Bruplanleggar - prosjektering
Org. nr: 923722890 Stillingsident: 4198381431 Presentasjon av stillingen:
Frå 2020 har Vestland fylkeskommune overtatt ansvaret for fylkesvegnettet i heile Vestland fylke. Vi set no saman eit spennande team av dyktige fagfolk frå alle kantar av det nye fylket for å løyse denne viktige samfunnsoppgåva. Medarbeidarane vil ha arbeidsstad i Leikanger, Bergen, Førde, Odda, Voss og Nordfjordeid. Vi treng deg som har kompetanse innan vegplanlegging, prosjektering, drift og vedlikehald av veg, samt fleire fagområde. Bli med frå starten og sett ditt preg på ei ny avdeling for å gi det nye fylket gode og trygge vegar og god infrastruktur.
Avdelinga skal gjennomføre planlegging, utbygging, drift og vedlikehald av om lag 5600 km fylkesveg og ta hand om forvaltningsoppgåvene fylkeskommunen har som vegeigar. Vi skal samordne aktørar med ansvar for trafikksikring i fylket. I tillegg skal vi sørgje for ei heilskapleg utbygging av transportinfrastruktur i arbeidet med Nasjonal transportplan og ha naudsynt beredskap i samband med hendingar på vegnettet.
Planlegging og utbyggingsseksjonen har ansvar for planlegging og bygging av fylkesvegar, gang- og sykkelvegar, tunnelar og bruer i Vestland fylke. Seksjonen dekker alle fagområde knytt til dette arbeidet: planlegging, prosjektering, grunnerverv, landmåling, geologi, geoteknikk og utbygging/byggherre. Byggherremiljøet er delt i tre geografiske einingar, Prosjekt Nord (Sogn og Fjordane), Prosjekt Sør (Hordaland) og Prosjekt Bergen. Bruplanleggarane våre jobbar med konstruksjonar i heile fylket.
Vi søkjer 4 bruplanleggarar med arbeidsstad i Bergen og Leikanger.
Arbeidsoppgåver
- Planlegging og prosjektering av konstruksjonar
- Utarbeiding av konkurransegrunnlag (modell/teikningar) for byggefase
- Innhente, kvalitetsikte, følgje opp og koordinere faglege ressursar som er nødvendige for prosessen
- Oppgåvene kan variere frå mindre kollektivtiltak til kompliserte byprosjekt og større strekningsvise vegprosjekt
Kvalifikasjonskrav
- 3 år teknisk utdanning frå universitet eller høgskule. Om du har sterk og allsidig praksis eller etterutdanning og gode personlege føresetnader for stillinga, kan vi sjå bort frå kvalifikasjonskravet
- Førarkort klasse B. I særskilte tilfelle kan kravet om førarkort fråvikast.
Ønska kvalifikasjonar
- Arbeidserfaring med modellbasert prosjektering
- Kompetanse i relevante fagsystem som AutoCAD, Novapoint og 3D-verktøy
Personlege eigenskapar
Vi er ute etter medarbeidarar som er fleksible, sjølvstendige, og har gode samarbeidsevner. Du er løysingsorientert, strukturert og har god gjennomføringsevne.
Vi tilbyr
- Spanande arbeidsoppgåver og gode vilkår for fagleg utvikling
- Eit sterkt og inkluderande fagmiljø
- Løn etter avtale
- Gode forsikrings- og pensjonsvilkår
- Fleksibel arbeidstid
Anna informasjon
- I søknadsprosessen blir du spurt om hvilke arbeidsstader som er aktuelle for deg.
- Administrasjonsmålet i fylkeskommunen er nynorsk.
- Alle nytilsetjingar i fylkeskommunen blir gjort med ei prøvetid på 6 månader.
- Vi gjer merksam på at i følgje offentleglova § 25, 2. ledd kan opplysningar om søkjaren verte offentleggjort sjølv om du har oppmoda om ikkje å stå på offentleg søkjarliste. Dersom du har bedt om unntak frå offentleg søkjarliste vil du alltid verte varsla før søkjarlista vert offentleggjort
- Spørsmål om stillinga rettast til leiar. Dersom du har spørsmål knytt til søknadsprosessen, kontakt Ruben Nordvik ved HR avdelinga.
Kontaktinformasjon
Annicke Bergh Monsen, Leiar , 92237372
Ruben André Nordvik, Fagarbeider, 96943099
Arbeidsstad
5254
Søk på stillinga:Klikk her
Nøkkelinformasjon:
Arbeidsgjevar:Vestland fylkeskommune
Referansenr.:4198381431
Stillingsprosent: 100%
Fast
Søknadsfrist: 15.03.2020