Einingsleiar - Heimetenestene, ID 1092
Søknadsfrist: 02.05.2021 Mellom fjord og fjell sentralt i hjarta av Vest-Telemark, ligg Kviteseid kommune. Vakker natur med Telemarkskanalen, heilårsdestinasjonen Vrådal og skisportens vogge har gjort reiseliv til ei viktig næring.
Kviteseid er administrasjonssenteret i Vest-Telemark og har om lag 2500 innbyggarar. Kommunen har full barnehagedekking, nyrenovert 1-10 skule, vidaregåande skule - Kvitsund Gymnas, skisenter og eit aktivt organisasjonsliv. Me kan m.a. tilby fantastiske kontrastar, med bading og båtliv om somrane, langrenn og slalåm om vintrane og flotte fjellturar heile året.
Kviteseid har fleire kompetansemiljø innan offentleg tenesteyting: Barnevernsamarbeidet i Vest-Telemark og Vest-Telemark PPT. Kviteseid har landets einaste samlokaliserte domstol med Vest-Telemark tingrett og Øvre Telemark Jordskifterett. Kviteseid er og kontorstad for fleire regionale samarbeidstiltak som Vest-Telemarkrådet og den einaste Siva næringshagen i Vestfold/Telemark.
LEDIG STILLING
Då noverande einingsleiar i Heimetenestene ynskjer å pensjonere seg før sommaren, har kommunen følgjande stilling ledig:
Einingsleiar ID 1092 , 100% , fast tilsetjing med oppstart så snart som mogleg.
Me kan tilby ei spanande og utfordrande leiarstilling med ansvar og handlingsrom til å vera med og vidareutvikle ei godt fungerande teneste. Me ynskjer ein tydeleg og visjonær leiar som brenn etter å leie ei teneste der samarbeid og kvalitet står i fokus, og der hovudmålet er at brukarane skal få bu heime så lenge dei ynskjer det.
I «Omsorgsplan mot 2040» ynskjer politikarane i Kviteseid kommune å satse endå meir på Heimetenestene.
Eininga omfattar heimesjukepleie, heimehjelp/praktisk bistand og dagsenter for heimebuande demente. Me har og ein teknikar som jobbar tett saman med ergoterapeut ift hjelpemiddel /velferdsteknologi.
Heimetenestene har 31 tilsette (21,8 årsverk), og ingen ledige stillingar. Me held til i underetasjen på Kviteseid Omsorgssenter( KOS), som ligg sentralt i Kviteseid med flott utsikt over Sundkilen. Midtsundtoppen dagsenter og omsorgsbustader ligg rett i nærleiken av omsorgssenteret.
Arbeidsoppgåver:
- Personal-, budsjett-, og driftsansvar for eininga
- Overordna ansvar for fag, kvalitet og utvikling av tenestetilbodet i nært samarbeid med fagutviklingssjukepleiar
- Skape resultat saman med tilsette innanfor gjevne rammer
- Medverke til god samhandling mellom einingane i PLO
- Deltaking på leiarnivå i kommunen.
Me søkjer ein autorisert sjukepleiar som har:
- Leiarutdanning og leiarerfaring
- God kunnskap og interesse for fagområda som skal leiast
- Oversikt, kan planlegge og styre korleis tenestene sin samla ressurs skal prioriterast og nyttast i høve til regelverk, budsjett og handlingsrom
Personlege eigenskapar som vert vektlagt:
- Har gode kommunikasjons - og samarbeidsevne
- Er fleksibel og har stor arbeidskapasitet
- Er nysgjerrig, engasjert og robust
- Er tydeleg, systematisk og strukturert
- Evnar å motivere og engasjere dei tilsette til å jobbe mot felles mål
Me kan tilby:
- Motiverte og kunnskapsrike kollegaer
- God trivsel og arbeidsglede i gruppa
- Mange og varierte oppgåver
Anna:
- Arbeidstid 37,5 t/veke
- God pensjonsordning
- Løn etter avtale
Ved tilsetjing må politiattest leggast fram, ikkje eldre enn 3 månader. Personlege eigenskapar i eit leiarperspektiv vert vektlagt ved tilsetting.
Kommunen sitt administrasjonsspråk er nynorsk. Attestar og vitnemål vil bli etterspurd i samband med intervju.