Rådgjevar landbruk (ID 600)
Stord Fitjar landbruks- og miljøkontor har ledig stilling i fullt årsverk som rådgjevar innan landbruksforvaltning. Søknadsfrist 22. juni. Stord Fitjar landbruks- og miljøkontor tek hand om landbruksforvalting og miljøoppgåver for kommunane Stord og Fitjar. I tillegg leverer kontoret tenester innan landbruks- og viltforvaltning til Austevoll kommune.
Fast kontorstad er Fitjar rådhus, men kontordagar i Stord og Austevoll kan også vera aktuelt. Totalt vil kontoret ha 4,6 årsverk fordelt på fem tilsette. Administrasjonsmålet er nynorsk.
Sentrale arbeidsoppgåver
- Sakshandsaming innan arealforvaltning / tiltak i LNF-område
- Tilskotsforvaltning
- Konsesjonssaker
- Viltforvaltning
- Andre oppgåver som er knytt til avdelinga
Kvalifikasjonar for stillinga
- Relevant utdanning frå universitet eller høgskule
- Kjennskap til aktuelt regelverk for landbruk, miljø og arealforvaltning
- Kunnskap om landbruksdrift
- God IKT-kompetanse
- Gode samarbeids- og kommunikasjonsevner
Me kan tilby
- Allsidige og utfordrande arbeidsoppgåver
- Eit fagleg og sosialt godt arbeidsfellesskap
- Løn etter avtale og ei god pensjonsordning
Dersom søkjar ynskjer å verta unnateken frå offentleg søkjarliste, må det grunngjevast. Opplysningar om søkjaren kan bli offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom ynske om reservasjon ikkje vert teke til fylgje.
Søknadsskjema
Søk på stilling som rådgjevar innan landbruksforvaltning her
Søknadsfrist: 22. juni 2020.
Om arbeidsgjevaren:
Fitjar kommune er liten i innbyggjartal, men stor på naturopplevingar og fellesskap. Her finn du framleis urørt kystlandskap, ein unik skjergard med idylliske vikar og eit mylder av øyar og skjer.
Gode butilhøve, eit levande lokalsamfunn og eit næringsliv i utvikling er viktige grunnsteinar i kommunen vår. Kommunen har 3158 innbyggjarar og ei positiv folketalsutvikling.