Sokneprest i Søre Sunnmøre prosti, i Sande og Gursken sokn.
Stillingsannonsen er inaktiv.Møre bispedømme.
6084 Larsnes
Org. nr: - Stillingsident: 4343420490 Presentasjon av stillingen:
Det er ledig stilling som sokneprest i Søre Sunnmøre prosti, med særskilt teneste i sokna Sande og Gursken i Sande kommune. Sande er ei av sju kommunar i Søre Sunnmøre prosti. Dei andre kommunane i prostiet er Hareid, Ulstein, Herøy, Vanylven, Ørsta og Volda.
I Sande er det to sokn, Gursken og Sande som har ei prøveordning med felles sokneråd. Saman med kommunal representant (ordførar) utgjer soknerådet også Sande kyrkjelege fellesråd. Det er fire gudstenestestader: Sande kyrkje på Sandsøya, «Nova» kapell på Kvamsøya, Gursken kyrkje og Larsnes kyrkje. Kyrkjekontoret er i Larsnes kyrkje og den lokale staben består av sokneprest, kyrkjeverje/dagleg leiar, kantor, trusopplærer og kyrkjetenarar.
Prostiet er tenestedistrikt og beredskapsområde. Det er til saman 20 sokn i prostiet, og om lag 44 500 medlemmar i DNK. Prestane i prostiet møtest regelmessig til kollega- og fagsamlingar. Administrasjonen er samlokalisert med kyrkjekontoret i Volda sentrum.
Folk i Sande er glade i kyrkja si og det viser att i mange tiltak og prosjekt. Soknet driv eit godt og målretta trusopplæringsarbeid med mange frivillige. Dåpsprosenten er over 100% og dei fleste vel kyrkjeleg konfirmasjon. Konfirmantarbeidet vert organisert og planlagt av prest og trusopplærar i samarbeid, og undervisninga gjennomført med hjelp frå vaksenleiarar og foreldre. Gudstenestelivet er variert og frammøtetalet er relativt høgt. Kyrkjeforeiningane er aktive og bidreg både økonomisk og med positivitet til det kyrkjelege arbeidet.
Vi søkjer etter ein prest som vil vere med oss i ei engasjert og opa folkekyrkje «utanfor allfarveg».
Du kan finne filmar frå alle kyrkjene i Sande på youtube, eller lese om aktivitetane våre på sande.kyrkja.no eller på Facebook-sida «Kyrkjene i Sande».
Vi ønsker helst elektroniske søknadar med CV, vitnemål og referansar via vårt elektroniske system, Webcruiter. Søkjarar som ikkje ønskjer namnet sitt offentleggjort, må grunngje dette, jf. Offentleglova § 25.
Arbeidsoppgåver
- Soknepresten skal i tråd med "Tjenesteordning for menighetsprester" forvalte Ord og sakrament slik at kristen tru og liv blir fremja i kyrkjelyden.
- Gudstenester, tenesteveker og beredskapsveker som blir fordelte etter oppsett arbeidsplan. Sande og Gursken sokn har avtale med Vanylven, slik at 30% av ei stilling der går til å dekke opp ferie og fritid for soknepresten.
- Ta del i trus- og konfirmantopplæring, sjelesorg og andaktar på sjuke- og aldersheimen, med diakonalt arbeid og anna kyrkjelydsaktivitet.
- Alle prestar i prostiet går inn i felles beredskapsordning etter oppsett arbeidsplan
- Endring av tenestestad eller oppgåver kan takast opp til vurdering dersom det skulle bli aktuelt, jf. Tjenesteordning for prester §9.
Kvalifikasjonar
- Vi søkjer etter prest med lyst og evne til å utøve pastoralt leiarskap, men som også ønskjer å samarbeide kollegialt og tverrfagleg. Du må kunne arbeide med struktur og planlegging og like å samarbeide med stab, frivillige, sokneråd og fellesråd om planar og visjonar.
- Dei formelle kvalifikasjonskrava for tilsetjing som kyrkjelydsprest er å finne i "Forskrift om tilsetting av kyrkjelydsprest".
- Søkjarar som ikkje er ordinerte, vert bedne om å gjere greie for tilhøvet til programmet "Veien til prestetjeneste"" (VTP). Ordinasjon føreset normalt fullført VTP.
- For ordinert søkjar som er statsborgar i anna EØS-land er det krav om attest som viser autorisasjon til presteteneste i Den norske kyrkja, gjeve av Kyrkjerådet, krav om medlemskap i Den norske kyrkja og krav om å beherske norsk språk, jfr Forskrift om tilsetting av menighetsprest §6.
