Marinbiolog eller liknande
Arbeidsoppgåver
Hovudoppgåvene i stillinga vil vere å utføre oppdrag som typisk handlar om å undersøke lokal belasting på marint miljø, t. d. resipientundersøking, eller inngår i nasjonale miljøovervakingsprogram. Deltaking i forskingsprosjekt med kopling til marint miljø inngår også i stillinga.
I tillegg inneber stillinga å vere med og utvikle nye prosjekt, søke finansiering, ha kontakt med andre organisasjonar, planlegge og gjennomføre måleprogram og liknande. Du vil vere med og drive prosjekt og utføre praktiske oppgåver i prosjektet som innsamling av miljødata i felt, analyse av prøver, handtering av datamateriale, statistisk analyse, og rapportskriving.
Bakgrunn
Stillinga krev naturvitskapeleg høgskule- /universitetsutdanning med retning marinbiologi, akvatisk økologi eller liknande. Du må ha god kjennskap til plankton, botnfauna, fisk og andre marine organismar. Erfaring av marin miljøovervaking og marine feltstudiar, f. eks. inventering av havbotn, er ein fordel. Du bør ha kjennskap til statistikk og programvare som vert brukt i marinbiologisk datahandtering. Det kan innebere programmering i f. eks. R eller Python. Du må ha evne til å formidle resultat til ulike målgrupper, og til å arbeide sjølvstendig, med ansvar for å halde tidsplan og budsjett. Erfaring av miljøkonsekvensanalyse er eit pluss, liksom erfaring av prosjektarbeid og ev. prosjektleiing.
Sidan arbeidet kan innebere sjølvstendig arbeid på ulike lokalitetar trengst førarkort for personbil.
Alternativ kontakt: Forskingsleiar
Jenny Ullgren
Mob: +47 94 13 88 71
Om bedriften
Runde Forsking AS ved Runde Miljøsenter har som oppgave å støtte & legge til rette for marin forsking. Vi utfører miljøundersøkingar og formidlar informasjon om forskingsresultat og miljøtilstanden i sjøen med fokus på kystnære område rundt Søre Sunnmøre / fugleøya Runde.
Runde Forsking blir leia frå Runde og består av 10 tilsette innan ocenografi, fysikk, marinbiologi, ingeniørvitenskap. Vi skal bidra til innhenting og formidling av kunnskapsbasert dokumentasjon som sikrar eit godt beslutningsgrunnlag for våre kunder.
Stikkord: Miljøovervaking, rådgiving, forsking, naturvitskap,
Vi søkjer etter initiativrike personar som ynskjer å arbeide i skjeringsfeltet marin/maritim forsking der næringsretta verdiskaping står sentralt.