Leiar for anleggs- og driftsavdelinga
Ulstein kommune, teknisk etat søkjer etter leiar av anleggs- og driftsavdelinga.
Leiaren har ansvar for drift, utvikling og utbyggingsprosjekt for tenestene vassforsyning, avløp, kommunale vegar, hamn og grøntanlegg. Leiaren har omfattande kontakt med innbyggjarar, næringsliv og andre offentlege verksemder i tillegg til medarbeidarar på avdelinga og i organisasjonen elles. Stillinga rapporterer til kommunalsjef teknisk og inngår i leiargruppa ved etaten.
Arbeidsoppgåver
- Leie avdeling med 11 tilsette
- Økonomistyring
- Personalansvar
- Iverksette og gjennomføre utbyggingstiltak innan veg vatn og avløp
- Sikre god drift innan tenesteområdet
- Saksbehandling for politiske organ og oppfølging av vedtak
Kvalifikasjonar
- Relevant høgare utdanning. Til dømes; ingeniør/sivilingeniør/master innanfor veg, vatn, avløp, bygg, anlegg og liknande, arkitekt, landskapsarkitekt.
- Erfaring frå offentleg eller privat verksemd innanfor fagfeltet.
- Erfaring frå prosjektutvikling og prosjektleiing
- Kompetanse innan økonomistyring og måloppnåing
- Førarkort minimum klasse B
- Evne til relasjonsbygging og personlege eigenskapar vil bli vektlagt
Personlege eigenskapar
- Omgjengeleg med gode samarbeidsevner
- Sjølvstendig, strukturert og resultatorientert
- Du må kunne jobbe godt både åleine og i lag med andre.
- Engasjert, løysingsorientert og innovativ
- Pågangsmot og evne til å drive prosessar framover
Vi tilbyr
Ei utfordrande stilling i eit arbeidsmiljø kjenneteikna av profesjonalitet, sterke fagmiljø, tilgang til gode nettverk både innan fag og leiing.
Gode pensjons- og forsikringsordningar i KLP
Løn etter avtale
Kontaktinformasjon
Arne Runar Vik, kommunalsjef teknisk, 41582440Arbeidsstad
Sjøgata 636065 ULSTEINVIK
Nøkkelinformasjon:
Arbeidsgivar:Ulstein kommuneReferansenr.:4529328904
Stillingsprosent: 100%
Fast
Søknadsfrist: 17.07.2022
Om bedriften
Mellom storhavet og Sunnmørsalpane ligg Ulstein kommune med kommunesenteret Ulsteinvik. Hos oss står nyskaping og bulyst i høgsetet. Folketalet stig og nye utbyggingsprosjekt har blitt prisløna dei siste åra. Vi driv godt, har stram men ordna økonomi, gode tenester og høg fagleg kompetanse. Vi huser store maritime verksemder med global marknad og hjarte for lokalsamfunnet. Saman med engasjerte innbyggarar, ein blømande frivillig sektor og eit allsidig næringsliv skaper vi framtida.