ID 1900 Leiar barneverntenesta - Sunnhordland interkommunale barnevernteneste
Stord kommune er vertskommune for Sunnhordaland Interkommunale barnevern teneste (SIB), som er ei felles barnevern teneste for kommunane Bømlo, Fitjar og Stord. Kommunane eit samla befolkningsgrunnlag på om lag 34 000 innbyggjarar. Kommunen er to-nivå-kommune, og leiar har vide fullmakter innan vedtekne rammer. Leiar rapporterer til rådmannen v/kommunalsjef og har leiaravtale med kommunalsjefen der rettar, plikter og mål vert omtala.
Barneverntenesta har organisert arbeidet i aldersdelte lag for mottak og undersøking, i tillegg til eigne lag for omsorg og for rettleiing i familiar og har 37 årsverk.
Stord kommune har ledig fast 100 % stilling som leiar for Sunnhordland Interkommunale barnevern teneste. (SIB)
Barnevernsleiar sine hovudoppgåver:
- Leiing og oppfølging av fag, personale, økonomi og tilbod til barn og familiar.
- Fagleg og personleg utvikling av medarbeidarane.
- Tverrfagleg innsats og samhandling, utvikling på tvers av avdelingar, tenesteområdeog ulike samarbeidspartnarar.
- Vera oppdatert om barn og unges oppvekstvilkår og aktuelt lovverk.
- Ordinære driftsoppgåver.
Me søkjer ein leiar som:
- har motivasjon og evne til å leia og vidareutvikla tenesta og eit personale med sjølvstendige og kompetente medarbeidar.
- er resultat- og utviklingsorientert, legg vekt på kvalitetssikring og har evne til å nå dei måla du har sett deg.
- ser samanheng og løysningar på tvers av tradisjonelle fag, avdeling og kommunegrenser, er truverdig, engasjert og gjer relevante val.
- kommuniserer tydeleg, arbeider strukturert og sjølvstendig, tar avgjerd og føl opp.
- har godt humør, gode samarbeidsevner og veit korleis ein skal byggja god organisasjonskultur.
- er positiv, initiativrik, strukturert og etisk reflektert.
- har god kompetanse på gjeldande lover og forskrifter.
Kvalifikasjonskrav:
- Søkaren bør ha sosialfagleg utdanning, men anna relevant utdanning på universitets- eller høgskulenivå kan og bli vurdert.
- Det vil bli lagt vekt på erfaring innanfor barnevernsområde, leiarutdanning og /eller leiarerfaring samt økonomisk kompetanse/forståing.
- I tillegg til formell kompetanse og erfaring vil ein og leggja vekt på personelg eignaheit til stillinga.
- Den som vert tilsett må legga fram politiattest.
Me kan tilby:
- Spanande og utfordrande arbeidsoppgåver i ein kommune i vekst og utvikling
- Positive og dyktige medarbeidarar
- Løn etter avtale og gode pensjonsvilkår
- Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.
- Løns- og arbeidsvilkår i samsvar med kommunalt avtaleverk
Offentlig tenestepensjon i KLP - Kort fortalt
Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjaren vert varsla dersom ynskje om reservasjon ikkje vert teke til fylgje.
Nærare opplysningar får ein ved å venda seg til fungerande rådmann Mariann Jacobsen Hilt, mail Mariann.Jacobsen.Hilt@stord.kommune.no tlf. 414 16 503 eller personal- og organisasjonssjef Siren Eldøy Hinderaker, mail Siren.Eldoy.Hinderaker@stord.kommune.no tlf. 922 20 894
Om bedriften
Stord kommune er ein industrikommune i Hordaland med ca. 19 000 innbyggjarar. Det er stor og variert aktivitet både i arbeidsliv og for fritid. Me har eit rikt kulturliv og det er gode vilkår for idretts- og friluftsliv. Her er flott natur med skog, sjø, vatn og fjell som ligg nær til for trivlege opplevingar og aktivitetar ute. Det er god kommunikasjon til Haugesund, Stavanger og Bergen. Barnehagar og skuleverket har god kvalitet. Me har m.a. vidaregåande skular, allmenn- og førskulelærar-, sjukepleiar- og ingeniørutdanning. Stord sjukehus er lokalsjukehuset for 50000 innbyggjarar i regionen Sunnhordland.