Førsteamanuensis/førstelektor/høgskulelektor i Idrett og kroppsøving - st. nr. 20/2019
Jobbnorge ID: 167485
Om stillinga
Ved Høgskulen i Volda, Avdeling for kulturfag, er det ledig fast 100% stilling som førsteamanuensis/førstelektor/høgskulelektor i Idrett og kroppsøving frå 1.8.2019.
Kvalifikasjonar
Personen vi søkjer må ha relevant undervisningserfaring og må vere kvalifisert til å dekke:
. Symjing og livberging
. Ballspel
. Orientering
. Rørslelære
. Metode- og bacheloroppgåverettleiing
Personen bør kunne dekke:
. Treningslære
. Ernæring
. Helse
. Idrett og samfunn
. Motorisk læring
. Grunnleggande koordinasjon
. Turn
. Stup
Ved tilsetjing vil det samla kompetansebehovet i fagmiljøet bli sett under eitt.
Den som blir tilsett, kan også bli involvert i vidareutvikling av studietilboda og ulike eksterne oppdrag, samt undervisning innan heile bacheloren i Idrett og kroppsøving.
Høgskulen nyttar Canvas som læringsplattform. Digital kompetanse er såleis nødvendig. Undervisings- og administrasjonsspråket ved høgskulen er norsk. Dagleg arbeidsstad er høgskulecampus i Volda.
For tilsetjing som førsteamanuensis må søkjaren ha doktorgrad. For tilsetjing som førstelektor må søkjaren ha dokumentert omfattande forskings- og utviklingsarbeid som i kvalitet og omfang svarer til doktorgrad. For tilsetjing som høgskulelektor må søkjaren ha mastergrad/hovudfag. For alle stillingskategoriane gjeld det at ein må ha dokumentert praktisk-pedagogisk kompetanse på grunnlag av utdanning og/eller undervisning og rettleiing innanfor relevante fagområde.
Det vil bli lagt stor vekt på personlege eigenskapar som samarbeidsevne, evne til å ta initiativ og arbeide sjølvstendig, god munnleg og skriftleg formidlingsevne. Vidare må den som blir tilsett, kunne vise at ein er trygg som undervisar både i store forsamlingar og mindre grupper og både i praktiske og teoretiske økter. Aktuelle søkjarar kan bli kalla inn til intervju og prøveundervisning. Tilsetjing vil skje i tråd med dei faglege behova ved seksjonen.
Dersom det ikkje melder seg formelt kvalifiserte søkjarar, kan ein person utan hovudfag / mastergrad, men med særleg relevant praksis, verte tilsett som høgskulelærar i midlertidig stilling.
Arbeidsfelt
Vi søkjer ein person som kan ta undervisning, administrative oppgåver og eksterne oppdrag innanfor Seksjon for idrett og friluftsliv sitt virkefelt.
Vi tilbyr
Eit spanande arbeidsmiljø med høve til fagleg og personleg utvikling og gode pensjonsordningar.
Stillinga er løna etter kompetanse og kvalifikasjonar i statens lønsregulativ med normal årsløn i desse stillingskodene ved Høgskulen i Volda: Førsteamanuensis 1011/førstelektor 1198 frå kr 565 500 - 713 400/høgskulelektor 1008 frå kr 480 600 - 619 300.
Generell informasjon
Den statlege arbeidsstyrken skal i størst mogleg grad spegle mangfaldet i folket. Det er difor eit personalpolitisk mål å oppnå ei balansert alders- og kjønnssamansetjing og rekruttere personar med innvandrarbakgrunn. Høgskulen praktiserer moderat kjønnskvotering. Vi gjer søkjarar som oppgir at dei har nedsett funksjonsevne eller hol i CV merksam på at denne opplysinga kan verte brukt til registreringsføremål knytt til regjeringa sin inkluderingsdugnad.
Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.
Søkjarar kan verte kalla inn til intervju og/eller prøveundervisning. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.
