Sosialterapeut
Org. nr: 958 814 968 Stillingsident: 4384300148 Presentasjon av stillingen:
Vi gir rekrutteringstillegg på kr. 40 000 pr. år i 3 år for deg som har godkjent utdanning.
Bykle kommune og Valle kommune har felles helseteneste med Bykle kommune som vertskommune. Helsetenesta i Bykle og Valle har 24 tilsette fordelt på legeteneste, fysioterapi, jordmor, helsestasjons- og skulehelseteneste samt psykisk helse og rus.
Psykisk helse og rustenesta har ledig 100 % vikariat som sosialterapeut frå 01.09.2021 til 30.06.2022 , med moglegheit til forlenging.
Tenesta har kontor i Valle, Bykle og på Hovden og er ansvarleg for å førebygge, diagnostisere og behandle innanfor psykisk helse og avhengigheit. Det er tett samarbeid med dei andre tenesteområde i kommunen, samt spesialisthelsetenesta. Tenesteområdet er tverrfagleg samansett av sosialterapeut, SLT- koordinator, ruskonsulent og psykolog.
Arbeidsoppgåver
- Behandling av pasientar med lettare psykiske lidingar
- Arbeid målretta for å førebyggje og redusere rusmisbruk og psykiske lidingar
- Kartleggingsarbeid
- Støttesamtalar, rettleiing og oppfølging
- Tverrfagleg samarbeid med primær- og spesialhelsetenesta
- Kontaktperson for pakkeforløpa
Kvalifikasjonar
- Fortrinnsvis psykiatrisk sjukepleiar, men gjerne òg anna treårig relevant helse- og/eller sosialfagleg utdanning
- Generell erfaring frå arbeidet innan kommunal psykisk helse og rusteneste
- Ønskeleg med kompetanse innan behandlingsmetodikk kring brukarar med lette til moderate psykiske lidingar
- Ønskeleg med kompetanse innan familiearbeid samt arbeid med born og unge
- Ønskeleg med kompetanse innan samtalemetodikk, for eksempel tryggleikssirkelen eller kognitiv åtferdsterapi
- Må beherske norsk godt, skriftleg og munnleg
- Grunnleggjande IKT-kunnskap, vi nyttar InfoDoc som journalsystem
Personlege eigenskapar
- God på kommunikasjon og tverrfagleg samhandling
- Vera fleksibel og ha evne til å arbeide sjølvstendig og tek ansvar for eigne vurderingar
- Ønsker å videreutvikle rus/psykisk helsearbeid i kommunen
- Må vera motivert til å dele sin kunnskap med og å lære av andre
- Ha god etisk praksis både i arbeid med brukare og i samarbeid med kollegaer
Vi tilbyr
- God vegleiing av to erfarne og meget kompetente psykologar
- Høve til å påverke og utforme arbeidsplassen
- Godt kollegialt fellesskap og ein arena for interessante, varierte arbeidsoppgåver
- Løn etter kvalifikasjonar + 40 .000 i rekrutteringstilskot
- Kommunen kan vere hjelpsam med å skaffe bustad
- God pensjons- og forsikringsordning
- Mangfaldige moglegheiter til friluftsaktivitetar både sommar og vinter
Krav om politiattest ved tilsetting.
Oppdatert CV, vitnemål og attestar skal lastas opp i Webcruiter. Aktuelle kandidatar vert invitert til intervju.
Tilsetjing skjer på dei vilkår som går fram av lover, reglement og tariffavtaler. Det vert trekt 2% pensjonsinnskot.
Bykle kommune er opptatt av mangfald og me oppmodar derfor alle som er kvalifiserte til å søka hos oss, uansett alder, kjønn, etnisitet, religion, funksjonsevne, seksuell orientering og kjønnsidentitet. Namnet ditt vil normalt bli offentleggjort i forenkla søkjarliste. Du kan be om å bli unnateke offentlegheit, men då må du grunngje dette skriftleg, jf. offentleglova §25. Kan ikkje kommunen imøtekome dette, vil du bli varsla før offentleggjering.
Vi ønskjar ikkje kontakt med annonseseljarar!
Kontaktinformasjon
Heinz Diehl, Tenesteleiar helse, 41449988, Heinz.Thomas.Diehl@bykle.kommune.no
Arbeidsstad
Sarvsvegen 14
4754 Bykle
Søk på stillinga:Klikk her
Nøkkelinformasjon:
Arbeidsgivar:Bykle kommune
Referansenr.:4384300148
Stillingsprosent: 100%
Vikar
Søknadsfrist: 28.06.2021
Om bedriften
Bykle kommune har ca. 965 innbyggjarar og ligg øvst i Setesdal. Det er 18 mil til Kristiansand, 20 mil til Stavanger (sommartid) og 35 mil til Oslo og Bergen. Kommunesenteret er i Bykle, medan Hovden er eit stort turistsenter. Fritidstilboda er mange og varierte både sommar og vinter. Mellom anna har vi alpinsenter, tilrettelagte langrennsløyper i nærområdet og i høgfjellet, golfbane og eit stort Badeland.
Bykle kommunen er organisert i to nivå: rådmann med stab/støtteavdelingar og 8 tenesteeiningar, og har ca. 170 tilsette