Vikariat plankoordinator
Jobbnorge ID: 187152
Om stillinga
Fylkesmannen i Rogaland skal gjennom dialog og skriftlege uttalar, formidle nasjonale forventningar til kommunale og fylkeskommunale planar innan våre ansvarsområde. Stillinga er knytt til miljøvernavdelinga som samordnar planarbeidet vårt internt. Stillinga inngår i embetet si plangruppe der alle avdelingane våre samarbeider tett om uttalar til og deltaking i kommunane sitt arbeid med kommuneplanar,
reguleringsplanar og anna planarbeid etter plan- og bygningslova.
Miljøvernavdelinga har i samband med foreldrepermisjon ledig eit vikariat som plankoordinator med tiltreding snarast råd.
Vikariatet varer til 1. juli 2021.
Arbeidsoppgåver
- gje godt samordna uttalar til planar etter plan- og bygningslova på vegne av embetet
- fagleg og praktisk leiing av embetet si plangruppe
- rapportere til embetsleiinga om planarbeidet i fylket
- formidling av samla sektoransvar og særleg ansvar for miljøvern i planuttalar
- særleg vekt på formidling av nasjonal arealpolitikk, dialog med og råd til kommunar, regionale myndigheiter og andre relevante planaktørar
- møte/meklingar/informasjon/seminar/foredrag
Kvalifikasjonskrav
Du har relevant utdanning på mastergradsnivå. Aktuell utdanning er til dømes innan arealplanlegging, by- og regionalplanlegging, jus, arkitektur og geografi. Manglande utdanning kan kompenserast med høg realkompetanse. Det er ein fordel om du har relevant erfaring innan arealplanlegging og sakshandsaming etter plan- og bygningslova. Andre med god kompetanse og innsikt i fagområdet kan og vere aktuelle.
GIS/kartkompetanse er ein fordel.
Vi ønskjer oss ein medarbeidar som
- har fagleg breidde og tverrfaglig kunnskap om samfunn og arealbruk
- er fleksibel, systematisk og initiativrik
- arbeider godt så vel åleine som i lag med andre
- er løysningsorientert og har god relasjonell kompetanse
- uttrykkjer seg klart skriftleg og munnleg, på begge målformer
Vi tilbyr
- lønn som rådgivar/seniorrådgiver kr 600 000 - kr 720 000 pr år, avhengig av kvalifikasjonar og erfaring. For særleg godt kvalifiserte søkjarar kan høgare lønn vurderast
- fleksibel arbeidstid og statleg avtaleverk
- god pensjonsordning gjennom Statens pensjonskasse (det blir trekt 2% pensjonsinnskot frå lønna)
- viktige og utfordrande arbeidsoppgåver
- nødvendig opplæring og rom for kompetanseutvikling
- gode høve til fagleg utvikling og til å vidareutvikle fagleg nettverk
- triveleg arbeidsmiljø i Statens Hus
Det er 6 månaders prøvetid i stillinga.
Fylkesmannen har som personalpolitisk mål å rekruttere kvalifiserte kandidatar uavhengig av alder, kjønn, funksjonsevne eller etnisk bakgrunn.
Vi jobbar for å realisere regjeringa sin inkluderingsdugnad om at 5% av nytilsetjingar i staten skal være personar med nedsett funksjonsevne
eller hull i CV-en.
Spørsmål om stillinga
Nærare opplysningar kan ein få av fylkesmiljøvernsjef May Britt Jensen, mobil 469 34 768.
Se annonsen og søk på stillingen www.jobbnorge.no
Om bedriften
Fylkesmannen er Kongen og Regjeringa sin representant i fylket og skal arbeide for at Stortinget og regjeringa sine vedtak, mål og retningsliner blir følgde opp i Rogaland. Oppgåvene er i hovudsak rettleiing, tilsyn og klagebehandling retta mot enkeltpersonar, kommunar og bedrifter.
Fylkesmannen skal medverke til å samordne, forenkle og effektivisere statleg verksemd i fylket og har mellom anna oppgåver innafor fagområda miljøvern, landbruk, utdanning, helse, beredskap, sosial- og familierett, verjemål, kommuneøkonomi og planlegging. Embetet har ca 175 tilsette.