Underdirektør - administrativ seksjon
Jobbnorge ID: 187576
Om seksjonen og stillinga
Administrativ seksjon har ansvar for samordning og styring av departementet sitt arbeid med interne planprosessar knytt til personal-, organisasjons- og IKT-utvikling samt personaladministrasjon, arbeidsmiljø, IKT-verksemd og arkiv. Personalsaker for underliggjande etatar, mellom anna prinsipielle saker om løn og arbeidsforhold, fortolking av lov- og regelverk og tiltak ved større bemanningsendringar ligg og til seksjonen.
Vi søkjer ein medarbeidar som skal arbeide med strategisk HR, endringsarbeid i departementet og vere nestleiar i seksjonen.
Arbeidsoppgåver
- Følgje opp arbeidet med standardisering og effektivisering av administrative funksjonar og med utvikling av departementa, særleg innan HR
- Støtte leiinga med organisasjonsendringar i departementet
- Jobbe med leiar- og medarbeidarutvikling
- Ha koordineringsansvar og -oppgåver i seksjonen, mellom anna for internbudsjettet og seksjonen sin verksemdsplan
- Rettleie og gi fagleg støtte til kollegaer
- Generell sakshandsaming
Andre oppgåver innan seksjonen sine område kan bli aktuelt
Kvalifikasjonar
Vi søkjer deg som har
- Høgare, relevant utdanning, fortrinnsvis innan HR, psykologi eller liknande
- Fleire års erfaring frå arbeid i departement
- Erfaring frå arbeid med organisasjonsendringar og anna endringsarbeid
- Interesse for politiske avgjerdsprosessar
Det er ein fordel om du har
- Kjennskap til arbeidet med sentralisering og effektivisering av departementa
Vi legg vekt på at du
- Kan leie arbeidsprosessar og bidra til at nye løysinger blir implementert på ein god og heilskapleg måte
- Tar initiativ, kan rettleie kollegaer og samarbeide godt med andre
- Kan arbeide sjølvstendig og nøyaktig
- Har gode munnlege og skriftlege framstillingsevner
Vi kan tilby
- Arbeid med dagsaktuelle saker
- Utfordrande og interessante oppgåver
- Hyggeleg arbeidsmiljø med dyktige og engasjerte kollegaer
- Moglegheit for trening i arbeidstida
- Medlemsskap i Statens pensjonskasse
Stillinga blir lønna som underdirektør i lønnsspennet frå kr. 680 000 - 760 000,- avhengig av kvalifikasjonar.
Generell informasjon
Du kan få nærare informasjon om stillinga ved å kontakte avdelingsdirektør Gyri Solnørdal Jenssen, tlf 22 24 81 19 / 415 70 175
Samferdselsdepartementet deltek i regjeringa si inkluderingsdugnad. Vi vil gjerne ha søknader frå deg som har nedsett funksjonsevne eller hol i CV-en, men som elles fyller kvalifikasjonskrava til stillinga. Vi gjer oppmerksam på at opplysningar om nedsett funksjonsevne eller hol i CV-en kan bli brukt til statistikkformål.
I samsvar med offentleglova §25 kan det gjerast unntak for opplysningar om søkjar frå offentleg søkjarliste, dersom søkjaren sjølv oppmodar om det. Den som ønskjer å reservere seg mot å stå på offentleg søkjarliste, må grunngje dette. Ved eventuelt avslag, vil søkjer bli kontakta før offentleggjering og få tilbod om å trekkje søknaden.
Se annonsen og søk på stillingen www.jobbnorge.no
Om bedriften
Samferdselsdepartementet er regjeringa sitt utøvande organ for politikkutforming, forvalting, etatsstyring og eigarstyring innanfor transportsektoren.
Samferdselsdepartementet skal bidra til effektive, tilgjengelege, sikre og miljøvennlege løysingar som dekkjer samfunnet sitt behov for transport og fremjer regional utvikling.