Vi har ledig fast stilling som gruppeleiar innan fagfeltet seksuelle overgrep og grov vald ved Molde politistasjon - Politiet, Møre og Romsdal pd
Org. nr: - Stillingsident: 4055400892 Presentasjon av stillinga:
Vi har ledig fast stilling som politiførstebetjent med funksjon som gruppeleiar innan etterforsking av seksuelle overgrep (SO) og grov vald i Møre og Romsdal politidistrikt .
Vi søkjer deg som er engasjert og har interesse for fagområdet. Du har evne til nytenking, utvikling og endring.
Stillinga som gruppeleiar inneber at du er ansvarleg for at etterforskinga organiserast og gjennomførast med høg kvalitet i tråd med gjeldande regelverk. Du skal sikre effektiv ressursbruk, sørgje for gode rapporteringsrutinar og kvalitetssikre gruppas arbeid.
Driftseining Romsdal består av Molde politistasjonsdistrikt, Tenesteeining Fræna og Eide, og tenesteeining Vestnes og Rauma. Molde politistasjonsdistrikt består av Seksjon for vakt og beredskap, Seksjon for etterretning, førebygging og etterforsking og Seksjon for forvaltning og sivil rettspleie.
Stillinga er organisert ved Seksjon for etterretning, førebygging og etterforsking. Arbeidstad er for tida ved Molde politistasjon.
Den som vert tilsett må rette seg etter instruks og avtalar som til ei kvar tid gjeld for stillinga. Attestar og vitnemål skal leggjast ved søknaden elektronisk. Original vitnemål skal takast med til intervju.
Arbeidsoppgåver
- Politifaglig etterforskingsleiar og dagleg leiing av etterforskingsgruppa
- Fordele saker og følje opp etterforsking av saker som gruppa har ansvar for
- Utarbeide og følje opp etterforskingsplanar
- Gjennomføre og kvalitetssikre etterforskingsskritt
- Sørgje for kvalitetssikring av gruppas samla arbeid, herunder rutinar for beslag
- Bidra til å byggje kompetanse innan etterforskingsfaget i politidistriktet
- Ein må pårekne noko turnusteneste og endringar i arbeidsoppgåvene
- Kan påleggast andre oppgåver
Kvalifikasjonar
- Fullført og bestått Politi(høg)skule
- Vidareutdanning innan etterforsking eller tilsvarande er ønskjeleg
- Funksjonsretta leiing for etterforskingsleiarar eller tilsvarande er ønskjeleg
- Rettleiingspedagogikk er ønskjeleg
- Minst 5 års erfaring frå etterforskingsfeltet
- Må kunne bruke relevant prosjektstyringsverktøy
- Erfaring frå leiing av prosjektorganisert etterforsking er ønskjeleg
- Kjennskap til politiets planleggings- og styringsverktøy
- Ferdigheiter i politifagleg metodebruk, herunder bruk av politiets datasystem og annan relevant programvare
- Erfaring frå avhøyr av sårbare personar, herunder tilrettelagte avhøyr (TA)
- Gode ferdigheiter i norsk og engelsk, både skriftleg og munnleg
Utdanningsretning
- Politi
Utdanningsnivå
- politiskole/politihøgskole
Personlege Eigenskapar
- Evne til nytenking, utvikling, innovasjon og endring
- Evne til å motivere og involvere medarbeidarar på ein slik måte at dei produserer godt i forhold til vedtekne resultat- og utviklingsmål
- Vise avgjerdsevne og handlekraft gjennom å sjå samanhengar mellom ressursinnsats og resultat
- Evne til å arbeide analytisk, systematisk, sjølvstendig og langsiktig
- Evne til å identifisere seg med rolla som leiar og vere ein god rollemodell
- Evne til læring, utvikling og eigen involvering som fremmer gruppekultur med fokus på prestasjonar og profesjonalitet
- Evne til å samarbeide lokalt, regionalt, nasjonalt og internasjonalt og på tvers av ulike yrkesgrupper og profesjonar
- Identifiserer seg med politiets medarbeidarplattform; er modig, viser respekt, er heilskapsorientert og tett på
Vi tilbyr
- Ein utfordrande og spennande arbeidsplass for deg som vil vere med å forme framtidas politi.
- Fast stilling som politiførstebetjent, stillingskode 0285, i Møre og Romsdal politidistrikt.
- Lønn i stillinga er frå lønnstrinn 56, som tilsvarar kroner 488 500. Endeleg lønnsplassering er avhengig av kvalifikasjonar og erfaring.
- Det gis godtgjering etter gjeldande ATB og tillegg for eventuell turnusteneste.
- Tilsetting etter gjeldande regelverk, lov om statens ansatte, personalreglement mv.
- Medlemskap i Statens pensjonskasse (SPK), med gode pensjons- og forsikringsordningar. Les meir på www.spk.no. Det trekkast to prosent av løna til SPK.
- Møre og Romsdal politidistrikt er ei IA-bedrift og tilknytta bedrifthelseteneste.
Kontaktinformasjon
Kjell O. Moen, Seksjonsleiar, 97171181
Arbeidsstad
Molde
Nøkkelinformasjon:
Annonsør:Politiet, Møre og Romsdal pd
Ref. nr.:201901619
Stillingsbrøk: 100%
Fast stilling
Tal på stillingar: 1
Søknadsfrist: 24.04.2019
https://www.webcruiter.no/wcmain/advertviewpublic.aspx?oppdragsnr=4055400892&company_id=3586298777&culture_id=NN-NO
For elektronisk søknadsskjema:[Klikk her]
Om bedriften
Møre og Romsdal politidistrikt har 266 000 innbyggjarar i 36 kommuner. Politidistriktet har om lag 550 medarbeidarar, i tillegg har distrikt årleg mellom 40-50 politistudentar i praksis frå Politihøgskulen. Møre og Romsdal politidistrikt skal som statleg arbeidsgjevar utnytte breidda i kompetansen til innbyggjarane. Den statlege arbeidsstyrken skal i størst mogleg grad spegle mangfaldet i samfunnet. Difor oppmodar vi alle kvalifiserte kandidatar med ulik utdanning, bakgrunn, alder, kjønn, arbeids- og livserfaring til å søkje jobb hos oss. Til leiarstillingar oppmodar vi særskilt kvinner om å søkje.
Våre medarbeidarar kjenneteiknast av å være modig, heilskapsorientert, være tett på og syne respekt.
Etter at søknadsfristen har gått ut, blir det sett opp ei offentleg søkjarliste som inneheld namn, alder, noverande stilling og bustadkommune. Det kan gjerast unntak for innsyn om ein søkjar ber om det. Dersom førespurnaden ikkje blir teken til følgje, vil søkjaren bli varsla.
Det er krav om plettfri vandel for alle tilsette i politiet. Før tilsetting må ein legge fram utvida og uttømande politiattest, jf politiregisterlova § 41 og politilova § 18.