Ledig stilling som overingeniør i Sogndal
Ved Indre Sogn jordskifterett i Sogndal er det ledig fast 100 % stilling som overingeniør frå 1. august 2019 eller snarast råd etter.
Arbeidsoppgåvene er i hovudsak teknisk og anna saksarbeid i jordskiftesaker, som landmåling, kartframstilling, skifteplanlegging, tilrettelegging for matrikkelføring m.m. Primært er det ynskjeleg at du har 2-3 års høgskuleutdanning i landmåling og eigedomsdesign frå Høgskulen på Vestlandet, men annan relevant utdanning kan òg bli vurdert. God og relevant praksis kan kompensere for kravet til formell utdanning. Nyutdanna våren 2019 er velkomne som søkjarar.
Indre Sogn jordskifterett har felles jordskifterettsleiar med Sunnfjord og Ytre Sogn jordskifterett i Førde. Det kan bli aktuelt å utvikle samarbeidet mellom dei to jordskifterettane. Den som blir tilsett i stillinga kan få arbeidsoppgåver med saker i Sunnfjord og Ytre Sogn.
Vi tilbyr:
• Allsidige og fagleg utfordrande oppgåver
• Bruk av ny og oppdatert teknologi, ArcGIS kartbehandlingssystem og Spectra GPS-mottakar
• Engasjerte kollegaer og godt arbeidsmiljø
• Arbeid ute i storslagen natur
Vi føreset:
• Gode faglege kvalifikasjonar og god munnleg og skriftleg framstillingsevne
• Gode samarbeidsevner, sjølvstende og evne til målretta arbeid
• Serviceinnstilling og evne til å opptre på ein objektiv og kontaktskapande måte overfor partane i jordskiftesaker
Personlege eigenskapar vil bli tillagt vekt.
Løn etter statens regulativ kode 1087 overingeniør (nyutdanna på bachelornivå) frå ca. kr 488 000,- til ca. kr 520 000,- for søkjarar med noe meir praksis, fråtrekt 2 % innskot til pensjonsordning i Statens pensjonskasse.
Kvalifiserte kandidatar blir oppmoda til å søke uavhengig av alder, kjønn og etnisitet. Stillinga medfører ein del reiser, og du må disponere bil. Det blir arbeidd med å få til firmabilordning. Arbeidskle m.m. vert godtgjort etter særavtale. Skyss og kostgodtgjering vert godtgjort etter Staten sitt regulativ. Stillinga medfører feltarbeid, noko som krev normalt god fysisk helse.
Du kan lese meir om jordskiftedomstolane på www.jordskifte.no.
Spørsmål om stillinga kan rettast til: jordskiftedommar Magne Geir Verlo, tlf. 57 02 28 82/950 80 350, magne.geir.verlo@domstol.no, eller til overingeniør Kristoffer Haugen, tlf. 57 02 28 83/958 36 588, kristoffer.haugen@domstol.no.
Søknad vedlagt CV og kopi av vitnemål og relevante attestar skal sendast som e-post til indre.sogn.jordskifterett@domstol.no. Det vil bli utarbeidd offentleg søkarliste. I denne samanheng viser vi til offentleglova § 25, 2. ledd om moglegheit for å bli unntatt frå søkarlista.
Søknadsfrist: 16.06.2019.
Om bedriften
Jordskifteretten er ein særdomstol som arbeider med saker heimla i jordskiftelova. Arbeidsoppgåvene er i hovudsak omforming
av eigedomar, klarlegging av rettsforhold til fast eigedom og fastlegging av eigedomsgrenser. Landet er delt inn i 34 jordskifterettar med til
saman ca. 240 tilsette. Administrativt er jordskifterettane underlagt Domstoladministrasjonen (DA) i Trondheim. Jordskifterettane ynskjer å vere utviklingsorienterte, blant anna gjennom breidde og mangfald i arbeidsmiljøet, slik at medarbeidarane skal kunne utvikle seg både fagleg og personleg. Indre Sogn jordskifterett femner om kommunane Vik, Balestrand, Leikanger, Sogndal, Luster, Aurland, Lærdal og Årdal. Domstolen har kontor i Sogndal og har fem medarbeidarar.