Fyrstekonsulent/rådgjevar
Om stillinga
Ledig vikariat som fyrstekonsulent/rådgjevar i 100 % stilling fram til 01.10.2023 med f.t kontorplass i Kristiansund.
Sakshandsamaren skal følge opp domfelte som gjennomfører straff i fridom; samfunnsstraff, program mot ruspåverka køyring, narkotikaprogram med domstolkontroll, bøteteneste og møteplikt.
Møre og Romsdal friomsorgskontor har også oppfølging av domfelte under soning med elektronisk kontroll, soning i institusjon (§12), og samarbeid med konfliktråda om ungdomsoppfølging og ungdomsstraff.
Den som vert tilsett må pårekne å arbeide frå alle tre kontora; Kristiansund, Molde og Ålesund.
Arbeidsoppgåver
- Sakshansaming etter straffegjennomføringslova
- Oppfølging av straffedømte som gjennomfører straff i fridom
- Drive utviklingsarbeid og programverksemd
- Utarbeide personundersøking til bruk i straffesaker
- Koordinere og formidle kontakt mellom domfelte og forvaltninga/hjelpeapparatet
- Ha kontakt med oppdragsgivarar for samfunnssnyttig teneste
Den som blir tilsett, må rekne med å ta del i heile verksemda sine oppgåver og drift.
Utdanning og erfaring
Du må ha
- Sosialfagleg høgskule eller universitetsutdanning, eller anna relevant utdanning frå høgskule eller universitet på bachelor nivå.
- god kunnskap og erfaring i bruk av IKT - system eller verktøy
- god munnleg og skriftleg framstillingsevne
- førarkort kl. B
Det er ønskjeleg at du har
- erfaring frå sosialt arbeid, rus og psykiatri eller anna erfaring med målgruppa
Personlege eigenskapar
- gode samarbeids- og kommunikasjonsevne
- evne til å arbeide systematisk og sjølvstendig
- evne til å arbeide effektivt og under press
- evne til å motivere for endring
Vi tilbyr
- meiningsfulle oppgåver i ein etat med eit viktig samfunnsoppdrag
- gode pensjons-, forsikrings- og låneordningar i Statens pensjonskasse.
- stillinga som skashandsamar er løna som fyrstekonsulent plasert i stillingskode 1408, årsløn kr. 391 800 - 543 500 eller rådgjevar plasser i stillingskode 1434, årsløn kr. 507 600 - 677 100 pr år. Rådgjevar krever 3 års relevant erfaring. Frå løna ver der trekt 2 % innskot i Statens pensjonskasse.
Generell informasjon
Kriminalomsorga meiner at inkludering og mangfald er ein styrke. Vi ønskjer oss medarbeidarar med ulik kompetanse, livserfaring og perspektiv for å kunne bidra til ei enda betre oppgåveløysing.
Vi jobbar for å realisere regjeringa sin inkluderingsdugnad om at 5 % av nytilsetjingar i staten skal vere personar med nedsett funksjonsevne eller hol i CV-en.
Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.
Kjenner du deg igjen i ein av desse kategoriane, kan du krysse av i jobbsøkjarportalen vår. Du kan lese meir om krava for å bli vurdert som søkjar i desse gruppene her.
Det må ikkje vere noko å utsetje på vandelen til den som blir tilsett. Dette må dokumenterast med ein uttømmande politiattest før tilsetjing.
Vi gjer merksam på at opplysningar om søkjarar kan bli offentleggjorde sjølv om søkjar har bede om å vere unnateke søkjarlista. Søkjar vil i så fall bli varsla om dette og gjeve høve til å trekkje søknaden.
Prøvetida er 6 månader.
Den som blir tilsett, må rette seg etter organisasjonsmessige eller andre endringar som blir bestemte om arbeidsområdet.
Det er ønskeleg med snarlig tiltredning.
Nærare opplysningar om stillinga får du ved å vende deg til friomsorgsleiar Anna Melsæter tlf. 71 24 66 10/950 62 520
For spørsmål om elektronisk utfylling av CV kan Jobbnorge kontaktast på 75 54 22 20.
Om bedriften
Om kriminalomsorga
Kriminalomsorga sitt samfunnsoppdrag er å gjennomføre varetektsfengsling og straffereaksjonar på ein måte som er tillitvekkjande for samfunnet og som motverkar strafflagde handlingar. Målet vårt er at den domfelte etter soning skal velje å leve eit kriminalitetsfritt liv. Visjonen vår er «Straff som endrar» og verdiane våre er: tryggleik, openheit og nytenking som er førande for åtferda vår og som organisasjon.
Les meir om verksemdsstrategien vår her. Kriminalomsorga består av Kriminalomsorgsdirektoratet (KDI), Høgskolen og utdanningssenteret for kriminalomsorga KRUS og fem regionar med cirka 60 lokale fengsel og friomsorgskontor.