Controller Økonomi & Verksemdsstyring
Org. nr: - Stillingsident: 4086648642 Presentasjon av stillingen:
Kvam herad forvaltar store økonomiske ressursar, både i drifts- og investeringsmidlar og eigedelar. I 2019 er det budsjettert med inntekter på 856 mill.kr. og det skal investerast for 122 mill.kr. Profesjonell økonomistyring er viktig for å sikra at Kvam herad leverer godt på samfunnsoppdraget og nyttar budsjettmidlar effektivt. Økonomieininga i kommunen består av 20 medarbeidarar innan IT, rekneskap, lønn og personal, avtale og analyse. No søkjer avdelinga Avtale og Analyse deg som vår nye controller innan verksemdsstyring, økonomisk analyse og innkjøp. Du inngår i eit team med 3 controllerar og er ein viktig del av den økonomiske og analytiske kompetansen i Kvam herad. Arbeidsoppgåvene er varierte, utfordrande og teamet yter støtte til heile den kommunale organisasjonen med totalt ca. 1000 tilsette.
Arbeidsoppgåver
Controller får ansvar for økonomisk oppfølging av drifts- og investeringsbudsjett, og skal vera ein pådrivar i budsjett-, analyse- og rapporteringsprosessar. Det er eit stort digitaliseringsfokus i heradet og controllerane er viktige bidragsytarar.
Me har som mål å tilpassa oppgåver etter kvalifikasjoner, ynskjer og behov, der målet er å skapa eit best mogleg team. Me ser etter kandidatar med nokre års erfaring, men oppmodar nyutdanna også til å søkja.
Aktuelle arbeidsoppgåver:
- Utarbeida og vidareutvikla økonomi- og budsjettstyringsprosessar
- Utarbeida økonomisk styringsinformasjon, økonomiske analysar og kalkyler, tertial og årsrapportering
- Pådrivar for forbetringsarbeid i avdelinga og organisasjonen, og kontinuerlig leita etter forenkling og effektivisering av prosessar
- Aktivt følgja opp budsjettansvarlege i ulike einingar med analysar og rådgjeving
- Gjennomføra og leia innkjøpsprosessar etter lov om offentlege anskaffelser
- Utvikling og vedlikehald av interne system
Kvalifikasjonar
Me søkjer deg som er/har:
- Siviløkonom, master i økonomi eller minimum økonomisk utdanning på bachelor nivå
- Relevant abeidserfaring frå liknande stilling/fagfelt
- Gode prestasjonsevne og evne til å formidla analytisk informasjon og tolkningar til kollegaer med ulik fagleg bakgrunn
- Gode ferdigheiter i Microsoft Office-produkta
- God digital kompetanse og interesse
- God munnleg og skriftleg framstillingsevne
Personlege eigenskapar
Me ser etter deg som er analytisk, nøyaktig og strukturert. Du er ambisiøs, og har mot og evne til å gjennomføra tiltak og aktivitetar til det beste for Kvam herad. Du er god til å samarbeida og kommunisera med alle deler av organisasjonen, både skriftleg og munnleg. Du jobbar godt både sjølvstendig, i team og trivst med travle arbeidsdagar.
I tillegg har du:
- Stå-på-vilje og gjennomføringskraft
- Evne til å jobba under tidspress og levera som avtalt
- Interesse for utvikling og bruk av IT-verktøy som forbetrar arbeidsprosessar
- Initiativrik og nysgjerrig, resultat- og utviklingsorientert
Vi tilbyr
- Spennande, meiningsfulle og utfordrande arbeidsoppgåver hjå ein viktig samfunnsaktør som er i stor endring
- Eit, tverrfagleg og godt arbeidsmiljø der me jobber saman for å utvikla kvarandre og Kvam herad
- Lønn etter avtale og gode pensjons- og forsikringsvilkår
- Gode moglegheiter for fagleg og personleg utvikling
Generell informasjon
Den kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad er ein inkluderande arbeidslivsbedrift (IA) og ønskjer å leggja til rette for personar med nedsett funksjonsevne.I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta. Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.
Kontaktinformasjon
Olav Botnen, Økonomisjef, 995 18 585
Arbeidsstad
Grovagjelet 16
5600 Norheimsund
Søk på stillinga:Klikk her
Nøkkelinformasjon:
Arbeidsgivar:Kvam herad
Referansenummer:4086648642
Stillingsprosent: 100%
Søknadsfrist: 18.06.2019
Om bedriften
Kvam er inngangsporten frå Bergen for alle som ønskjer å oppleva Hardanger. Berre ein times køyring via Kvamskogen - eit område for aktiv fritid både sommar og vinter, ligg kommunen ved Hardangerfjorden. Me har eit variert næringsliv med jordbruk, industri og handel. Kopla med eit rikt kultur og organisasjonsliv gjev dette eit mangfaldig og levande samfunn for dei 8500 innbyggjarane våre. Me har eit godt utbygd skuletilbod med to vidaregåande skular . Norheimsund er regionsenteret i kommunen og vart i 2013 tildelt <>. Her kan du oppleva <>, handlegate, strandveg og bystrand. Les meir