Økonomiteneste - Fagansvarleg kommunikasjonssenter
Org. nr: - Stillingsident: 4388806553 Presentasjon av stillingen:
NAV Økonomiteneste er ein intern tenesteleverandør som leverer lønns- og rekneskapstenester til alle NAV sine statlege einingar. Dette inneber mellom anna utbetaling av 450 mrd. kroner i årlege ytingar, samt rettleiing for etaten sine 11 300 tilsette. NAV sitt rekneskap utgjer 1/3 av statsbudsjettet, og NAV Økonomiteneste har ei viktig rolle for å sikre god rekneskapskvalitet i NAV. Eininga består av 90 tilsette fordelt på tre seksjonar og er lokalisert på Leikanger i Sogndal kommune, Vestland fylke.
Kommunikasjonssenteret er organisert i seksjon for Fagstøtte. Vi er brukarstøtte for tilsette i etaten og leverandørar knytt til fagområda rekneskap, faktura og lønn. Vi hjelper kundane både på telefon og via digitale kanalar, og jobbar kontinuerleg med utarbeiding av informasjons- og opplæringsmateriell på våre område.
Arbeidsoppgaver
I samband med pågåande strategiprosess er vidareutvikling av Økonomiteneste sitt kommunikasjonssenter eit viktig satsingsområde. I tillegg har Økonomiteneste fått ei viktig rolle i å implementere fleire nye økonomiløysingar på driftsområdet i heile NAV dei kommande åra. Vi skal no styrke oss med ein person som blir tillagt fagansvar for kommunikasjonssenteret. Vi ser etter deg som brenn for god kundeservice, er kreativ og alltid leitar etter nye måtar å løyse oppgåvene på.
- Fagansvar for kommunikasjonssenteret
- Løpande drift og utvikling
- Sikre god kommunikasjonsflyt mellom kommunikasjonssenteret og seksjonane på Økonomiteneste
- Samarbeid med våre kundar og andre samarbeidspartar internt i NAV og eksternt
- Rapportering til leiing
Kvalifikasjonar
- Høgskule- eller universitetsutdanning, gjerne mastergrad innafor kommunikasjon, samfunnsfag eller økonomi. Relevant arbeidserfaring kan vege opp for noko lågare utdanning
- Relevant erfaring innan brukarstøtte/kundehandsaming
- God munnleg, skriftleg og visuell framstillingsevne på norsk
- Fordel med kjennskap til og erfaring med beste praksis for kundeservice, f.eks. ITIL
- Fordel med kjennskap til økonomi og rekneskap
Personlege eigenskaper
- Evne til å samarbeide godt med andre , samtidig som du kan jobbe sjølvstendig
- Utviklingsorientert og god til å drive prosessar fram til konkrete resultat
- Evne til å engasjere og lukkast med endringar
- Evne til å formidle, forankre og marknadsføre våre tenester
- Serviceinnstilt
Vi tilbyr
- Eit godt, inspirerande fagleg og sosialt miljø med spennande oppgåver
- Gode moglegheiter for fagleg og personleg utvikling
- Familievenleg personalpolitikk med gode velferdsordningar
- Gode arbeidstidsordningar med fleksitid og treningstime i arbeidstida
- Lønn som rådgjevar/seniorrådgjevar i lønnspenn kr 516 400 - 618 600 brutto pr. år. For spesielt kvalifiserte søkjarar kan høgare avlønning vurderast
- God pensjonsordning gjennom Statens pensjonskasse
Arbeidsstad er i utgangspunktet Leikanger, men vi kan også vurdere ein fleksibel arbeidsplass.
Kontaktinformasjon
Torill Skårhaug, Seksjonsleiar fagstøtte, 91521263, torill.skarhaug@nav.no
Arbeidssted
Sognefjordvegen 56
6863 Leikanger
Søk på stillingen:Klikk her
Nøkkelinformasjon:
Arbeidsgiver:NAV
Referansenr.:4388806553
Stillingsprosent: 100%
Fast
Søknadsfrist: 31.05.2021
Om bedriften
NAV søkjer tilsette med hjarte for menneske og fagområda våre. Visjonen vår er å gje menneske moglegheiter, og dette gjer vi ved å utvikle Noregs beste arbeids- og velferdstenester.
NAV består av 19 000 kompetente og engasjerte medarbeidarar. Vi jobbar tverrfagleg i sterke fagmiljø. Hos oss skal arbeidsmiljøet pregast av involvering, openheit og tillit.
For å kunne levere best mogleg tenester er det viktig med mangfald i rekrutteringa. Vi oppmodar derfor personar med innvandrarbakgrunn, nedsett funksjonsevne og hol i CV-en til å søkje jobb hos oss. Vi legg arbeidsforholda til rette for deg viss du har behov for det. Ønskjer du å bli unntatt frå offentleg søkjarliste, må du grunngje dette. Del gjerne vitnemålet ditt eller karakterutskriftene dine på vitnemålsportalen.no.
NAVstilling