100% vikariat som spesialpedagog i Rabben barnehage

Stillinga er ledig i perioden 01.01.26 - 31.12.26 med moglegheit for fast stilling etter årsvikariatet er over.

Ved intern tilsetting kan det bli ledig stilling som barnehagelærar.

Rabben barnehage er ein 5 avdelings barnehage med 70 barn/96 plassar, som ligg på Eide i Odda, nær den vidaregåande skulen, ungdomsskule og Odda stadion. Hovden naturområde ligg like ved. Barna skal oppleva tryggleik, trivsel, glede, leik, fellesskap, meistring og læring i barnehagen vår!

Me nyttar heile nærområdet vårt som ein del av barnehagetilbodet. Barnehagen har mange faste turplassar og områder som vi brukar til leik, læring og kunnskapsbygging om byen og naturen vår.

Spesialpedagogstillingane i Ullensvang kommune er organisert direkte inn i barnehagane, og barnehagestyrar er spesialpedagogen sin leiar.

• Ansvar for planlegging og utøving av spesialpedagogisk hjelp til førskulebarn 

• Utarbeida individuell utviklingsplan og årsrapport

• Rettleiing av foreldre og tilsette i barnehagen

• Samarbeida med andre faginstansar og delta i ansvarsgrupper

• Bidra til god kvalitet i det allmennpedagogiske og spesialpedagogiske arbeidet i barnehagen gjennom tidleg innsats, kompetansedeling og rettleiing. 

• Samarbeid og deltakelse i nettverk med dei andre spesialpedagogane i kommunen

 
Kompetanse:

• Barnehagelærar med 30 stp i spesialpedagogikk eller

• Spesialpedagog med 180 studiepoeng

• God norsk evne og kunnskap, minimum nivå B2 

Vi ynskjer oss ein spesialpedagog som er engasjert på vegne av barna. Du likar å samarbeide med andre, har evne til å skape gode relasjoner, jobbe systematisk, sjølvstendig og ta ansvar. Du er opptatt av kvalitet i barnehagen og ynskjer å utvikle deg faglig. I tillegg er du digitalt kompetent og oppdatert og ynskjer å bidra og vere ein pådrivar til eit godt arbeidmiljø.

Dersom me ikkje får kvalifiserte søkjarar vil midlertidig dispensasjon til utdanningskravet verta vurdert jf. Lov om barnehage.

Krav:

• Politiattest, ikkje eldre enn 3 mnd

• Godkjend tuberkulinstatus

Er du den vi søkjer?

Vi ser fram til å høyre frå deg!

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.

For å gjera unntak må kommunen ha heimel i lova og vurdera konkret i kvar sak kva som er grunnen til unntaket.  

I følgje offentleglova § 25 vert det stilt følgjande krav for å få unntak: 

"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Arbeidsavtalar i Ullensvang kommune:

Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/