Fysioterapeut, 100%, fast stilling
Org. nr: - Stillingsident: 4350715470 Presentasjon av stillingen:
Ønsker du å vera vår nye fysioterapeut? Vi har ledig fast fysioterapeutstilling ved Seksjon fysikalsk medisin og rehabilitering. I denne seksjonen er det, i tillegg til 8 fysioterapeutar, ergoterapeutar, legespesialistar i fysikalsk medisin og rehabilitering, sjukepleiarar, hjelpleiarar, logoped og nevropsykolog. Seksjonen driv spesialisert tverrfagleg utredning, behandling og rehabilitering til mange pasientgrupper. Denne fysioterapeutstillinga er primært knytt til kirurgiske pasientar; både pre- og postoperativ oppfølging.
Arbeidsoppgåver
Fysioterapeut driv aktiv kartlegging og behandling av pasientar som får behandling ved kirurgisk eining ved Stord sjukehus. Det er både akuttinnlagte pasientar med ulike kirurgiske problemstillingar, og elektivt innlagte pasientar, ortopedi. Fysioterapeut samhandlar med sjukepleiarar og kirurgar kring behandling av kirurgiske pasientar.
Kvalifikasjonar
- Norsk autorisasjon som fysioterapeut.
- Beherske norsk språk både munnleg og skriftleg; for søkarar med anna morsmål, må ein ha bestått aktuell norsk språktest; Bergenstesten.
- Det er ein fordel med klinisk erfaring frå sjukehus/spesialisthelsetenesta.
- Det er ein fordel om søkar har relevant vidareutdanning og eller klinisk erfaring med kirurgiske pasientar.
Personlege eigenskapar
Vi søker etter ein fysioterapeut som :
- Er engasjert og motivert for å gjera ein god jobb
- Har gode kommunikasjons- og relasjonsferdigheter
- Er god på tverrfagleg samarbeid
- Er god til å arbeida sjølvstendig
Vi tilbyr
- Løn i samsvar med gjeldande overeinskomst
- Gode pensjons- og forsikringsordningar
- Arbeid ilag med dyktige medarbeidarar.
- Godt arbeidsmiljø
Kontaktinformasjon
Herborg Tegle, Seksjonsleiar, 53491270
Arbeidsstad
Tysevegen 64
5416 STORD
Søk på stillinga:Klikk her
Nøkkelinformasjon:
Arbeidsgivar:Helse Fonna HF
Referansenr.:4350715470
Stillingsprosent: 100%
Fast
Startdato: 03.05.2021
Søknadsfrist: 05.03.2021
Om bedriften
Helse Fonna har rundt 4000 medarbeidarar som jobbar for å gi best mogleg behandling og pleie til pasientane. Vår oppgåve er å gi spesialiserte helsetenester til dei over 180 000 innbyggarane i Sunnhordland, Indre Hardanger og Nord-Rogaland. Helse Fonna er eit lokalt helseføretak eigd av Helse Vest RHF. Vi har tre somatiske sjukehus i Haugesund, Stord og Odda, eit psykiatrisk sjukehus på Valen i Kvinnherad, fire distriktspsykiatriske senter (Stord, Karmøy, Haugesund og Folgefonn) og ti ambulansestasjonar. Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
For å bli betre kjend med oss, kan du sjå www.helse-fonna.no. Følg oss også gjerne på Facebook.