Underdirektør i Seksjon for kompetanse, forsking og innovasjon i Spesialisthelsetenesteavdelinga
Om avdelinga og seksjonen
Spesialisthelsetenesteavdelinga har ansvar for innhald, styring og oppfølging av spesialisthelsetenesta. Ansvarsområda som er lagt til Seksjon for kompetanse, forsking og innovasjon er forsking, innovasjon og næringsutvikling, utvikling og innføring av nye metodar, utdanning og kompetanseutvikling, nasjonale tenester, pasienttryggleik, og nasjonale kvalitetsregister. Seksjonen er med i internasjonalt samarbeid på fagområda.
Om stillinga
Seksjon for kompetanse, forsking og innovasjon skal vere med og stø opp om kunnskaps- og kompetanseutvikling og innovasjon i spesialisthelsetenesta for å bidra til trygge, kostnadseffektive tenester av god kvalitet. Det er ønskjeleg å auke koplinga og synergien i arbeidet departementet gjer med forsking, innovasjon og kompetanseutvikling/utdanning for å møte samfunnsutfordringane innanfor helse.
Arbeidsoppgåver
- Vere fast vara for avdelingsdirektør.
- Bidra til god forvalting, politikkutforming og gjennomføring av oppgåver innanfor breidda av ansvarsområda i seksjonen.
- Bidra til at drifts- og utviklingsoppgåvene i seksjonen blir godt løyste.
- Bidra til intern koordinering og samarbeid innanfor ansvarsområda i seksjonen.
- Vere ein trygg støttespelar for leiar og medarbeidarane i seksjonen.
- Ta initiativ, identifisere utfordringar og arbeide sjølvstendig med oppgåver innanfor utvalde fagområde, m.a. persontilpassa medisin, helsenæring og internasjonalt helsesamarbeid, inkludert EU sitt nye helseprogram EU4Health og helseberedskap.
- Samarbeid med andre departement om forskings-, innovasjons- og næringspolitiske spørsmål på helseområdet, medrekna mogeleggjerande teknologiar, kunstig intelligens og forskingsetikk.
Kvalifikasjonar og eigenskapar
Kvalifikasjonar:
- Høgare utdanning på minimum masternivå innan samfunnsvitskap, helst statsvitskap.
- Minst 8 år relevant yrkeserfaring, helst frå offentleg sektor og gjerne departement.
- God kunnskap om offentleg forvalting.
- Kjennskap til ansvarsområda helse- og omsorgsdepartementet har og så spesialisthelsetenesta blir tillagt vekt.
- God forståing av samspelet mellom politikk og forvalting.
- God fagkompetanse på ansvarsområda stillinga har.
- God digital kompetanse.
- Koordineringserfaring blir tillagt vekt.
- God munnleg og skriftlig framstillingsevne på norsk og engelsk.
Personlege eigenskapar:
- Gode samarbeidsevner og evne til relasjonsbygging.
- Leveringsfør, fleksibel og strukturert person.
- Evne til strategisk tenking.
- God vurderingsevne.
- Evne til raskt å setje deg inn i saksområde og arbeide under tidspress.
- Du må vere trygg i rolla som vara for leiarar.
- Er ein raus og omgjengeleg person.
- Evne til å ta initiativ.
- Vi legg særleg vekt på om du høver som person.
Vi tilbyr
- 100 % fast stilling.
- Sjølvstendige og varierte arbeidsoppgåver.
- Spennande arbeidsområde med gode høve til utvikling.
- Eit godt arbeidsmiljø med kompetente, engasjerte og trivelege kollegaer.
- Vi har 5 veker ferie, fleksitidordning og gode velferdsordningar.
Les meir om å jobbe hos HOD her: Jobbe i Helse- og omsorgsdepartementet
Vi er underlagde lov- og avtaleverk som sikrar dei tilsette ryddige arbeids- og tenesteforhold.
Løn:
Kr 760 000 – 840 000 avhengig av kvalifikasjonar og erfaring.
2 % innskot til Statens pensjonskasse blir trekt frå løna. Medlemskapen er ei av dei beste pensjonsordningane i landet, med gunstig bustadlån og gode forsikringsordningar.
Vil du vite meir?
Synes du dette høyrest interessant ut og ønskjer nærare informasjon, kan du ta kontakt med:
Avdelingsdirektør Maiken Engelstad
Telefon: 22 24 83 88 eller 98013410
Mangfold og inkludering i Helse- og omsorgsdepartementet
Vi er opptekne av mangfald, og meiner inkludering og mangfald er ein styrke. Vi ønskjer å vere ein arbeidsstad som speglar folket, og vi ønskjer medarbeidarar med ulike kompetansar, fagkombinasjonar, livserfaring og perspektiv for å medverke til endå betre oppgåveløysing. Vi oppmodar derfor alle kvalifiserte kandidatar til å søkje.
Vi har eit personalpolitisk mål om å inkludere personar med nedsett funksjonsevne og personar som har stått utanfor arbeid eller utdanning i lengre tid, og vi legg til rette arbeidstilhøva om det trengst.
Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.
For å bli vurdert som søkjar i desse gruppene, det vil seie positivt særhandsama på denne måten, må søkjarane oppfylle visse krav. Les meir om krava på Arbeidsgjevarportalen
Vi oppmodar deg til å krysse av i jobbportalen dersom du har funksjonsnedsetjing, hol i CV-en eller innvandrarbakgrunn. Avkryssinga i jobbsøkjarportalen gjer grunnlag for anonymisert statistikk som alle statlege verksemder rapporterer i sine årsrapportar.
Slik søkjer du
Send søknad elektronisk via lenka "Søk stillinga" nedst på sida til JobbNorge.no.
Legg ved vitnemål og eventuelle attestar, og legg inn opplysningar til din CV.
Alle dine personopplysningar vert tatt vare på i samsvar med GDPR.
Unntak fra offentlig søkerliste
I samsvar med offentleglova § 25 gjer vi merksam på at opplysningar om søkjaren kan bli offentleggjort sjølv om søkjaren har bede om ikkje å bli ført opp på søkjarlista.
Om bedriften
Om Helse- og omsorgsdepartementet
Helse- og omsorgsdepartementet (HOD) har det overordna ansvaret for at folk får gode og likeverdige helse- og omsorgstenester. Departementet har ansvar for folkehelsepolitikken og primærhelse- og spesialisthelsetenesta, medrekna e-helse, helserett og eigarskapsforvaltning av helseføretaka.
Departementet har 220 tilsette.
Les meir om oss på regjeringa.no.