Psykologspesialist/psykolog
Stillingsannonsen er inaktiv.Barne-, ungdoms- og familieetaten, region vest
Storehagen 1 B, 6800 Førde
Om stillinga
Ved Familiekontora for Sunnfjord og Sogn er det ledig ei fast 100 % stilling som psykologspesialist/psykolog med tiltreding snarast.
Stillinga er for tida lagt til Familiekontora for Sunnfjord og Sogn, avdeling Førde. Den som vert tilsett i stillinga må pårekne å arbeide ved lokasjonen i Sogndal ved behov.
Familiekontora for Sunnfjord og Sogn har kontorstad i høvesvis Førde og Sogndal, med leiing og administrasjon i Førde. Vi har til saman 15 tilsette. Kontora skal gje tilbod til alle kommunane i sitt lokalområde. Familiekontora er meklingsinstans i saker etter Ekteskaps- og arnelova. I tillegg har vi tilbod om råd, rettleiing og samtaleterapi til familiar, par og einskildpersonar. Det er i alt 11 familiekontor i Region vest.
Ved kontoret i Førde er det 6,5 terapeutstillingar. Avdelinga dekkjer kommunane Askvoll, Fjaler, Gulen, Hyllestad, Høyanger, den sørlege delen av Kinn (tidlegare Flora kommune), Solund og Sunnfjord. Ved kontoret i Sogndal er det 3 terapeutstillingar. Denne avdelinga dekkjer kommunane Aurland, Luster, Lærdal, Sogndal, Vik og Årdal.
Arbeidsoppgåver/ansvarsområder
- Rådgjeving og terapeutisk arbeid med par, enkeltpersonar og familiar som opplev vanskar, konfliktar eller kriser og som ønskjer hjelp med relasjonelle forhold. Familiar med born har prioritet, og born deltek i aukande grad i samtaler på kontoret.
- Mekling etter Lov om ekteskap og Lov om barn og foreldre.
- Tilsynsoppgåver ved foreldre sitt samvær med born, når det er fastsett av retten at det skal være samvær med støttande tilsyn.
- Utadretta arbeid i form av undervisning, kurs- og gruppetilbod.
- Deltaking i intern fagutvikling.
Kvalifikasjonskrav
- Du må ha godkjenning som psykologspesialist, evt. profesjonsutdanning i psykologi og offentleg godkjenning som psykolog.
- Du må ha relevant klinisk arbeidserfaring frå arbeid med born og familiar.
Personlege eigenskapar
- Du har god evne til fagleg refleksjon.
- Du har gode evner til samarbeid, fleksibilitet, og til å kunne jobba både sjølvstendig og i team.
- Du har god arbeidskapasitet og interesse for å møta faglege utfordringar.
- Det vert lagt stor vekt på om søkjarane er personleg eigna, og det vert teke omsyn til samansetjing av fagteamet ved kontoret.
Vi tilbyr
- Stillinga er plassert i statleg lønsregulativ i stillingskode 1304 psykolog med godkjend spesialitet, med løn p.t. kr 643 000 - kr 792 700 pr. år (ltr 70 - 79), stillingskode 0794 psykolog, med løn p.t. kr 526 000 - kr 643 000 pr. år (ltr 59 - 70), eller i stillingskode 0795 spesialpsykolog, med løn p.t. kr 597 000 - kr 708 000 pr. år (ltr 66 - 75).
- Løn og stillingskode vert vurdert etter utdanning og erfaring.
- Medlemskap i Statens pensjonskasse jf. Lov om Statens pensjonskasse, som inneber ein god tenestepensjonsordning, tilbod om bustadlån til konkurransedyktige vilkår, samt yrkesskade- og gruppelivsforsikring.
Opplysningar til deg som søkjer
- Inkludering og mangfald er ein styrke og gjer at vi kan løyse oppgåvene våre enda betre. Derfor ønsker vi oss medarbeidarar med ulike kompetansar, fagkombinasjonar, livserfaringar og perspektiv. Har du funksjonsnedsetting, hol i CV-en eller innvandrarbakgrunn, oppmodar vi deg som søker til å krysse av i jobbsøkerportalen. Er det kvalifiserte søkarar, kaller vi inn minst éin i kvar gruppe til intervju, og får du jobben, legg vi til rette for deg om du treng det. Utanom å velge ut riktige kandidatar bruker vi ikkje avkrysningane til noko anna enn anonymisert statistikk.
- Stillinga er for tida lagt til Familiekontora for Sunnfjord og Sogn.
- Vi gjer merksam på at opplysningar om søkjarane kan bli gjort offentlege sjølv om søkjaren har bede om ikkje å bli ført på søkjarlista, jf. Lov om rett til innsyn i dokumenter i offentleg verksemd (offentleglova), § 25.
Kontaktinformasjon
Einingsleiar Hanne Skei Veum,
tlf. 466 15 701
Søknad med CV sendast elektronisk via link på denne sida.
Vitnemål og attestar med stadfesta stillingsstorleik og varigheit skal takast med ved eit evt. intervju.
Om arbeidsgiveren
Arbeidsgiver
Barne-, ungdoms- og familieetaten, region vest
Adresse
Storehagen 1B, 6856 Sogndal
Hjemmeside
Om Bufetat
Barne-, ungdoms- og familieetaten sine fem regionar har som hovudoppgåve å drifte etaten sine institusjonar og familievernkontor. I tillegg har regionane ansvar for fosterheimsrekruttering og oppgåver knytt til adopsjon. Barn, unge og familiane deira skal få riktig hjelp til rett tid uansett kvar dei bur i Noreg. Bufetat sine fem regionar og Bufetat Senter for administrasjon og utvikling rapporterer til Barne-, ungdoms- og familiedirektoratet som er underlagd Barne- og familiedepartementet.
Bufetat, region vest femner om fylka Vestland og Rogaland, med regionkontor som ligg i Bergen.
Om stillingen
Stillingstittel
Psykologspesialist/psykolog - fast 100 %
Antall stillinger
1
Heltid/deltid
Heltid
Sektor
Offentlig
Sist endret: 10. mars 2021
Hentet fra: jobbnorge
Referanse: 10020562
Stillingsnummer: ae4d6e83-5371-487c-8eef-49ccdd3c3696