Pedagogisk leiar i Aurland kommunale barnehagar
Me har ledig
100% fast stilling, som pedagogisk leiar ved Aurland kommunale barnehagar, frå 14.04.2020.
Aurland kommune har to kommunale barnehagar. Desse er Vangen barnehage og Flåm barnehage, ved behov kan personalet bli flytta mellom barnehagane. Vangen barnehage har i dag tre avdelingar med ca 35 barn. Det skal opprettast ei ny avdeling ved denne barnehagen frå august 2020 og me søkjer difor etter pedagogisk leiar til denne avdelinga. Fram til då vil arbeidsstad verte Flåm barnehage.
Barnehagane i Aurland er med i Sogn regionråd sitt program for barnehage- og skuleutvikling. "System for styrka
læring". Gjennom utviklingsprogrammet deltek tilsette og leiing i regionale kompetanse- og fagnettverk.
Arbeidsoppgåver
-vere ein god rollemodell
-delegere oppgåver og sørge for at dei blir gjort
-rettleie og følgje opp personale på avdelinga
-vere ein tydeleg leiar
-direkte fagleg ansvar for sin avdeling
-ansvar for heilskapleg planlegging, gjennomføring og vurdering og dokumentasjon av pedagogisk opplegg
Ansvarsområde som ligg til stillinga
-leie og organisere arbeidet på avdelinga i samsvar med måla for kommunen og barnehagen
-utarbeide gode rutinar for informasjon og samarbeid på avdelinga
-samarbeid med styrar og eksterne
-delta på avdelingsleiarmøte
-ansvar for å gje styrar relevant informasjon
Kvalifikasjonar
Minimum treårig utdanning som barnehagelærar eller anna høgskuleutdanning som gjev barnefagleg og pedagogisk
kompetanse.
Leiarerfaring er ei ynskjeleg. Personlege eigenskapar er viktige og vert vektlagt.
Aurland kommune nyttar nynorsk som skriftspråk. Me forventar at
den/dei som blir tilsett snakkar godt norsk og kan nytte nynorsk i skriftleg form.
Personlege eigenskapar
-Vere løysingsfokusert
-Vere fleksibel og endringsvillig
-Tenkje på "korleis eg kan bidra til eit godt arbeidsmiljø?"
-Arbeide sjølvstendig
Løns- og tilsetjingsvilkår
Tilsetting, løn og arbeidsvilkår er i samsvar med gjeldande lovverk, reglement og tariffavtale.
Gyldig politiattest er ein føresetnad for tilsetting.
Generell informasjon om søknadsprosessen
Aurland kommune nyttar elektronisk søknadsskjema. Det betyr at vi kun tek imot søknader gjennom vår elektroniske søkjeportal. Dersom du treng hjelp til å søkje eller har problem med pålogging kan du kontakte oss på tel 5763 2900. Dersom du er tilsett i kommunen eller tidlegare har søkt på ledig stilling hjå oss vil du allereie vere registrert som brukar i systemet. For å få tilsendt passord må du klikke "glemt passord".
Aurland kommune praktiserer meiroffentlegheit og kunngjer forenkla søkjarlister til ledige stillingar. Søkjarar, som har oppmoda om at namnet blir unnateke søkjarlista, må krysse av for dette i elektronisk søknadsskjema og grunngje valet i søknadsteksten. Vi tek kontakt med søkjarar som har bedt om dette, dersom vi meiner at grunngjevinga ikkje er tilstrekkeleg.
Om bedriften
Aurland ligg vakkert til ved Sognefjorden, sentralt ved E16 mellom Oslo og Bergen. Me vil vera Norges fremste kommune på heilårsturisme, og har eit mangfaldig næringsliv i sterk vekst. Me er snart 1800 innbyggjarar fordelt på bygdene Aurlandsvangen, Undredal, Flåm, Gudvangen og Vassbygdi. Aurland kommune satsar spesielt på trygge og gode oppvekstkår, kultur, nærings- og bustadutvikling og god tenesteyting.