Ingeniør innan kart, oppmåling, geodata, GIS 2x100% fast
Omtale av stillinga
Seksjon forvaltning har oppgåver med mellom anna kart og oppmåling.
Vi søkjer høgskuleutdanna ingeniør innan kart, geodata og GIS, gjerne nyutdanna. Særleg kvalifiserte søkjarar med anna utdanning og lang røynsle vil også verta vurderte. Gjennomført matrikkelkurs hos Statens kartverk vil vera ein fordel.
Arbeidsoppgåver vil i utgangspunktet vera knytt til gjennomføring av oppmålingsforretningar, men andre relevante
arbeidsoppgåver innan kart- og arealforvaltning vil også vera aktuelt.
Vi lyser etter inntil to stillingar. Stillingane er fast 100 % med oppstart så snart som mogleg.
Hovudarbeidsoppgåver for stillinga
- Sakshandsaming etter matrikkellova, seksjoneringslova, tinglysingslova, plan- og bygningslova, med meir
- Sakshandsaming av delingssaker, arealoverføringar mm
- Oppmålingsforretningar etter matrikkellova og føring i matrikkelen
- Ajourhald av kartbasar
- Rettleiing til publikum og utbyggingsfirma
Våre forventningar til søkjar
- Høgare utdanning på høgskulenivå innan oppmåling, geodata og GIS.
- Gode kunnskapar innan tingsrett
- Gode datakunnskap og erfaring med GISLine eller tilsvarande
- Kjennskap til relevant regelverk
- Relevant arbeidserfaring
- Er samarbeidsvillig, fleksibel og kommuniserer godt
- Er eigna til å arbeida effektivt, sjølvstendig, målretta og strukturert
- Har god skriftleg og munnleg framstillingsevne
Relevant arbeidserfaring kan kompensera for manglande kompetanse, på same måte som at relevant utdanning og teknisk kunnskap kan kompensera for manglande arbeidserfaring.
Søkjar må ha førarkort for bil.
Det er og ynskjeleg med kunnskap og ferdigheiter innan bruk og utvikling av digitale verktøy.
Vi vil leggje stor vekt på personlege eigenskapar ved tilsetjing. Dette fordi det er mykje kundekontakt
Vi tilbyr
Tilsetjing skjer etter gjeldande vilkår for kommunale arbeidstakarar i samsvar med HTA og AML.
Pensjonsordning, ulykkes- og gruppelivsforsikring gjennom KLP.
Kvinnherad kommune er ei IA-verksemd.
Gode arbeidstilhøve i eit godt arbeidsmiljø.
Dekning av flytteutgifter etter nærare reglar.
Utfordrande og varierte arbeidsoppgåver
Søknad vert å senda
Kvinnherad kommune oppfordrar til å søkja elektronisk (godkjende vitnemål og attester tar ein med på evt. intervju). Normalt vil søkjar sitt namn bli offentlegjort i postjournal og offentleg søkjarliste. Dersom du ønskjer at søknaden ikkje skal verte offentleggjort må du grunngje dette. Vi gjer merksam på at opplysningar om søkjarane likevel kan verta offentleggjorde, jf. Offentleglova § 25. Du vil då verte varsla om dette på førehand slik at du har høve til å trekkje søknaden din.
Innsendte vitnemål og attestar blir ikkje returnert.
Om bedriften
Kvinnherad kommune har 13.100 innbyggjarar.Kommunen ligg i Sunnhordland, mellom Bergen, Haugesund og Odda. Rosendal er administrativt senter, Husnes er største tettstaden og har vidaregåande skule og handelssenter. Kvinnherad har eit mangfaldig kulturliv. Sjø, skjærgard, fjell og bre gjev naturtilhøve for friluftsliv heile året.