Kontrollingeniør -- Prosjekt Sør
Org. nr: 923723048 Stillingsident: 4259708841 Presentasjon av stillingen:
Vestland fylkeskommune sin overordna visjon for transportpolitikken er « Å tilby eit effektivt, tilgjengeleg, sikkert og miljøvennleg transportsystem som dekker samfunnet sitt behov for transport som fremmer regional utvikling».
Avdelinga Infrastruktur og veg (INV) har ansvar for planlegging, utbygging, drift og vedlikehald av om lag 5600 km fylkesveg, og tek i vare fylkeskommunen sine forvaltningsoppgåver som vegeigar. Vi samordnar aktørar med ansvar for trafikksikring i fylket. Avdelinga i varetek heilskapleg utbygging av transportinfrastruktur i arbeidet med Nasjonal transportplan og har naudsynt beredskap i samband med hendingar på vegnettet.
Planlegging og utbyggingsseksjonen (PU) har ansvar for planlegging og bygging av fylkesvegar, gang- og sykkelvegar, tunnelar og bruer i Vestland fylke. Byggherre-miljøet er delt i tre geografiske einingar, Prosjekt Nord (Sogn og Fjordane), Prosjekt Sør (Hordaland) og Prosjekt Bergen.
Til Prosjekt Sør søkjer vi etter kontrollingeniørar for større og mindre tiltak i vårt geografiske ansvarsområde knytt til kontorstad Stord/Odda.
Vi har fleire kontorstader; Voss, Odda og Stord samt anleggskontor på Bømlo og Sunndal. Det må påreknast utstasjonering på aktuelle prosjekt ved behov. Vi ønsker oss ein kollega som bidreg både fagleg og sosialt.
Om stillinga
- Delta i prosjektering og utarbeiding av konkurransegrunnlag for eigne prosjekt.
- Planlegge og ivareta oppfølging, kontroll og dokumentasjon av entreprenørens arbeid.
- Bidra i utarbeiding av aktuelle kontrollplanar, sjekklister.
- Delta i byggjemøter og støtte byggjeleiars arbeid med oppfølging av kontrakt på kvalitet, HMS, SHA og framdrift. Kontrollere FDV dokumentasjon.
- Rapporterer til byggjeleiar
Kva kan du forvente?
Vi kan love deg varierte arbeidskvardagar og meiningsfulle arbeidsoppgåver med mykje ansvar og stor samfunnspåverknad. Hos oss er det gode moglegheiter for både fagleg og personleg utvikling.
Prosjekt sør har eit godt arbeidsmiljø kor det er lov til å utfordre kvarandre. Du vil bli med i ein gjeng som har fagleg og profesjonell styrke, stor takhøgde, godt humør og som dagleg går til ein triveleg arbeidsplass!
Vi har gode pensjons- og forsikringsordningar. Løn etter avtale.
Kven er du?
Du har relevant utdanning frå universitet eller høgskule, minimum 3 år. Dersom du har allsidig praksis eller etterutdanning og gode personlege føresetnader for stillinga, kan vi sjå bort frå utdanningskravet. Du har gode IT-kunnskapar, og god skriftleg og munnleg framstillingsevne.
Det er ønskeleg med røynsle frå vegbygging, betong konstruksjonar --og /eller bygging av nye tunnelar. At du er kvalitetsbevisst og god på dokumentasjon av tiltaka er og viktige eigenskapar. Du må gjerne ha vore kontrollingeniør på bygg- eller anleggsprosjekt før, eller ha erfaring frå andre offentlege prosjekt. Kjennskap til bruk av modellbasert prosjektering og bruk av BIM under byggeprosessen vil bli vektlagt. Dette er likevel ikkje eit krav til stillinga.
Har du spørsmål til stillinga er du velkomen til å kontakte leiar Prosjekt Sør Kathrine Løno Lahlum på telefon; 95055252.
Anna informasjon
Administrasjonsmålet i fylkeskommunen er nynorsk. Alle nytilsetjingar i fylkeskommunen blir gjort med ei prøvetid på 6 månader. Vi gjer merksam på at opplysningar om søkjaren kan verte offentleggjort sjølv om du har bedt om ikkje å stå på offentleg søkjarliste (offentleglova § 25, 2. ledd). Dersom du har bedt om unntak frå offentleg søkjarliste vert du alltid varsla før søkjarlista vert offentleggjort.
Dersom du har teke heile eller delar av utdanninga di i utlandet, ber vi om ei autorisert oversetning av dine papir og ei godkjenning frå NOKUT (www.nokut.no).
Kontaktinformasjon
Kathrine Løno Lahlum, leiar, 95055252, Kathrine.Lono.Lahlum@vlfk.no
Arbeidsstad
5411
Søk på stillinga:Klikk her
Nøkkelinformasjon:
Arbeidsgivar:Vestland fylkeskommune
Referansenr.:4259708841
Stillingsprosent: 100%
Fast
Søknadsfrist: 02.08.2020