I samsvar med Offentleglovas § 25 kan søkjar be om å ikkje bli oppført på offentleg søkjarliste. Søkjarar som ønskjer å reservere seg, må under <<søknad>> hake av for <<Er det grunnlag for å bli unntatt offentligheit, jfr. Offentlighetsloven>> samt grunngi søknaden. Høgskulen kan likevel avgjere at namnet på søkjaren skal offentleggjerast. Søkjaren blir varsla dersom ønsket om unntak ikkje blir tatt til følge.
Om søknaden
Søknad og all dokumentasjon skal sendast elektronisk igjennom rekrutteringssystemet Jobbnorge der du registrerer søknaden, vedlegg og informasjon om utdanning og arbeidserfaring. Vi ber også om at du oppgir referansar med kontaktinformasjon. Søknaden skal gi eit fullstendig oversyn over utdanning og tidlegare praksis. Søknader eller vedlegg kan ikkje sendast på e-post eller i vanleg postgang til høgskulen.
Det er søkjar sitt ansvar å sørge for at alle dokument/filer er lasta opp innan søknadsfristen. Søknaden vert vurdert med den informasjonen som ligg føre elektronisk i Jobbnorge. Vedlegg skal lastast opp som separate filer i eit format som kan leggjast ved elektronisk; PDF, PMG, JPEG, ODF, DOC. Dersom vedlegga samla overstig 30 MB, må dei komprimerast før dei vert lasta opp. Vedlegga skal ha namn som samsvarar med innhaldet i fila.
Følgjande dokument/filer skal leggjast ved den elektroniske søknaden:
- vitnemål og attestar, samla i ei fil
- CV
- fullstendig publikasjonslise over alle vitskapelege arbeid
- inntil 10 vitskapelege arbeid, inkludert master-/hovudfagsoppgåve og eventuell doktorgradsavhandling
Dei faglege kvalifikasjonane til søkjarane kan verte vurdert av eit sakkunnig utval. Viser til Forskrift om ansettelse og opprykk i undervisnings- og forskerstillinger, KD 9.2.2006, med endringar 15.9.2015. www.lovdata.no/dokument/SF/forskrift/2006-02-09-129. Alle innkomne søknader blir først vurderte av avdelinga. Søknader frå klart ikkje-kvalifiserte søkjarar blir ikkje sende vidare til vurdering i sakkunnig utval.
Søknadsfrist: 8. april 2019
Kontakt
Nærare opplysningar får ein ved å vende seg til høgskulen v/dekan Aud Folkestad, tlf. 7007 5310 eller seksjonsleiar Kjetil Høydal, 7007 5394.
Om seksjonen
Stillinga er knytt til Seksjon for idrett og friluftsliv. For tida er det om lag 10 stillingar i denne seksjonen, som for studieåret 2018/2019 har ansvar for følgjande utdanningstilbod:
Bachelor i idrett og kroppsøving
Årsstudium i idrett og kroppsøving
Bachelor i friluftsliv og naturguide
Årsstudium i friluftsliv
Emne i lærar- og barnehagelærarutdanninga
Praktisk pedagogisk utdanning
Om avdelinga
Avdeling for kulturfag tilbyr for tida m.a. bachelorutdanningar i Musikk, Formgiving, kunst og handverk, Idrett og kroppsøving, Friluftsliv og naturguide, Drama og teater, samt vidareutdanningstilbod innan undervisningsretta fag i skuleverket. Avdelinga har om lag 450 heiltidsstudentar.
Det beste med Volda
Studentar og bygdefolk fortel kva dei synest er det beste med Volda. Produksjon: Chris-Håvard Berge
Video: https://www.youtube.com/watch?v=61Me2JOrMgQ&feature=youtu.be
Se annonsen og søk på stillingen www.jobbnorge.no
Om bedriften
Høgskulen i Volda er høgskulen for humaniora og samfunnsvitskap i Møre og Romsdal. Vi er ein spennande kompetanseorganisasjon i vekst med om lag 4000 studentar og 350 tilsette. Vi gjev undervisning i ei rekkje fagområde, yrkesretta utdanningar og etter- og vidareutdanningar i nært samarbeid med samfunns- og næringsliv. Høgskulen i Volda driv mykje forsking og utviklingsarbeid og satsar på forskaropplæring og kompetanseoppbygging for dei tilsette i samarbeid med universitet i inn- og utland.