Førsteamanuensis/ førstelektor/ høgskulelektor i profesjonsfagleg digital kompetanse for vidaregåande opplæring - st. nr. 11/2020
Stillingsannonsen er inaktiv.Høgskulen i Volda
Joplassvegen 11, 6103 Volda
Jobbnorge ID: 182690
Om stillinga
Ved Høgskulen i Volda, Avdeling for Mediefag, Institutt for Kommunikasjon, Seksjon for digital kompetanse i læring, er det ledig ei fast stilling som førsteamanuensis/ førstelektor/ høgskulelektor i profesjonsfagleg digital kompetanse for vidaregåande opplæring frå 1.8.2020. Stillinga har særleg fokus på utviklingsprosjekt og undervising i samarbeid med vidaregåande opplæring. Det er også høve til å søkje på ei deltidsstilling om det er ønskjeleg.
Arbeidsfelt
Seksjon for digital kompetanse i læring har for tida om lag ni stillingar og tilbyr nettbasert vidareutdanning i digital kompetanse, arbeidsplassbaserte etter- og vidareutdanning i digital kompetanse, høgskulepedagogiske kurs og mediedidaktisk emne i praktisk pedagogisk utdanning.
Vi ønskjer søkjarar som kan undervise innan eit eller fleire av tilboda, støtte fagadministrasjon, samt bidra til ny- og vidareutvikling av tilbod knytt til eit fagfelt som er i stadig utvikling. Seksjonen er involvert i fleire forskingsprosjekt, og det er eit mål at alle dei tilsette skal vere del av ei forskingsgruppe og delta aktivt i forskings- og utviklingsarbeid.
Kvalifikasjonar
Søkjarar må dokumentere relevant kompetanse i og erfaring frå undervising. Kunnskap om og undervisingserfaring frå praksisfeltet etter Kunnskapsløftet vert vektlagt. Det er ønskjeleg med brei kompetanse innan fagfeltet.
Tilsetjing som førsteamanuensis, førstelektor eller høgskulelektor vil skje i tråd med Forskrift om ansettelse og opprykk, §1.4-1.6. Aktuelle fagområde for alle tre stillingskategoriar er pedagogisk informasjonsvitskap, pedagogikk, digital kompetanse eller andre relevante fagområde. For søkjar utan formell kompetanse som høgskulelektor, kan det vere høve til mellombels tilsetjing som høgskulelærar og tilrettelagt kvalifiseringsløp.
Du har kompetanse innan fleire av desse områda:
. Profesjonsfagleg digital kompetanse særleg i vidaregåande opplæring.
. Undervisning i høgare utdanning og grunn- eller vidaregåande opplæring.
. Utvikling av nettstøtta og/eller nettbaserte etter- og vidareutdanningstilbod, særleg knytt til medieproduksjon, PfDK og skjæringspunktet imellom dei.
. Medieutvikling, mediedidaktikk, medieproduksjon og/eller programmering og makerspace/skaparverkstad.
Vi ser etter deg som:
. har erfaring med bruk av digitale medium og kan undervise om praktisk og teoretiske aspekt i fagfeltet digital kompetanse for lærarar og elevar.
. er sjølvstendig og utviklingsorientert, men likar å jobbe i team.
. er interessert i og trivst med å jobbe tett med studentar og kollegaer i rettleiing og undervisning, både i klasserommet, nettstøtta og nettbasert.
. er interessert i og sjølvgåande i å sette deg inn i ny teknologi og løysingar innan digitale medium, pedagogikk og didaktikk.
Søkjaren må ha gode norsk- og engelskkunnskapar, både skriftleg og munnleg. Undervisings- og administrasjonsspråket ved høgskulen er norsk.
Den som vert tilsett må ha dokumentert relevant praktisk-pedagogisk kompetanse på grunnlag av utdanning eller undervisning og rettleiing. Ein viser elles til krav til vitskaplege og pedagogiske kvalifikasjonar i Forskrift om ansettelse og opprykk i undervisnings- og forskerstillinger: https://lovdata.no/dokument/SF/forskrift/2006-02-09-129.
For meir informasjon om kva som ligg i kravet til pedagogisk kompetanse i Forskrift om ansettelse og opprykk i undervisnings- og forskerstillinger, sjå Universitets- og høgskolerådet sine nasjonale retningslinjer for pedagogisk basiskompetanse: www.uhr.no/temasider/karrierepolitikk-2/nasjonale-veiledende-retningslinjer-for-uh-pedagogisk-basiskompetanse.
Søkjar som ikkje innfrir krava til pedagogisk kompetanse, kan bli tilsett med vilkår om at vedkomande innan to år opparbeider seg denne kompetansen. Vedkomande vil få tilbod om opplæring/kurs/emne i høgskulepedagogikk.
Vi tilbyr
Eit spanande arbeidsmiljø med høve til fagleg og personleg utvikling og gode pensjonsordningar.
Kontorstad er ved Høgskulen i Volda.
Stillinga er løna etter kompetanse og kvalifikasjonar i statens lønsregulativ med normal årsløn i desse stillingskodene ved Høgskulen i Volda: Førsteamanuensis 1011/førstelektor 1198 frå kr 583 900 - 789 200/ høgskulelektor 1008 frå kr 488 000 - 679 000.
