Sjukepleiar 80 % natt Heimeteneste Nord, Ølve
Omtale av stillinga
Heimetenesta er ein spanande arbeidsstad med mange og varierte utfordringar. Me har eit godt og pulserande arbeidsmiljø. Me er gode på internundervisning med fokus på faglig oppdatering. Me søkjer etter 80 % sjukepleiar på natt. Stillinga er knytt til Heimeteneste Nord; Ølve alderspensjonat.
Arbeidsoppgåver
- Ordinære arbeidsoppgåver i Heimetenesta
- Sjukepleiefaglege prosedyrar og observasjonar
- Tverrfagleg samarbeid
Kvalifikasjonar
Det vert stilt krav om autorisasjon som sjukepleiar.
Søkjar må ha sertifikat klasse B.
Personlege eigenskapar
- Du må vera fleksibel og løysingsorientert
- Ha gode evner til kommunikasjon
- Kunne arbeida sjølvstendig og samarbeida med andre
- Du må ha gode kunnskapar i norsk, både skriftleg og munnleg
- Gode datakunnskaper
Ved tilsetjing vert det lagt vekt på tidlegare arbeidserfaring og personlege eigenskapar.
Me tilbyr
Tilsetjing skjer etter gjeldande vilkår for kommunale arbeidstakarar i samsvar med HTA og AML.
Pensjonsordning, ulykkes- og gruppelivsforsikring gjennom KLP.
Kvinnherad kommune er ei IA-verksemd.
Gode arbeidstilhøve i eit godt arbeidsmiljø.
Dekning av flytteutgifter etter nærare reglar.
Søknad vert å senda
Kvinnherad kommune oppfordrar til å søkja elektronisk (godkjende vitnemål og attester tar ein med på evt. intervju). Normalt vil søkjar sitt namn bli offentlegjort i postjournal og offentleg søkjarliste. Dersom du ønskjer at søknaden ikkje skal verte offentleggjort må du grunngje dette. Vi gjer merksam på at opplysningar om søkjarane likevel kan verta offentleggjorde, jf. Offentleglova § 25. Du vil då verte varsla om dette på førehand slik at du har høve til å trekkje søknaden din.
Innsendte vitnemål og attestar blir ikkje returnert.
Det er krav om gyldig politiattest før du tiltrer i stillinga. Kravet er heimla i lov om barnevern § 6.10, opplæringslova § 10.9, lov om barnehagar § 19, Helsepersonellova § 20 og helse- og omsorgstjenesteloven § 5-4.
Om bedriften
Kvinnherad kommune har 13.100 innbyggjarar.Kommunen ligg i Sunnhordland, mellom Bergen, Haugesund og Odda. Rosendal er administrativt senter, Husnes er største tettstaden og har vidaregåande skule og handelssenter. Kvinnherad har eit mangfaldig kulturliv. Sjø, skjærgard, fjell og bre gjev naturtilhøve for friluftsliv heile året.