Baseansvarleg for kystfriluftslivsbasen på Yksnøya - st.nr.32/2020
Jobbnorge ID: 188206
Om stillinga
Ved Høgskulen i Volda, Avdeling for kulturfag, Seksjon for idrett og friluftsliv er det ledig midlertidig stilling som baseansvarleg/vaktmeister for kystfriluftslivsbasen på Yksnøya, i inntil 30%, i perioden 1.8.2020-31.07.21, det er moglegheiter for forlenging.
Kvalifikasjonar
Det er krav om høgare utdanning på bachelornivå innan fagfeltet friluftsliv, idrett og kroppsøving
Det er eit fortrinn om søkjaren har erfaring med undervisning og rettleiing frå høgskulesektoren.
Ønska kvalifikasjonar
Vi ser etter deg som har brei praktisk handverkserfaring, og som:
-
Har allsidig erfaring med vedlikehald av bruksbåtar
-
Har allsidig erfaring med bruk av båt med årer, segl og motor
-
Har relevante sertifikat for bil og båtbruk: båtførarprøve, evt. D5L, sikkerheitskurs, radiosertifikat (short range certificate)
-
Har god kunnskap om HMS innan kystfriluftsliv og alle områder som ligg til stillinga
-
Kan bruke og halde ved like maskiner for båtopptrekk og båtreparasjonar
-
Er interessert i å utvikle og formidle faginnhald og rettleie studentar i innan kystfriluftsliv
-
Har gode samarbeids- og kommunikasjonsevner
-
Har evne til å ta initiativ og arbeide sjølvstendig.
Personlege eigenskapar blir vektlagt ved vurdering av søkjarane. Søkjarar kan bli innkalla til intervju.
Arbeidsoppgåver
Administrative oppgåver
-
Kontinuerleg kontakt og samarbeid med eigaren av naustet og leirområdet.
-
Halde kontakt med og utveksle informasjon med grunneigarlaget, vasslaget,
Volda kommune og Mørenett.
-
Utarbeide bruksplan for haust- og vårsemester.
-
Gjere avtale om og organisere skyssordninga (Pr.2017 Bjørkedal Kystlag).
-
Planlegge årlege vedlikehalds- og driftsoppgåver.
-
Ta imot, behandle og gjere etterarbeid i samband med utleige.
-
Skrive årlege bruksrapportar og gjere framlegg til nye investeringar i neste
budsjettår.
Praktiske oppgåver
- Organisere og gjennomføre alle former for transport av materiell og personar til
oppgåver ut over kursverksemda.
- Opne basen om våren: Rydde i støa, rundt naustet, fjerne bølgjebrytar,
opne vassforsyninga, rydde i leirområdet, sjå over utstyr og verktøy,
legge ut treplattingar/vandringar over dyrka mark, sjå over flytebrygger og
fortøyingar, sjekke røykvarslarar, brannsløkkingsapparat og førstehjelpsutstyr (inkl. hjartestartar),
skaffe til veie forbruksmateriell.
- Sommaren: Samle saman vandringane over innmark før slåtten, legge dei ut før
haustsesongen startar.
- Stenge basen om hausten: Rydde, henge telt/segl til lufting, stenge
vassforsyninga, legge ut bølgjebrytar i støa, sjå over fortøyingar til flytebrygger.
-
Sjå over og vedlikehalde flytebrygger, landgangar, fortøyingspunkt, fendrar.
-
Sjå over og vedlikehalde båtar, båtutstyr, redningsvestar, tauverk, segl og rigg.
-
Fjerne søppel og utdatert/utslite utstyr.
-
Årleg service og vedlikehald av livbåten inkl. motor. Landsetting for vinteren og
sjøsetting for brukssesongen. Sørge for plass til vinterlagring (Pr.2016 Håvoll
Industribygg AS).
- Skaffe båtplass for brukssesongen, inkl. tilsyn og sikre lensing av båten i
sommarferien.
I tillegg kjem oppgåver knytt til opplæring i HMS knytt til kystfriluftsliv, opplæring av bruk av båt for studentar. Seksjonen er i stadig utvikling og arbeidsoppgåvene kan bli endra etter nærare avtale. Den som vert tilsett må pårekne at arbeidsbelastninga vert ujamt fordelt gjennom året, og at arbeidsbelasting blir størst vår og haust.
