Veterinær
Org. nr: - Stillingsident: 4057693907 Presentasjon av stillingen:
Region sør og vest har totalt 7 avdelingar. Avdeling Bergen og omland er ein del av regionen og har 55 medarbeidarar med kontorstadar i Bergen, Norheimsund og Voss.
Avdelinga betener kommunane Askøy, Austrheim, Bergen, Eidfjord, Fedje, Fjell, Fusa, Granvin, Gulen, Jondal,Kvam, Lindås, Masfjorden, Meland, Modalen, Odda, Os, Osterøy, Radøy, Samnanger, Sund, Ullensvang, Ulvik, Vaksdal, Voss og Øygarden.
Avdelinga har ledig ei fast stilling, med kontorstad i Bergen.
Mattilsynet er ein kunnskapsorganisasjon som legg stor vekt på kompetanseutvikling og å dele kunnskap på tvers av fagområde. Sentralt i organisasjonen står teamarbeid og medarbeiderskap. Som medarbeidar i Mattilsynet får du fagleg utvikling og kan påverke eigen arbeidssituasjon. I stillinga kan du som veterinær bruke dine kunnskapar til å forbetre dyrs levevilkår. Mattilsynet er ein viktig samfunnsaktør og må heile tida vere i endring for å takle nye utfordringar.
Arbeidsoppgåver
- Du fører tilsyn med kjæledyr og produksjonsdyr utfra ei risikovurdering eller basert på bekymringsmelding. Du gjev informasjon og rettleiing til dyreeigar.
- I etterkant av tilsyn utfører du sakshandsaming og rapportering. Arbeidsdagen er variert, og du forvaltar eit omfattande regelverk.
- Du må vere innstilt på å løyse også andre oppgåver i avdelinga ved behov, som til dømes kjøttkontroll.
- Mattilsynet er ein beredskapsorganisasjon, det betyr at du må bidra til å handtere kritiske situasjonar. Mattilsynet samarbeider med andre offentlege etatar.
Kvalifikasjonar
- Du må vere veterinær med norsk autorisasjon.
- Det er ei føremon om du har relevant arbeidserfaring, men det er ikkje avgjerande.
- Vi har mål om å bruke eit klart språk i alt vi gjer. Det betyr at du må ha eit godt norsk munnleg og skriftleg språk.
- Du må ha førarkort klasse B. Kontoret nyttar leasingbilar.
Utdanningsretning
- Veterinær
Personlege eigenskapar
- Du har evne og motivasjon til å arbeide i team, men også evne til å arbeide sjølvstendig.
- Du har god forståing for rolla som tilsynsmedarbeidar, og kan vurdere faglege problemstillingar og finne gode løysingar.
- Du er fleksibel og kan utføre arbeidsoppgåvene på ein effektiv måte.
- Du må til tider takle ein hektisk og utfordrande kvardag.
Vi tilbyr
-
Du vert ein del av eit fagleg fellesskap og vil få god opplæring i tilsyns- og forvaltningsrolla.
-
Stillinga er løna i st. kode 1498, førsteinspektør pt kr 480.000 - 580.000 pr år. For særskilt kvalifiserte søkjarar med lang relevant praksis, kan stilling som seniorinspektør, kode 1499 og høgare avlønning bli vurdert.
-
Som tilsett i staten nyt du godt av gunstige pensjons- og lånevilkår i Statens Pensjonskasse, og du har rettar i samsvar med statleg regelverk og tariffavtalar. Frå løna vert det trekt 2 % innskot til Pensjonskassen.
-
Vi oppmodar alle kvalifiserte kandidatar til å søkje jobb i Mattilsynet uavhengig av alder, redusert funksjonsevne, nasjonal eller etnisk bakgrunn.
-
Vi ber om at du laster inn vitnemål og attestar som vedlegg til søknaden din.
-
Ver venleg å oppgje 2 referansar.
Kontaktinformasjon
Trine Hellan, Seksjonssjef, 22779058 / 97160948
Arbeidsstad
Thormøhlensgate 49 A
5006 Bergen
Søk på stillinga:Klikk her
Nøkkelinformasjon:
Arbeidsgivar:Mattilsynet
Referansenummer:4057693907
Stillingsprosent: 100%
Søknadsfrist: 25.04.2019
Om bedriften
Mattilsynet skal sikre trygg mat og trygt drikkevatn, og trygg og miljøvennleg matproduksjon. Tilsynet har ansvar for å fremme god helse hos planter, fisk og dyr, og god dyrevelferd og respekt for dyr. Mattilsynet er eit sjølvstendig statleg tilsynsorgan som rapporterer til Landbruks- og matdepartementet, Helse- og omsorgsdepartementet og Nærings- og fiskeridepartementet. Mattilsynet har om lag 1400 tilsette og er organisert med eit direktorat og fem regionar. Regionane utfører tilsyn gjennom å vere tilstades rundt om i landet.