Ledige pedagogiske leiarstillingar i kultur og oppvekstsektoren
Det er ledig inntil tre stillingar som pedagogisk leiar for fast tilsetting i Vanylven kommune frå 01.08.2019.
Stillings-ID 594
Søknadsfrist: 10.mars 2019 Publisert12.02.2019 13.33 Sist endra12.02.2019 14.01 Barnehagane i Vanylven kommune har fokus på leiarutvikling, det lærande møte, og implementering av ny rammeplan for barnehagar. I barnehagane vert det arbeidd med å ta i vare og vidareutvikle gode læringsmiljø som sikrar barna ei god psykisk og fysisk helse ved gode relasjonar og med mål om å meistre eige liv. Vi ynskjer tilsette med gode samarbeidsevner, god fagleg kompetanse og evne til å være med å skape ein felles barnehagesektor i utvikling.
Barnehagane i Vanylven treng utdanna barnehagelærarar, men andre med minst treårig anna barnefagleg høgskuleutdanning kan også søkje. Det er ønskjeleg med kompetanse innan estetiske fag, friluftsliv, kompetanse for mangfald, språk, IKT og realfag.
Kommunen har to kommunale barnehagar, Syvde barnehage og Åheim barnehage. Meir informasjon om barnehagane våre finn du på https://www.vanylven.kommune.no/kultur-og-oppvekst/
Vi søker personar som har slike kvalifikasjonar:
- godkjent utdanning som barnehagelærar
- anna treårig barnefagleg høgskuleutdanning
- rettleiingskompetanse
- det er ønskjeleg med erfaring som pedagogisk leiar
Vi søker personar som:
- har evne til å bygge gode og nære relasjonar til barn og foreldre
- har gode evner til kommunikasjon og samarbeid
- er engasjert og motivert i arbeidet
- er tydeleg vaksen (autoritativ)
- er kreativ og utviklingsorientert
- har evne til å bygge gode relasjonar
- er utviklingsorienterte og kreative
Vi kan tilby:
- utfordrande og spanande oppgåver i barnehagar i utvikling
- eit kreativt og samarbeidande miljø
- gode høve for fagleg utvikling
- minimum 5 timar ubunden tid
- 6 planleggingsdagar i året
- godt arbeidsmiljø
- god bemanningsnorm.
Opplysningar om stillingane får du med Styrar i Åheim barnehage Tove Ekremsæter, tlf. 70030321/91719006. tove.ekremsaeter@vanylven.kommune.no eller Styrar i Syvde barnehage Marit Løvoll Sørdal, tlf. 70030341. marit.lovoll.sordal@vanylven.kommune.no
Løn og tilsetting på kommunale vilkår etter gjeldande lov- og avtaleverk. Som tilflyttar til Vanylven kommune kan du få nedbetalt studielån med 15% per år i arbeid, maks 28 000,- per år etter nærare retningslinjer. Er du nyutdanna vil du også starte med 4 års ansiennitet. I tillegg har vi gode pensjonsordningar. Søknad skal sendast på kommunen sitt søknadsskjema. CV skal fyllast inn i søknaden. Gjer vel å oppgje referansar. Aktuelle søkjarar blir kalla inn til intervju.