Sjukepleiar 20% fast, Husnes helsesenter og legevakt
Omtale av stillinga
Husnes helsesenter og Kvinnherad legevakt søker sjukepleier 20% stilling og vil inngå i 2-delt turnus. Stillingstorleik kan aukast i kombinasjon med anna stilling i turnus i Sektor Omsorg, Helse og Sosial. Husnes legesenter har i dag 7 avtaleheimlar for privatpraktiserande legar og 8 helsepersonell som betjener ca. 5700 pasientar. Vi er opptekne av å møta heile pasienten. Vi søkjer deg som har ekte og oppriktig engasjement for menneska som er akutt sjuke, som er ansvarsmedviten og har gode kommunikasjons- og samarbeidsevner. Vi ynskjer oss engasjerte kollegaer som likar å arbeide i eit hektisk miljø, og som kan vera med å utvikla helsesenteret vidare.
Arbeidsoppgåver
Arbeidsoppgåver på helsesenteret:
- Handtere førespurnader frå innbyggarar i Kvinnherad kommune, som treng medisinsk hjelp. Kunne rettleia og gi råd til pasientar. Vidare prioritera og setje i verk behandlingsnivå.
- Ivareta dokumentasjonsplikt og kvalitetssikring av verksemda.
- Laboratoriearbeid.
- Behandle kroniske og akutte tilstandar på skadestove.
- Hjelpe og assistera lege ved kirurgiske inngrep og undersøkingar.
- Administrering av medikament etter ordinasjonen frå legen.
Hovudoppgåvene på legevakta:
- Ta imot alle førespurnader på telefon og i ekspedisjon.
- Kunne klinisk prioritere, observera og behandla pasient på skadestove/akuttstove.
- Gi råd og rettleiing, vurdera og avklara pasientar ut frå "Norsk Index for medisinsk nødhjelp" .
- Ta imot, stabilisera, gi sjukepleie og behandling til akutt sjuke pasientar som kjem med ambulanse eller kjem sjølv til legevakta.
- Hjelpe lege med målinger, ta blodprøvar, assistera ved einskildel inngrep.
Kvalifikasjonar
- Offentleg godkjent sjukepleiar med autorisasjon.
- Vi ynskjer personar som har erfaring frå tilsvarande arbeid, men naudsynt opplæring vil bli gitt.
- Erfaring i bruk av Info-Doc som journalsystem.
- Må kunne handtera akutt-situasjonar og inneha høg arbeidskapasitet. Ha interesse for å jobba med akutt sjuke pasientar.
- IKT- kunnskapar.
- Kardiologisk videreutdanning eller klinisk spesialisering innan hjarte vil være ein føremon.
Personlege eigenskapar
- Ha gode kommunikasjons og samarbeidsevner. Meistra norsk munnleg og skriftleg.
- Vi ynskjer kreative og engasjerte tilsette med eit positivt og inkluderande menneskesyn.
Personlege eigenskapar for stillinga som: sjølvstende og tryggleik i rolla som sjukepleiar, men samstundes ha evne til å arbeide i tverrfaglege team.
Vi tilbyr
- 2-delt turnus med 5.kvar helg
- Lønn i samsvar med gjeldande avtaleverk
- Gode pensjons- og forsikringsordningar
- Utviklande og spennande stilling der få dagar er like
- Eit godt fagmiljø
- IA-avtale og samarbeid med bedrifsthelseteneste
Søknad vert å senda
Kvinnherad kommune oppfordrar til å søkja elektronisk (godkjende vitnemål og attester tar ein med på evt. intervju). Normalt vil søkjar sitt namn bli offentlegjort i postjournal og offentleg søkjarliste. Dersom du ønskjer at søknaden ikkje skal verte offentleggjort må du grunngje dette. Vi gjer merksam på at opplysningar om søkjarane likevel kan verta offentleggjorde, jf. Offentleglova § 25. Du vil då verte varsla om dette på førehand slik at du har høve til å trekkje søknaden din.
Innsendte vitnemål og attestar blir ikkje returnert.
Det er krav om gyldig politiattest før du tiltrer i stillinga. Kravet er heimla i lov om barnevern § 6.10, opplæringslova § 10.9, lov om barnehagar § 19, Helsepersonellova § 20 og helse- og omsorgstjenesteloven § 5-4.
Om bedriften
Kvinnherad kommune har vel 13.100 innbyggjarar. Kommunen ligg mellom Bergen, Haugesund og Odda. Rosendal er administrativt senter. Husnes er største tettstad, med to barnehagar, grunnskule, vidaregåande skule og handelssenter. Kvinnherad har eit mangfaldig kulturliv. Sjø, skjergard, fjell og bre gjev naturtilhøve for friluftsliv heile året.