Sommarjobb - teknisk
Sommarjobb
Teknisk Driftseining søkjer deg som er født i 2004 eller tidlegare til drifts- og vedlikehald samt reinhald av kommunale bygg.
Arbeidsoppgåver
Drifts- og vedlikehaldsavdelinga søkjer etter sesongarbeidar/sommarvikar til stell av grøntanlegg, maling/beising av hus og diverse førefallande vedlikehaldsoppgåver på Nesflaten, Suldalsosen, Sand, Jelsa og Erfjord.
For meir informasjon i vedlikehaldsavdelinga, ta kontakt med Torbjørn Nordmark, tlf. 404 06 327.
Reinhaldsavdelinga søkjer etter sommarvikarar til daglig reinhald av ulike kommunale bygg på Nesflaten, Suldalsosen, Sand, Jelsa, Erfjord, Marvik og Vanvik.
Reinhaldsavdelinga søkjer og etter reinhaldar til offentleg toalett på Gullingen i sommarsesongen frå 01.06.2020 til 31.08.2020 der reinhald vert utført 3 gonger i veka.
For meir informasjon om stillingane, ta kontakt med avdelingsleiar Ellen Trevland tlf 404 18 970.
Personar over 18 år med sertifikat og med ynskje om å jobbe lengre periodar vert oppfordra til å søkja.
For alle stillingande gjeld:
Arbeidet vert utført i kjernetida mellom kl. 07:00 og kl. 17:00.
Du vil få opplæring på arbeidsstaden men det er ein fordel om du har erfaring frå liknande arbeid.
Du må vera interssert i arbeidet, påliteleg og kunne arbeide sjølvstendig.
Det er ein føresetnad for å søkja at du kan arbeide minst 2 veker samanhengande.
Generelt/Søknad sendast
I søknaden må du opplyse:
-Personnummer ,namn, adresse og e-postadresse
-Kor i kommunen og kva for tidsrom du søkjer jobb
-Tlf. til føresette dersom du er under 18 år
-Om du har sertifikat
-Andre ting du meiner er viktig å informera arbeidsgjevar om
Det er ikkje mogleg å leggja med vedlegg. Rettskjende kopiar av attestar og vitnemål må takast med til eventuelt intervjuv.
Suldal kommune oppfordrar alle våre søkjarar til å søkja på stillinga digitalt.
Søkjarar som ikkje kan søkja via nett, ta kontakt med servicetorget, tlf. 52 79 22 00.
Om bedriften
Suldal er ein del av Ryfylkeregionen og ligg nordaust i Rogaland. Det bur om lag 3800 menneske her. 1200 av desse bur i kommunesenteret Sand.Kommunen har eit godt og allsidig tenestetilbod. Det regionale kulturhuset for indre Ryfylke ligg i kommunesenteret Sand. Der ligg også regionalt idrettsanlegg og Suldalshallen.