Bringedalsbygda barnehage - Barnehagelærar 100% fast
Omtale av stillinga
Bringedalsbygda barnehage har hausten av ledig stilling som barnehagelærar, 100% fast stilling.
Bringedalsbygda barnehage er ein to-avdelingsbarnehage med plass til 38 barn. Vi held til i same bygg som skulen i bygda, med ei småbarnsavdeling og ei stor avdeling. Vi ser kor viktig det er for dei yngste borna å ha ei lita trygg gruppe som dei veks sakte, men sikkert ut av og inn i den store gruppa. Begge avdelingar har tilpassa tilbodet til barnegruppa etter interesser, alder og modning.
Vi jobbar med: Vera saman - kompetanseløft i barnehagen.
Fem kjerneverdiar:
- Vaksenstilen
- Tidleg innsats
- Kommunikasjon og samspel
- Handtering av utfordrande åtferd
- Implementering og organisasjonsutvikling
Språk og realfag er nasjonale satsingsområde som høver godt inn i det daglege livet i vår barnehage. Barna får begge fagområda tilpassa sine behov og ynskjer. Dei er med å påverke innhaldet i kvardagen sin på ein positiv måte.
Vi brukar heile bygda vår som ein del av barnehagtilbodet. Barnehagen har mange faste turplassar og område som vi brukar til leik, læring og kunnskapbygging om bygda og naturen vår. Vår tanke er at barnehagen er så langt barna klarar å gå til!
Vi vaksne jobbar etter visjonen: «Vår barnehage ynskjer varme og grensesettande vaksne med relasjonar som skapar trygge og nysgjerrige barn».
Arbeidsoppgåver
- Ansvar for det pedagogiske arbeidet på avdelinga i nært samarbeid med pedagogisk leiar
- Arbeida målretta i samsvar med Lov om barnehager med forskrifter
- Utviklingsarbeid i samsvar med overordna planar
- Samarbeid med foreldre/føresette og andre samarbeidspartnarar
- Inspirera, motivera og rettleia assistentar/fagarbeidarar
Kvalifikasjonar
Godkjent barnehagelærarutdanning (førskulelærarutdanning)
Personlege eigenskapar
- Er tydeleg og konsekvent som vaksen ovanfor barn og unge
- Er sjølvstendig, lærevillig og utviklingsorientert
- Bør ha gode samarbeidsevner, er positiv og møter kollegaer, barn, foreldre/føresette med respekt og forståing
- Er positiv, lojal og bidreg til eit godt arbeidsmiljø
- Generell god helse
Personlege eigenskapar vert vektlagt ved tilsetjing.
Vi tilbyr
- Tilsetjing skjer etter gjeldande vilkår for kommunale arbeidstakarar i samsvar med HTA og AML
- Pensjonsordning, ulykkes- og gruppelivsforsikring gjennom KLP
- Kvinnherad kommune er ei IA-verksemd
- Gode arbeidstilhøve i eit godt arbeidsmiljø
- Dekning av flytteutgifter etter nærare reglar
Det er krav om gyldig politiattest før du tiltrer i stillinga. Kravet er heimla i lov om barnevern § 6.10, opplæringslova § 10.9, lov om barnehagar § 19, Helsepersonellova § 20 og helse- og omsorgstjenesteloven § 5-4.
Link til søknadsskjema: Send søknad