ID 1904 Sakshandsamar plan - Regulering, byggesak og oppmåling
Eininga har ledig fast nyoppretta 100% stilling som sakshandsamar plan.
Hovudoppgåver ved avdelinga:
- Sakshandsaming av offentlege og private detalj- og områdereguleringsplanar og ev. delingssaker og dispensasjonssaker
- Bidra aktivt til tverrfagleg samhandling og koordinering i sakshandsaminga både internt i kommunen og eksternt mot kundar/ konsulentbransjen
- Deltaking i førehandskonferansar og politiske møte
- Oppfølging av regionalt planarbeid samt overordna planleggingsarbeid kan bli tillagt avdelinga
Me søkjer ein sakshandsamar som:
- Kommuniserer tydeleg, arbeider strukturert og sjølvstendig
- Har motivasjon og evne til å vera med å vidareutvikla forvaltningsområdet
- Er løysningsorientert i møte med anna fagpersonell, utbyggings- og konsulentbransjen
- Er initiativrik, har god relasjonskompetanse og samarbeidsevne
- Kan arbeide og trivast i skjeringspunktet mellom politikk og administrasjon
- Har god forståing for offentlege prosessar og forvaltning
- Har god munnleg og skriftleg framstillingsevne (nynorsk skriftmål)
- Har god digital kompetanse
Kvalifikasjonskrav:
- Relevant utdanning på minimum bachelornivå
- Erfaring innanfor fagområdet (plan- og bygningslova)
- Praksis frå offentleg forvaltning er ynskjeleg
- Nyutdanna vert også oppmoda om å søkje
- Personlege eigenskapar vil bli vektlagt
Me kan tilby:
- Høve for personleg vekst og utvikling i arbeidet
- Eit godt arbeidsmiljø med spennande utfordringar
- Medlemskap i Stord kommune ve og vel med bl.a. husvære i Røldal, hytte på Husøy inkl. båt, utleige av tilhengarar, m.m.
- Løn etter avtale
- Gode pensjons- og forsikringsordningar
Offentlig tenestepensjon i KLP - Kort fortalt
Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjaren vert varsla dersom ynskje om reservasjon ikkje vert teke til fylgje.
Ta gjerne kontakt for ein uformell samtale med plansjef/kommunalsjef Lovise Vestbøstad, tlf. 911 50 097.
Om bedriften
Stord kommune er kommunikasjons- og regionsenter i Sunnhordland, og ligg sentralt mellom Bergen og Stavanger. Stord er ein utviklingsorientert industrikommune med ein maritim sektor som er verdsleiande m.a. når det gjeld å utvikle grøne løysingar. Kommunen har ambisjonar som ein attraktiv vekstkommune under visjonen <<Saman om utvikling og velferd>>, og har mål om å bli nullutsleppskommune innan 2030. Stord har mange og varierte tilbod innanfor privat og offentleg tenesteyting, handel og undervisning, idrett, kultur og friluftsliv. Kommunen har nær 19.000 innbyggjarar.