar. Skulen er bygd om med flotte lokaliteter, ligg fint til ved idylliske Hafslovatnet og skulen er flink til å bruke uteområdet. Til kommunesenteret i Gaupne er det 15 km, medan det er 13 km til regionsenteret Sogndal.