Jurist - vikariat
Ansvarsområder og arbeidsoppgåver
I Energi- og vassressursavdelinga har vi 1-2 ledige vikariat i Seksjon for energi- og vassdragsrett (EVR).
Stillingane vert lyst ut i spennet førstekonsulent, rådgjevar eller seniorrådgjevar.
Oppgåvene i EVR omfattar regelverksarbeid på sentrale område innanfor energi- og vassdragslovgivinga, mellom anna vannfallrettighetsloven, vassdragsreguleringsloven, vannressursloven, energiloven, naturgassloven, havenergilova og lov om elsertifikater. Arbeidet omfattar også relevant EØS-regelverk. Seksjonen har ansvar for handsaming av saker om kjøp mv. av vassfallrettar, aksjar og eigedelar i selskap som eig vassfall som er omfatta av vannfallrettighetsloven. Seksjonen gjev bistand til andre seksjonar i juridiske spørsmål og handsamar høyringssaker.
Kvalifikasjonar
Søkarane må ha juridisk embetseksamen eller master i rettsvitskap med godt resultat. Vi søker personar med analytiske eigenskapar, eit godt juridisk skjønn, god rolleforståing og gode evner til tverrfagleg samarbeid og heilskapstenkning. Vi vil legge vekt på gode evner til munnleg og skriftleg framstilling på norsk og engelsk.
Relevant røynsle frå offentleg eller privat verksemd innanfor saksfeltet eller tilgrensande område er ein fordel. Kjennskap til energi- og vassdragsretten er ein fordel, til dømes frå avhandling eller spesialemne i studiet. Kjennskap til EØS-rettsleg arbeid er også ein fordel.
Nyutdanna kan også søke.
Generell informasjon
Vi tilbyr:
- Interessante og utfordrande oppgåver i eit tverrfagleg og triveleg arbeidsmiljø.
- Spennande saker i kryssingsfeltet mellom fag og politikk, og med gode høve til å påverke korleis oppgåvene vert løyst.
- Moglegheit til å opparbeide god innsikt og særs relevant røynsle innanfor energi- og vassdragsretten.
- Fleksibel arbeidstid, lønna overtid og god pensjonsordning
- Høve til trening i arbeidstida
- Årslønn i spennet frå 483 700 - 750 000
Kontaktinformasjon:
Avdelingsdirektør Olav Boge (telefon 22 24 63 83) eller seniorrådgjevar Hege Smith Heiberg (mobil 95 14 31 45).
Om bedriften
Om departementet
Hovudoppgåva til Olje- og energidepartementet er å leggje til rette for ein samordna og heilskapleg energipolitikk. Eit overordna mål er å sikre høg verdiskaping gjennom effektiv og miljøvenleg forvaltning av energiressursane.
Mangfaldserklæring
Vi meiner at inkludering og mangfald er ein styrke. Vi ønskjer medarbeidarar med ulik kompetanse, fagkombinasjonar, livserfaring og perspektiv for å bidra til enda betre oppgåveløysing. Vi legg til rette for medarbeidarar som har behov for det. Aktuell tilrettelegging kan for eksempel være tekniske hjelpemiddel, tilpassing av møblar eller endring av rutinar, arbeidsoppgåver og arbeidstid.
Positiv særbehandling
Dersom det er kvalifiserte søkarar med funksjonsnedsetting, hol i CV-en eller innvandrarbakgrunn, skal vi innkalle minst éin søkar i kvar av desse gruppene til intervju. For å bli vurdert som søkar i desse gruppene, det vil seie positivt særbehandla på denne måten, må søkarane oppfylle visse krav. Les meir om krava på Arbeidsgiverportalen. Vi oppmodar søkarane til å krysse av i jobbportalen om dei har funksjonsnedsetting, hol i CV-en eller innvandrarbakgrunn. Avkryssingane i jobbsøkerportalen dannar grunnlag for anonymisert statistikk som alle statlege verksemder rapporterer i årsrapportar.