Sykepleier, helsefagarbeider

Vil du vere med på laget når vi flyttar inn i det nye, toppmoderne sjukehuset på Hjelset i april 2025 og bli ein del av eit sterkt fagmiljø med fokus på pasienttryggleik, fagleg utvikling og arbeidsglede?

Der skal vi ha 28 sengeplassar innan fagområda hjarte, infeksjon og geriatri. Har du interesse for, eller ønskjer å lære meir om desse faga, ønskjer vi deg hjarteleg velkommen som vår nye kollega. Vi har fleire ledige stillingar for sjukepleiarar, sjukepleiarar med vidareutdanning i geriatri, helsefagarbeidarar og assistentar.

Arbeidsoppgåvene vil vere varierte, med hovudfokus på god pasientbehandling der pasienttryggleik står i sentrum. Vi jobbar no med oppgåvegliding, der helsefagarbeidarar får opplæring i enkelte prosedyrar for å avlaste sjukepleiarane.

Vi legg stor vekt på å ta godt imot nytilsette. Du vil få opplæring og rettleiing av erfarne kollegaer undervegs. I dag er arbeidskvardagen vår prega av godt samarbeid mellom faggruppene, arbeidsglede og godt humør – og dette ønskjer vi å ta med oss vidare når vi flyttar.

Fagdagar er sett inn i turnusen. Turnusen er tredelt, og vi legg til rette for langvakter med arbeid kvar fjerde helg for deg som ønskjer det.
Kom gjerne med ønskje om stillingsstorleik når du søkjer.

Arbeidsoppgåver

• Sjukepleie til pasientar på sengepost
• Stell, pleie og observasjon
• Tverrfagleg samarbeid
• Gjere seg kjent med og halde seg oppdatert på sengeposten sine gjeldande prosedyrar og retningsliner
  

I tillegg for sjukepleiarar:

• Rettleiing av studentar
• Legemiddelhandtering
• Samhandling med kommunehelsetenesta

Kvalifikasjonar

• Autorisert sjukepleiar/helsefagarbeidar
• Vidareutdanning i geriatri er ein fordel
• Du må meistre norsk både skriftleg og munnleg
• Relevant erfaring kan bli vektlagt

Personlege eigenskapar

• Du er positiv, løysingsorientert og har gode samarbeidsevner
• Du arbeider både sjølvstendig og i team
• Du er motivert til å utføre varierte arbeidsoppgåver
• Du er fagleg engasjert og bidreg til fagleg utvikling og kontinuerleg forbetringsarbeid
• Du er ansvarsbevisst
• Du bidreg til eit godt arbeidsmiljø

Personleg eignaheit vil bli vektlagt ved tilsetjing

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Kontaktinformasjon

Mette Malme, Seksjonsleder, mette.malme@helse-mr.no

Arbeidsstad

6450 Hjelset

Nøkkelinformasjon:

Arbeidsgivar: Helse Møre og Romsdal HF

Referansenr.: 4892620633
Stillingsprosent: 100, 50%
Fast
Søknadsfrist: 05.01.2025