Spesialkonsulent innan rekruttering og kommunikasjon
Stad kommune har ledig 100 % fast stilling som spesialkonsulent med arbeidsoppgåver knytt til rekruttering, kompetanseutvikling og personalforvaltning. Stillinga er plassert i stabseining for personal og kommunikasjon.
Stabseining for personal og kommunikasjon skal legge til rette for gode organisasjons- og personalprosessar, god dokumentforvaltning og god informasjon og kommunikasjon internt i organisasjonen og ut mot innbyggjarane.
Eininga har i dag overordna ansvar for oppgåver i samband med løns-, personal- og arbeidsgjevarfunksjonane og skal støtte og legge til rette for einingane i Stad kommune. Eininga har også ansvar for post og arkiv inkludert dokumentforvaltning i fleire av fagsystema i kommunen. Vi skal også legge til rette for auka digitalisering av tenester. Eininga har vidare ansvaret for sentralbordet i Stad kommune og publikumsfunksjonar i Stad rådhus. Eininga legg til rette for og koordinerer politiske møte, valgjennomføring, informasjon og kommunikasjon og bidreg til å gjennomføre ulike arrangement i regi av kommunen.
Vi treng no å styrke oppgåvegjennomføringa innan rekruttering, kommunikasjon og saksbehandling.
Arbeidsoppgåver
- Bidra til å utvikle arbeidsgjevarpolitikken i Stad kommune
- Bidra til kompetanseutvikling og kompetansemobilisering
- Kontaktperson for einingsleiarane i spørsmål som gjeld rekruttering og kompetanseutvikling
- Bidra til god bemanningsplanlegging, utlysning, tilsetjing og arbeidsavtaler
- Ansvar for annonsering og marknadsføring av ledige stillingar på nettsider og i sosiale media
- Bidra til profilering og marknadsføring av Stad kommune
- Kontaktperson mot opplæringskontor og koordinator for lærlingar
- Saksbehandling på personalområdet etter intern fordeling
- Politisk saksutgreiing kan bli aktuelt
Kvalifikasjonar
- Relevant utdanning frå høgskule eller universitet på bachelornivå innan til dømes HR, teknologi- og digitalisering, administrasjons- og organisasjonsvitskap, endringsleiing eller liknande
- Kjennskap til lov- og avtaleverket på personalområdet
- Erfaring frå prosjekt- og prosessleiing
- Gode munnlege og skriftlege norskkunnskapar
- Kjennskap til fagsystem som Visma enterprise, Acos websak, Webcruiter og Compilo vil vere positivt
Personlege eigenskapar
- Evne til å organisere arbeidsoppgåvene og følge fristar
- Evne til å takle mange arbeidsoppgåver
- Løysingsorientert og konstruktiv
- Gode samarbeids- og kommunikasjonsevner
- Nøyaktig og tek initiativ til forbetringsarbeid
- Bidrar positivt i arbeidsmiljøet
Vi tilbyr
- Eit godt fag- og arbeidsmiljø og varierte oppgåver
- Løn etter kommunalt avtaleverk
- Gode pensjons- og forsikringsordningar
- Høve til kompetanseheving og vidareutvikling
- Flyttegodtgjersle dersom du flyttar til kommunen vår
Vi ber om at du lastar opp attestar og vitnemål saman med søknaden. Vi ber om referansar av nyare dato. Stad kommune har seks månader prøvetid.
Vi oppmodar særleg menn til å søkje!
Vi gjer merksame på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast. For nærare informasjon om stillinga kan du ta kontakt med stabsleiar personal og kommunikasjon.
Har du spørsmål om stillinga kan du ta kontakt med stabsleiar personal og kommunikasjon, Ingunn Rotihaug.
Kontaktinformasjon
Ingunn Rotihaug, Stabsleiar personal og kommunikasjon, 970 01 087, ingunn.rotihaug@stad.kommune.noArbeidsstad
Rådhusvegen 116770 Nordfjordeid
Nøkkelinformasjon:
Arbeidsgivar:Stad kommuneReferansenr.:4506006580
Stillingsprosent: 100%
Fast
Søknadsfrist: 21.08.2022
Om bedriften
Stad kommune har om lag 9 500 innbyggjarar og ligg i Nordfjord i Vestland fylke. Kommunen vart oppretta 1. januar 2020 då kommunane Eid og Selje og bygdene Maurstad, Bryggja og Totland vart slått saman. Kommunen består av fleire livskraftige tettstader og strekkjer seg frå storhavet i vest til fjell- og fjordlandskap i aust. I kommunen finn du Vestkapp, surfemiljø i Hoddevika, Selja kloster, Harpefossen skisenter, vikingsenteret Sagastad, Malakoff rockfestival, Opera Nordfjord og Europas djupaste innsjø, Hornindalsvatnet. Kommunen har ledige bustadtomter, gode kommunale tenester, eit spanande næringsliv og innbyggjarar med initiativ og pågangsmot. Stad kommune har som overordna mål å bli fleire. Vi treng deg som ønskjer å flytte til kommunen vår, og vi treng deg som har budd ute ei stund og ønskjer å flytte heim. Vi ønskjer å utvikle eit livskraftig og trygt samfunn der vi alle dreg i lag. I Stad kommune vil du møte lokalsamfunn som skil seg ut. Kommunen er stor nok til å gje deg rom og la deg leve ut draumane dine, og liten nok til å sjå deg og ta vare på deg. Vi ønskjer deg med på laget!