Sjukepleiarar
Org. nr: - Stillingsident: 4269037581 Presentasjon av stillingen:
Heimetenesta i Stad kommune har ledig 2 stillingar som offentleg godkjend sjukepleiar med tenestestad Selje/Stadlandet. Stillingane har tredelt turnus. Heimetenesta har årsarbeidsplan som gir god fleksibilitet i forhold til å planlegge arbeidstid.
Vi har ledig 200% faste stillingar i heimetenesta Selje/Stadlandet frå 01.09.2020. Begge stillingane er inkludert 20 % frie timar.
Arbeidsoppgåver
- Sjukepleiefaglege oppgåver, omsorg og behandling
- Kartlegge og vurdere behov
- Følge opp og dokumentere tenesteytinga etter kvalitetskrav, lovverk og kommunale retningslinjer
- Rettleie studentar, lærlingar og andre
Kvalifikasjonar
- Offentleg godkjend sjukepleiar
- Gjerne relevant vidareutdanning og kurs
- Gode språkkunnskapar i norsk både munnleg og skriftleg
- Aktuelle kandidatar må ha førarkort og kunne disponere bil
- Politiattest skal leggjast fram før start i stillinga
Personlege eigenskapar
- Gode kommunikasjonsevner,
- Likar utfordringar og varierte arbeidsoppgåver
- Er fleksibel og interessert i forbetringsarbeid
- Tek initiativ og ansvar
- Kan arbeide sjølvstendig og saman med andre
Vi tilbyr
- Godt tverrfagleg samarbeid og godt arbeidsmiljø
- Høve til fagleg utvikling
- Løn- og arbeidsvilkår i samsvar med gjeldande lov- og avtaleverk
- Gode pensjons- og forsikringsordningar
- Det er mogleg å inngå avtale om å arbeide fleire helgar i årsarbeidsplan mot ekstra kompensasjon.
Vi ber om at attestar, vitnemål og relevante referansar vert lagt ved søknaden.
Stad kommune har 6 månader prøvetid.
Vi gjer merksame på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast.
For informasjon om stillingane kan du ta kontakt med assisterande einingsleiar i heimetenesta, Åshild Bruland.
Kontaktinformasjon
Åshild Bruland, assisterande einingsleiar heimetenesta, 97 99 04 62, ashild.bruland@stad.kommune.no
Anne Iren Naustdal, einingsleiar heimetenesta, 92412748, anne.iren.naustdal@stad.kommune.no
Arbeidsstad
6740 Selje
Søk på stillinga:Klikk her
Nøkkelinformasjon:
Arbeidsgivar:Stad kommune
Referansenr.:4269037581
Stillingsprosent: 100%
Fast
Startdato: 01.09.2020
Søknadsfrist: 20.08.2020
Om bedriften
Stad kommune har om lag 9 500 innbyggjarar og ligg i Nordfjord i Vestland fylke. Kommunen vart oppretta 1. januar 2020 då kommunane Eid og Selje og bygdene Maurstad og Bryggja vart slått saman. Kommunen består av fleire livskraftige tettstader og strekkjer seg frå storhavet i vest til fjell- og fjordlandskap i aust. I kommunen finn du Vestkapp, surfemiljø i Hoddevika, Selja kloster, Harpefossen skisenter, vikingsenteret Sagastad, Malakoff rockfestival, Opera Nordfjord og Europas djupaste innsjø, Hornindalsvatnet. Kommunen har ledige bustadtomter, gode kommunale tenester, eit spanande næringsliv og innbyggjarar med initiativ og pågangsmot. Stad kommune har som overordna mål å bli fleire. Vi treng deg som ønskjer å flytte til kommunen vår, og vi treng deg som har budd ute ei stund og ønskjer å flytte heim. Vi ønskjer å utvikle eit livskraftig og trygt samfunn der vi alle dreg i lag. I Stad kommune vil du møte lokalsamfunn som skil seg ut. Kommunen er stor nok til å gje deg rom og la deg leve ut draumane dine, og liten nok til å sjå deg og ta vare på deg. Vi ønskjer deg med på laget!