Overlege
Org. nr: - Stillingsident: 4404424835 Presentasjon av stillingen:
Bjørgvin distriktpsykiatriske senter (DPS) er ein del av Divisjon psykisk helsevern i Helse Bergen. Bjørgvin DPS er ein moderne og veldrive klinikk som gir psykiatriske spesialisthelsetenester til innbyggjarane i kommunane Alver, Austrheim, Fedje, Gulen, Masfjorden, Modalen og Osterøy. Samt bydelane Arna og Åsane i Bergen kommune. Samla har klinikken eit opptaksområde med 78 000 innbyggjarar over 18 år. Bjørgvin DPS har i 2021 eit budsjett på 149 millionar kroner, og 220 tilsette fordelt på 150 årsverk.
Klinikken er lokalisert på Tertnes i Åsane og i Knarvik i Alver kommune. Døgntilbodet er lokalisert på Tertnes, medan polikliniske tenester blir gitt både i Knarvik og på Tertnes. Klinikken er delt i to fagområder psykose og allmennpsykiatri.
Bjørgvin DPS sine kjerneoppgåver er:
- Spesialisert utgreiing og differensiert behandling
- Opplæring av pasientar og pårørande
- Rettleiing til psykisk helseteneste i kommunane
- Forsking, kvalitetsutvikling og utdanning av helsepersonell
Klinikken har for tida 13 legespesialistar og 20 psykologspesialistar tilsett. Vi ønskjer å styrkje spesialistkompetansen ytterlegare. Vi legg til rette for kompetanseheving og etterutdanning for spesialistar, og vi har fokus på forsking. Samarbeid med sjukehus, kommunar og brukarorganisasjonar er høgt prioritert.
Fagområde allmennpsykiatri har følgjande seksjonar:
- C1 døgnseksjon med 15 sengeplassar
- Knarvik allmennpsykiatriske poliklinikk
- Tertnes allmennpsykiatriske poliklinikk
- eMeistring (intetnettbasert behandlingstilbod)
Da vi skal avvikle spesialistpermisjonar og ein av våre overlegar snart skal gå av med pensjon, søkjer vi etter fast overlege i 100 % stilling til C1 døgnavdeling. Døgnseksjonen har ei svært godt kvalifisert personalgruppe. Vi har tilsett 2 overlegar der ein har spesialisering innan psykiatri og ein innan allmennmedisin, 2 psykologspesialistar, psykolog, LIS1, LIS3 og sosionomar. Største delen av miljøpersonalgruppa er høgskuleutdanna med relevante vidareutdanningar. I tillegg har seksjonen tilgjengeleg kompetanse innan fysioterapi, kunst- og musikkterapi og ernæring.
Seksjonen har ei liggjetid på 1 til 4 veker og har eit aktivt behandlings- og utgreiingstilbod. Der er tett og godt samarbeid med dei andre seksjonane innanfor fagområdet. Seksjonen har 15 sengeplassar der 9 av dei er 7-døgnsenger og 6 av dei er 5-døgnsenger.
Arbeidsoppgåver
- Behandling og utgreiing av innlagde pasientar
- Delta i tverrfaglege team
- Oppfølging av medisinske problemstillingar for innlagde pasientar
- Undervise og rettleiie miljøpersonale
Kvalifikasjonar
- Norsk autorisasjon som lege
- Spesialist
- Må meistre norsk både munnleg og skriftleg
Personlege eigenskapar
- Trivast i ein hektisk og utfordrande kvardag
- Fagleg engasjert og interessert
- God teamarbeidar
Vi tilbyr
- Særs godt arbeidsmiljø med høgt kvalifiserte og dyktige kollegaer
- Gode moglegheiter for ytterlegare fagleg spesialisering og kompetanseheving
- Veldrive og godt organisert seksjon
- Moglegheiter til å delta i utforminga av seksjonen sitt behandlingstilbod
Mangfoldserklæring
Føretaksgruppa i Helse Vest ønskjer å spegle mangoldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulurell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.
Kontaktinformasjon
Nils Magerøy, Overlege, 55 95 70 00
Fredrik Hiis Bergh, Klinikkdirektør, 55 95 70 00
Audun Birger Håvik, Seksjonsleiar, 55957118
Arbeidsstad
Tertnesvegen 37
5113 Tertnes
Søk på stillinga:Klikk her
Nøkkelinformasjon:
Arbeidsgivar:Helse Bergen
Referansenr.:4404424835
Stillingsprosent: 100%
Fast
Søknadsfrist: 12.07.2021
Om bedriften
Helse Bergen, Haukeland universitetssjukehus, har over 13.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.