Vi tilbyr
Vi kan tilby eit inkluderande arbeidsmiljø med høve til fagleg og personleg utvikling og gode pensjonsordningar.
Dette er ei teknisk administrativ stilling med stillingskode 1136 driftsteknikar.
Stillinga er løna etter kompetanse og kvalifikasjonar i statens lønsregulativ, stillingskode 1136 driftsteknikar ltr. 50-56.
Generell informasjon
Den statlege arbeidsstyrken skal i størst mogleg grad spegle mangfaldet i folket. Det er difor eit personalpolitisk mål å oppnå ei balansert alders- og kjønnssamansetjing og rekruttere personar med innvandrarbakgrunn. Høgskulen praktiserer moderat kjønnskvotering. Vi gjer søkjarar som oppgir at dei har nedsett funksjonsevne eller hol i CV merksam på at denne opplysinga kan verte brukt til statistikkføremål knytt til regjeringa sin inkluderingsdugnad.
Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.
Om søknaden
Søknad og all dokumentasjon skal sendast elektronisk igjennom rekrutteringssystemet Jobbnorge der du registrerer søknaden, vedlegg og informasjon om utdanning og arbeidserfaring. Vi ber også om at du gir referansar med kontaktinformasjon. Søknaden skal gi eit fullstendig oversyn over utdanning og tidlegare praksis. Søknader eller vedlegg kan ikkje sendast på e-post eller i vanleg postgang til høgskulen.
Det er søkjar sitt ansvar å sørge for at alle dokument/filer er lasta opp innan søknadsfristen. Søknaden vert vurdert med den informasjonen som ligg føre elektronisk i Jobbnorge. Vedlegg skal lastast opp som separate filer i eit format som kan leggjast ved elektronisk; PDF, PMG, JPEG, ODF, DOC. Dersom vedlegga samla overstig 30 MB, må dei komprimerast før dei vert lasta opp. Vedlegga skal ha namn som samsvarar med innhaldet i fila.
Følgjande dokument/filer skal leggjast ved den elektroniske søknaden:
- vitnemål og attestar, samla i ei fil
Aktuell kandidatar ver innkalla til intervju. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.
I samsvar med Offentleglovas § 25 kan søkar be om å ikkje bli oppført på offentleg søkarliste. Søkarar som ønskjer å reservere seg, må under «søknad» hake av for «Er det grunnlag for å bli unntatt offentlegheit, jfr. Offentlighetsloven» samt grunngi søknaden. Høgskulen kan likevel avgjere at namnet på søkaren skal offentleggjerast. Søkaren blir varsla dersom ønsket om unntak ikkje blir tatt til
Kontakt
Nærare opplysningar om stillinga kan ein få ved å vende seg til Seksjon for Idrett og Friluftsliv ved seksjonsleiar Kjetil Høydal 70075394. Epost: kjetilho@hivolda.no
Om instituttet
Seksjon for Idrett og Friluftsliv tilbyr bachelorgradsstudium og årsstudium i idrett/kroppsøving og friluftsliv/naturguide. Seksjonen driv også emne i grunnskule- og barnehagelærarutdanningane og praktisk-pedagogisk utdanning.
Om avdelinga/eininga
Avdeling for kulturfag tilbyr for tida m.a. bachelorutdanningar i Musikk, Formgjeving, Kunst og Handverk, Idrett og Kroppsøving, Friluftsliv og naturguide, Drama og Teater, samt vidareutdanningstilbod innan undervisningsretta fag i skuleverket. Avdelinga har for tida om lag 450 heiltidsstudentar.
Kva er det beste med Volda?
Studentar og bygdefolk fortel kva dei synest er det beste med Volda. Produksjon: Chris-Håvard Berge
Video: https://www.youtube.com/watch?v=61Me2JOrMgQ
Se annonsen og søk på stillingen www.jobbnorge.no
Om bedriften
Høgskulen i Volda er høgskulen for humaniora og samfunnsvitskap i Møre og Romsdal. Vi er ein spennande kompetanseorganisasjon i vekst med om lag 4500 studentar og 350 tilsette. Vi gjev undervisning i ei rekkje fagområde, yrkesretta utdanningar og etter- og vidareutdanningar i nært samarbeid med samfunns- og næringsliv. Høgskulen i Volda driv mykje forsking og utviklingsarbeid og satsar på forskaropplæring og kompetanseoppbygging for dei tilsette i samarbeid med universitet i inn- og utland.