Ungdomslos 100% fast stilling - Eining Barn og familie
Omtale av stillinga
Ved eining Barn og familie er det ledig 100% fast stilling som ungdomslos for tilsetjing 01.08.21. Ungdomslosane er ein viktig del av ungdomsteamet og familieteamet i Tiltak og ressursavdelinga i Eining barn og familie og jobbar for å motverke utanforskap i samfunnet og for å fange opp barn og ungdom i risikosona i ein tidleg fase.
Å falle ut av opplæringa kan ha store negative konsekvensar, både for den einskilde det gjeld og for samfunnet. Ungdomslosen er ein viktig del av kommunens førebyggjande innsats og jobbar primært med elevar med høgt fråvær og skulevegring, og unge som står i risiko for å falle ut av sitt opplæringstilbod/arbeid. Ungdomslosane jobbar basert på tilmeldingar frå skular, føresette, ungdommane sjølve og andre tenester. Målet med losfunksjonen er å styrke ungdommane si trivsel og meistring og bidra til å auke gjennomføringa av skulegang.
Målgruppa er primært barn og unge opp til 20 år som står i fare for å falle frå i sitt opplæringstilbod/arbeidstilbod.
Arbeidsoppgåver
- Tett samarbeid med barnet/ungdommen og familien.
- Samtalar med barn/unge med mål om å fungere som ungdommen sin rettleiar og støttespelar.
- Foreldrerettleiing. Dersom det er hensiktsmessig, kan rettleiinga føregå i barnet/ungdommen sin heim.
- Miljøarbeid og oppsøkande verksemd i heim og skule knytt til den einskilde ungdom.
- Arbeide for å auke trivsel og meistring.
- Vere jamleg tilstades på ungdomssenter/klubb i kommunen
- Delta i tverrfagleg samhandling rundt einskild ungdom knytt til heim, skule/jobb og fritid.
- Samarbeide med skule og yte bistand til skulane ved utprøving av konkrete tiltak, i tett samarbeid med skule og PPT.
- Gruppetilbod for barn og unge eller foreldre.
- Arbeide for god integrering i samfunnet
Kvalifikasjonar
Vi søkjer medarbeidar med 3-årig sosialfagleg/pedagogisk høgskuleutdanning. Det er ønskjeleg med relevant vidareutdanning innanfor fagområda familieterapi, rettleiingsmetodikk, spesialpedagogikk eller psykisk helsearbeid for
barn og unge.
Personlege eigenskaper
Ved tilsetjing vert det lagt vekt på;
- personlege eigenskapar
- god samarbeidsevne, god kommunikasjon og relasjonsbyggjar
- relevant praksiserfaring
- at ein er eigna for og har erfaring med arbeid med barn, ungdom og deira familiar
- evne til å arbeide sjølvstendig, målretta og strukturert.
- kjennskap til og kompetanse på relevante verktøy for rettleiing av foreldre, skular og barnehagar.
- god kommunikasjonsevne
- ha god skriftleg og munnleg framstillingsevne
- erfaring med, og evne til tverrfagleg samarbeid.
- evne til fleksibilitet og endringsvilje
Vi tilbyr
Tilsetjing skjer etter gjeldande vilkår for kommunale arbeidstakarar i samsvar med HTA og AML.
Pensjonsordning, ulykkes- og gruppelivsforsikring gjennom KLP.
Kvinnherad kommune er ei IA-verksemd.
Gode arbeidstilhøve i eit godt arbeidsmiljø.
Dekning av flytteutgifter etter nærare reglar.
Ein må pårekna noko ettermiddags og helgejobbing basert på behov og i tråd med AML.
Søknad vert å senda
Kvinnherad kommune oppfordrar til å søkja elektronisk (godkjende vitnemål og attester tar ein med på evt. intervju). Normalt vil søkjar sitt namn bli offentlegjort i postjournal og offentleg søkjarliste. Dersom du ønskjer at søknaden ikkje skal verte offentleggjort må du grunngje dette. Vi gjer merksam på at opplysningar om søkjarane likevel kan verta offentleggjorde, jf. Offentleglova § 25. Du vil då verte varsla om dette på førehand slik at du har høve til å trekkje søknaden din.
Innsendte vitnemål og attestar blir ikkje returnert.
Det er krav om gyldig politiattest før du tiltrer i stillinga. Kravet er heimla i lov om barnevern § 6.10, opplæringslova § 10.9, lov om barnehagar § 19, Helsepersonellova § 20 og helse- og omsorgstjenesteloven § 5-4.
Om bedriften
Kvinnherad kommune har 13.100 innbyggjarar.Kommunen ligg i Sunnhordland, mellom Bergen, Haugesund og Odda. Rosendal er administrativt senter, Husnes er største tettstaden og har vidaregåande skule og handelssenter. Kvinnherad har eit mangfaldig kulturliv. Sjø, skjærgard, fjell og bre gjev naturtilhøve for friluftsliv heile året.Eining Barn og familie - er ei av 23 einingar i sektor oppvekst. Eininga er delt inn i fire avdelingar: barnevern, helsestasjon, PPT og avdeling tiltak og ressursar. Eininga held til i lokalar på Husnestunet på Husnes.