Rådgjevar/seniorrådgjevar i Seksjon for internasjonalt samarbeid og beredskap
Vil du arbeide med internasjonale helsespørsmål hjå oss?
Ønskjer du å vere med og utvikle det internasjonale arbeidet HOD gjer overfor EU og det nordiske helsesamarbeidet? Noreg samarbeider tett med EU på helseområdet. Samarbeidet er styrkt gjennom handteringa av covid-19. I 2022 tek Noreg over formannskapen i Nordisk Ministerråd.
Seksjon for internasjonalt samarbeid og beredskap (SIB) i Administrasjonsavdelinga søkjer rådgjevar/seniorrådgjevar (100 % stilling) snarast i eit toårig engasjement.
Om Seksjon for internasjonalt samarbeid og beredskap
Seksjonen samordnar oppgåvene departementet har innanfor internasjonalt arbeid. Noreg har eit stort internasjonalt helsepolitisk engasjement, mellom anna gjennom samarbeid i Nordisk ministerråd, EU/EØS og SN/Verdshelseorganisasjonen (WHO). Dessutan har seksjonen ansvar for helsesamarbeidet i nordområda, bilaterale avtaler, handelspolitiske saker og tilrettelegging av internasjonalt engasjement for politisk leiing. Seksjonen har òg ansvar for arbeidet departementet gjer med beredskap og tryggleik, nasjonalt og internasjonalt.
Om arbeidsoppgåver
Stillinga skal omfatte arbeidsoppgåver innanfor arbeidet med EU og det nordiske samarbeidet. Førebuing til- og gjennomføring av den norske formannskapen i Nordisk ministerråd skal inngå i stillinga. Du må likevel rekne med oppgåver frå heile arbeidsområdet i seksjonen.
Kvalifikasjonar og eigenskapar
Kvalifikasjonar
Du må:
- ha relevant høgare utdanning på masternivå
- ha relevant internasjonal røynsle
- ha kjennskap til Noregs samarbeid med EU og det nordiske samarbeidet
- kjennskap til EØS-avtalen er ein føremon
- ha særs god skriftleg og munnleg framstillingsevne på norsk og engelsk
- ha stor arbeidskapasitet og evne til å handtere stundom høgt tempo og arbeidspress
- kunne tryggingsklarerast
- ha minst 3 år relevant arbeidserfaring for stilling som rådgjevar, og minst 6 år for stilling som seniorrådgjevar
Personlege egenskapar
Vi søkjer ein person som har:
- analytisk og strategisk evne
- høg fagleg integritet
- gode kontaktskapande evner
- god analyse- og vurderingsevne
- godt politisk skjønn og rolleforståing
- sjølvstendig gjennomføringskraft
- evne til å ta initiativ og arbeide godt både sjølvstendig og i team.
Vi legg vekt på personlege eigenskapar som gjer nettopp deg skikka til stillinga.
Vi tilbyr
- Engasjement i 2 år
- Tilsetting: Snarast
- Stillingsbrøk: 100%
- Utfordrande arbeidsoppgåver og gode høve til å utvikle deg
- Eit fagleg dugeleg og spennande arbeidsmiljø med engasjerte og trivelege kollegaer
- Fem veker ferie, fleksitidordning og gode velferdsordningar.
- Løn kr 550 000 – 750 000 - avhengig av kvalifikasjonar og erfaring. For særleg kvalifiserte søkjarar kan vi vurdere høgare løn.
2 % innskot til Statens pensjonskasse blir trekt frå løna. Medlemskapen er ei av dei beste pensjonsordningane i landet, med gunstig bustadlån og gode forsikringsordningar.
Les meir om å jobbe hos HOD her: Jobbe i Helse- og omsorgsdepartementet
Vi er underlagde lov- og avtaleverk som sikrar dei tilsette ryddige arbeids- og tenesteforhold.
Mangfold og inkludering i Helse- og omsorgsdepartementet
Vi er opptekne av mangfald, og meiner inkludering og mangfald er ein styrke. Vi ønskjer å vere ein arbeidsstad som speglar folket, og vi ønskjer medarbeidarar med ulike kompetansar, fagkombinasjonar, livserfaring og perspektiv for å medverke til endå betre oppgåveløysing. Vi oppmodar derfor alle kvalifiserte kandidatar til å søkje.
Vi har eit personalpolitisk mål om å inkludere personar med nedsett funksjonsevne og personar som har stått utanfor arbeid eller utdanning i lengre tid, og vi legg til rette arbeidstilhøva om det trengst.
Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.
For å bli vurdert som søkjar i desse gruppene, det vil seie positivt særhandsama på denne måten, må søkjarane oppfylle visse krav. Les meir om krava på Arbeidsgjevarportalen
Vi oppmodar deg til å krysse av i jobbportalen dersom du har funksjonsnedsetjing, hol i CV-en eller innvandrarbakgrunn. Avkryssinga i jobbsøkjarportalen gjer grunnlag for anonymisert statistikk som alle statlege verksemder rapporterer i sine årsrapportar.
Vil du vite meir?
Synes du dette høyrest interessant ut og ønskjer nærare informasjon?
Ta kontakt med avdelingsdirektør Tone Wroldsen på telefon: 415 08 351 eller underdirektør Nina Horg Thoresen på telefon: 900 44 766.
Slik søkjer du
Send søknad elektronisk via lenka "Søk stillinga" nedst på sida til JobbNorge.no.
Legg ved vitnemål og eventuelle attestar, og legg inn opplysningar til din CV.
Alle dine personopplysningar vert tatt vare på i samsvar med GDPR.
Unntak fra offentlig søkerliste
I samsvar med offentleglova § 25 gjer vi merksam på at opplysningar om søkjaren kan bli offentleggjort sjølv om søkjaren har bede om ikkje å bli ført opp på søkjarlista.
Om bedriften
Om Helse- og omsorgsdepartementet
Helse- og omsorgsdepartementet (HOD) har det overordna ansvaret for at folk får gode og likeverdige helse- og omsorgstenester. Departementet har ansvar for folkehelsepolitikken og primærhelse- og spesialisthelsetenesta, medrekna e-helse, helserett og eigarskapsforvaltning av helseføretaka.
Departementet har 220 tilsette. Les meir om oss på regjeringa.no.