Pedagogiske leiarar 19/11
I Klepp kommune sine barnehagar er det ledige stilingar som pedagogiske leiarar. Det er 14 kommunale barnehagar i Klepp og alle arbeider for den autoriative vaksenstilen som betyr at alle barn skal møta tydelige og varme vaksne. Me utdanner tilsette til MarteMeo-praktikarar for å styrka relasjonsbygging og auka kvaliteten på lærings-og utviklingsmiljøet.
Klepp kommune satser på tverrfagleg samhandling, mangfald og inkludering og tett samarbeid med foreldra. Me er også opptatt av godt språkmiljø og gode føresetnader for bruk av digitale verktøy.
Me treng vaksne som kan:
- bygge relasjonar
- følgje, benenve og bekrefte barnet
- sjå og annerkjenne tankar og følelsar
- gi rom for barns medverknad og virke i eigen kvardag
- vera gode rollemodellar og møte mangfald med respekt og omsorg
- vera engasjert, nyfiken, kreative og leikande saman med barn
- jobba for eit inkluderande miljø og motverka mobbing
- leggja vekt på humor og glede
- tenkje at dette er verdens viktigste jobb
Oversikt over barnehagar som har ledige stillingar:
Orstad naturbarnehage, 2 faste stillingar i 100 % frå 01.08.19.
Vasshus barnehage, 1 fast stilling i 100 % frå 01.08.19.
Kleppe friluftsbarnehage, 1 fast stilling i 100 % frå 01.08.19.
Orre barnehage, 1 fast stilling i 100 % frå 01.04.19.
Borsheim barnehage, 1 vikariat i 100 % frå 01.08.19 til 31.07.20
Det kan også bli aktuelle ledige stillingar i nokre av dei andre barnehagane i Klepp kommune. Merk gjerne i søknaden kva for ein barnehage som er aktuell for deg.
Stillinga går inn under kommunale vilkår. Dei som blir tilbudt stilling må fremleggje politiattest, jf. barnehagelova § 19. Attesten skal ikkje være eldre enn 3 måneder.
Om bedriften
Klepp kommune ligg midt på Jæren, 25 km sør for Stavanger. Landskap og natur er prega av jordbrukslandskap, mildt kystklima og lange flotte sandstrender. Tinghaug er høgaste staden i Klepp og ligg 102 m.o.h. Jordbruk, industri, privat og offentleg tenesteyting er hovudnæringar i kommunen som har omlag 19 300 innbyggjarar.
Kommunen sitt administrasjons- og handelssentrum er Kleppe. Andre tettstader er Verdalen, Orstad, Klepp st., Kåsen, Pollestad og Voll. Stavanger lufthavn, Sola ligg få kilometer nord for kommunegrensa og Jærbanen går gjennom den austre delen av kommunen.