Generell informasjon
Den statlege arbeidsstyrken skal i størst mogleg grad spegle mangfaldet i folket. Det er difor eit personalpolitisk mål å oppnå ei balansert alders- og kjønnssamansetjing og rekruttere personar med innvandrarbakgrunn. Høgskulen praktiserer moderat kjønnskvotering. Vi gjer søkjarar som oppgir at dei har nedsett funksjonsevne eller hol i CV merksam på at denne opplysinga kan verte brukt til statistikkføremål knytt til regjeringa sin inkluderingsdugnad.
Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.
Søkjarar kan verte kalla inn til intervju og/eller prøveundervisning. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.
I samsvar med Offentleglovas § 25 kan søkjar be om å ikkje bli oppført på offentleg søkjarliste. Søkjarar som ønskjer å reservere seg, må under <<søknad>> hake av for <<Er det grunnlag for å bli unntatt offentligheit, jfr. Offentlighetsloven>> samt grunngi søknaden. Høgskulen kan likevel avgjere at namnet på søkjaren skal offentleggjerast. Søkjaren blir varsla dersom ønsket om unntak ikkje blir tatt til følge.
Om søknaden
Søknad og all dokumentasjon skal sendast elektronisk igjennom rekrutteringssystemet Jobbnorge der du registrerer søknaden, vedlegg og informasjon om utdanning og arbeidserfaring. Vi ber også om at du oppgir referansar med kontaktinformasjon. Søknaden skal gi eit fullstendig oversyn over utdanning og tidlegare praksis. Søknader eller vedlegg kan ikkje sendast på e-post eller i vanleg postgang til høgskulen.
Det er søkjar sitt ansvar å sørge for at alle dokument/filer er lasta opp innan søknadsfristen. Søknaden vert vurdert med den informasjonen som ligg føre elektronisk i Jobbnorge. Vedlegg skal lastast opp som separate filer i eit format som kan leggjast ved elektronisk; PDF, PMG, JPEG, ODF, DOC. Dersom vedlegga samla overstig 30 MB, må dei komprimerast før dei vert lasta opp. Vedlegga skal ha namn som samsvarar med innhaldet i fila.
Følgjande dokument/filer skal leggjast ved den elektroniske søknaden:
- vitnemål og attestar, samla i ei fil
- CV
- fullstendig publikasjonslise over alle vitskapelege arbeid
- inntil 10 vitskapelege arbeid, inkludert master-/hovudfagsoppgåve og eventuell doktorgradsavhandling
Dei faglege kvalifikasjonane til søkjarane vert vurdert av eit sakkunnig utval. Viser til Forskrift om ansettelse og opprykk i undervisnings- og forskerstillinger, KD 9.2.2006. www.lovdata.no/dokument/SF/forskrift/2006-02-09-129. Alle innkomne søknader blir først vurderte av avdelinga. Søknader frå klart ikkje-kvalifiserte søkjarar blir ikkje sende vidare til vurdering i sakkunnig utval.
Søknadsfrist: 22. februar 2020.
Kontakt
Nærare opplysningar om stillinga kan ein få ved å vende seg til seksjonsleiar ved Seksjon for digital kompetanse i læring, Torbjørn Frantsen, tlf. 70075369 / 90747333, e-post: tof@hivolda.no eller dekan ved AMF, Odd Ragnar Hunnes, tlf. 45257256, e-post orh@hivolda.no.
Om Avdeling for mediefag
Avdeling for mediefag ved Høgskulen i Volda har landets største mediefagmiljø. Avdelinga tilbyr utdanningar i journalistikk, animasjon, mediedesign, medieproduksjon og PR, kommunikasjon og media, vidareutdanning i digital kompetanse. Avdelinga har ei engelskspråkleg mastergradutdanning i Media Practices. Avdelinga har om lag 500 studentar på høgskuleområdet og 50 tilsette. Høgskulen byggjer eit nytt mediehus, som etter planane skal vere klart for innflytting sommaren 2021.
Det beste med Volda
Studentar og bygdefolk fortel kva dei synest er det beste med Volda. Produksjon: Chris-Håvard Berge
Video: https://www.youtube.com/watch?v=61Me2JOrMgQ&feature=youtu.be
Se annonsen og søk på stillingen www.jobbnorge.no
Om arbeidsgiveren
Arbeidsgiver
Høgskulen i Volda
Adresse
Joplassvegen 11, 6103 Volda
Hjemmeside
Høgskulen i Volda er høgskulen for humaniora og samfunnsvitskap i Møre og Romsdal. Vi er ein spennande kompetanseorganisasjon i vekst med om lag 4500 studentar og 350 tilsette. Vi gjev undervisning i ei rekkje fagområde, yrkesretta utdanningar og etter- og vidareutdanningar i nært samarbeid med samfunns- og næringsliv. Høgskulen i Volda driv mykje forsking og utviklingsarbeid og satsar på forskaropplæring og kompetanseoppbygging for dei tilsette i samarbeid med universitet i inn- og utland.
Om stillingen
Antall stillinger
1
Heltid/deltid
Heltid
Sektor
Ikke oppgitt
Sist endret: 23. februar 2020
Hentet fra: jobbnorge
Referanse: 182690_Høgskulen i Volda_jobbnorge
Stillingsnummer: 92f7693a-20d3-4415-94a5-78e9ba684e03