Konsulent
Org.nr.:920290922 Stillingsident: Presentasjon av stillingen :
Kort om stillinga
Vi har for tida ledig 100% fast stilling som konsulent på dokumentsenteret med oppgåver knytt til dagleg dokumentforvaltning som postmottak, journalføring, kvalitetssikring av arkiv samt rettleiing og support for tilsette i bruk av sak-/arkivsystemet Acos websak.
Om dokumentsenteret
Dokumentsenter i Alver er felles sentralt postmottak og arkiv for dei fleste tenesteområde i Alver kommune. Dokumentsenteret jobbar fortløpande med mottak, kontroll og bevaring av arkivverdig dokumentasjon, både det som kjem inn i papir og det som kjem inn via digitale kanalar. Vi har også ansvar for å publisere postliste og bistå ved førespurnad om innsyn. Dokumentsenteret er organisert i avdelinga innbyggjarservice og dokumentsenter i sektor HR og utvikling og har kontor på Frekhaug kommunehus.
Arbeidsoppgåver
Som konsulent på dokumentsenteret vert du del av eit team med dyktige medarbeidarar som har ansvar for å sikre dokumentforvaltninga for alle fagområde i Alver kommune. Daglege arbeidsoppgåver vert handtering av postmottak, journalføring, kvalitetssikring av arkiv, support og rettleiing av brukarar av sak-/arkivsystemet.
Kompetanse
-
Relevant utdanning innan administrative fag.
-
Ønska kompetanse og erfaring:
-
Arkivkompetanse og erfaring frå arkivarbeid
-
God kjennskap til offentleg forvaltning
-
Gode digitale ferdigheiter
-
Erfaring frå arbeid som systemansvarleg eller superbrukar
-
Relevant erfaring kan kompensera for manglande utdanning.
Som konsulent ved dokumentsenteret er det viktig at du har evne og vilje til å arbeide systematisk og strukturert. Då avdelinga driv utstrakt støtte, råd og rettleiing til resten av organisasjonen ønskjer vi ein person til stillinga som er imøtekommande og serviceinnstilt i ein travel kvardag.
Slik søker du
Trykk knappen "send søknad". Dess meir du fyller ut, dess betre vert du sjåande ut på søkjarlista. Dersom du har behov for hjelp med registrering av søknad, kontakt innbyggjarservice på 56 37 50 00.
Link til søknadsskjema: Send søknad For mer informasjon kontakt: , Anne Dahle Austrheim, Tlf: +47 97774630, Epost: anne.dahle.austrheim@alver.kommune.no
Om bedriften
Alver kommune er ein heilt ny kommune! Vi er ein av dei største kommunane i fylket med om lag 30.000 innbyggjarar og 2.650 tilsette. Kommunen ligg nord for Bergen, og har ein spennande og variert natur med alt frå lune fjordar og opne hav til høge fjellområde og lokale toppar. Vi har verdas beste korps og eit rikt kulturliv.
For å løyse og utvikle oppgåvene til kommunen vår treng vi engasjerte og kompetente medarbeidarar, som opplever at oppgåvene og bidraget deira er meiningsfylte og del av eit viktig samfunnsoppdrag.