- Søkjer må opplyse om han/ho beherskar begge målformer. Målforma i området er nynorsk.
- Den som får tilbod om stillinga må legge fram barneombodsattest (politiattest), jfr Lov om Tros - og Livssynssamfunn §20
- For å bli tilsett må ein ha sertifikat og kunne disponere eigen bil. Larsnes prestegard (OVF) er i gangavstand frå kontoret, og kan vere aktuell som bustad dersom det er ønskjeleg. Fellesrådet og kommunen vil elles hjelpe til med å skaffe bustad.
- Med heimel i Likestillings- og diskrimineringslova § 30-2 vert opplysningar om samlivsform innhenta og kan bli vektlagt.
- Det er innført prøvetid på 6 månader for alle faste tilsette.
- Møre bispedøme arbeider for å oppnå ei balansert alders- og kjønnssamansetjing og ynskjer å legge til rette for menneske med redusert funksjonsevne.
Personlege eigenskapar
- Ei engasjert forkynning som kommuniserer med kyrkjelyden
- Gode leiar- og samarbeidseigenskapar både med ungdom, frivillige og andre tilsette.
- Godt strategisk blikk og fokus på å vere kyrkje for breidda av medlemmane i Den norske kyrkja.
- Evne til å inspirere og dyrke fram engasjement.
Vi tilbyr
- Fellesskap i eit ungt kollegium.
- Kontorfellesskap består av sokneprest, kyrkjeverje/dagleg leiar, kantor, trusopplærar og kyrkjetenar.
- Løn etter hovudtariffavtalen for Den norske kyrkje, lønnsgruppe 1555. Innskot i Statens pensjonskasse.
- Godtgjersler og tilskot etter dei vilkår som til kvar tid er fastsette.
- Gode vilkår for kompetanseutvikling, arbeidsvegleiing (ABV) og andre former for vegleiing.
- Godt samarbeid mellom dei tilsette i prostiet.
Den som vert tilsett, må rette seg etter endringar i lover, tariffavtalar, særavtalar, reglement m.v og andre avgjerder som kan ha verknad på gjeremåla i tenesta.
Kontaktinformasjon
Lars Skagestad, Rådgjevar, 90986353, ls273@kirken.no
Ingeborg Matre, Prost, 488 94 197
Arbeidsstad
6084
Søk på stillinga:Klikk her
Nøkkelinformasjon:
Arbeidsgivar:Den norske kirke
Referansenr.:4343420490
Stillingsprosent: 100%
Fast
Søknadsfrist: 24.03.2021
Om arbeidsgiveren
Arbeidsgiver
Møre bispedømme.
Adresse
6087 Kvamsøy
Sande kommune er ei øykommune med om lag 2500 innbyggjarar busett på øyane Gurskøy, Sandsøy og Kvamsøy. Kommunesenteret er Larsnes, og det går ferje frå Larsnes til dei ytre øyane 10 gongar dagleg. Det er full barnehagedekning, tre barneskular og to ungdomsskular i kommuna, vidaregåande skular er det i nabokommunane. Arbeidsplassar er i stor grad knytta til marin og maritim næring, og verftsindustrien har ei stor gruppe av utanlandsk arbeidskraft frå Polen, Romania og Baltikum.
Sande kommune er rik på kultur, med kor og korps som har nære band til lokalkyrkja. Idrettslaga har tilbod innan all-idrett, turn, e-sport og fotball. Sande kulturskule har gode tilbod innan dans, song og fleire ulike instrument. I kommuna er det aktive soge- og kulturlag, og dugnadsånda viser att i det populære Arthurspelet. Sande har elles rike høve for både fotturar i fjellet og fisketurar på sjøen.
Kommunikasjonsmessig er det 30 minutt med bil til Ulsteinvik, og gjennom ein undersjøisk tunnel når ein Ørsta og Volda på 45 minutt. Til Ålesund og Vigra flyplass er det 90 minutt med bil og ferje/hurtigbåt.
Om stillingen
Antall stillinger
1
Heltid/deltid
Heltid
Sektor
Ikke oppgitt
Sist endret: 24. mars 2021
Hentet fra: webcruiter
Referanse: 4343420490_Møre bispedømme._webcruiter
Stillingsnummer: 639675a4-dcc1-4955-9bbb-3291dd2523a7