Politisk sekretær
Org. nr: 939461450 Stillingsident: 4407484491 Presentasjon av stillingen:
Ørsta kommune har ledig ei spanande og allsidig stilling som politisk sekretær. Stillinga tilhøyrer kommunedirektøren sin stab. Vi tilbyr deg ein utfordrande, allsidig og lærerik arbeidskvardag.
Arbeidsoppgåver
Vi søkjer etter ein positiv, utadvent og initiativrik person med kjennskap til kommunal sektor. Du må ha gode evner til å arbeide sjølvstendig, men det vert også stilt store krav til at du skal kunne kommunisere og samarbeide med mange. Du må vere strukturert og målretta. God digital kompetanse er viktig. Du må ha god skriftleg og munnleg framstillingsevne og målforma er nynorsk. I samband med politiske møte må du av og til rekne med arbeidstid utover normalarbeidstid.
Oppgåver for stillinga vil mellom anna vere:
- Møtesekretær
- Sakshandsaming for ordførar og utvala
- Sekretariat for ordførar og kommunedirektør
- Sekretær for ulike råd og utval i kommunen
- Praktisk tilrettelegging av møte
- Andre oppgåver som vert lagt til stillinga
Kvalifikasjonar
Relevant utdanning og praksis
Personlege eigenskapar
- Gode kommunikasjonsevner munnleg og skriftleg
- Gode samarbeidsevner og er løysingsfokusert
- Arbeide målretta, systematisk og sjølvstendig
- Strukturert og fleksibel
- God digital kompetanse
Vi tilbyr
- Eit godt arbeidsmiljø
- Varierte arbeidsoppgåver og ein spennande kvardag
- Kommunen har gode pensjons- og forsikringsordningar for tilsette i KLP
Stillinga er plassert i HTA kap. 4GR. 1.2 Fagarbeidarstilling
Stillingskode 6559 konsulent
Tilsetjing i samsvar med gjeldande lov-, forskrift og avtaleverk.
I vurderinga av søkjarane vil det verte lagt til grunn ei heilskapsvurdering, der personlege eigenskapar vil verte tillagt stor vekt.
Dokumentasjon
Framlegging av vitnemål og attestar saman med søknaden er ein føresetnad for best mogleg sakshandsaming.
Referansar vert nytta og aktuelle søkjarar kan verte kalla inn til intervju. Ved intervju og ved tilsetjing skal det leggjast fram dokumentasjon av vitnemål og attestar.
Om offentleg søkjarliste
I samsvar med offentleglova § 25, kan opplysningar om søkjaren unnatakast offentleg søkjarliste, dersom søkjaren sjølv oppmodar om dette. Den som ønskjer at namnet skal vere unnateke offentleg søkjarliste må grunngje dette. Søkjaren sine behov vil verte vurdert konkret opp mot omsynet til offentleg interesse og kravet om ålment innsyn. Elles vil oppmodinga verte vurdert i høve prinsippet om meirinnsyn på vanleg måte. Dersom kommunen meiner at det ikkje er grunnlag for fritak, vil søkjaren verte kontakta og få tilbod om å trekkje søknaden før endeleg søkjarliste vert laga.
Kontaktinformasjon
Eldar Rune Øye, Ass. kommunedirektør, 934 39 790, eldar.oye@orsta.kommune.no
Arbeidsstad
Dalevegen 6
6153 Ørsta
Søk på stillinga:Klikk her
Nøkkelinformasjon:
Arbeidsgivar:Ørsta kommune
Referansenr.:4407484491
Stillingsprosent: 100%
Fast
Søknadsfrist: 01.08.2021
Om bedriften
Ørsta kommune er med om lag 10 900 innbyggjarar den 5. største kommunen i Møre og Romsdal. Kommunen har ein variert arbeidsmarknad og næringsliv med mange kompetansearbeidsplassar. Den gode geografiske plasseringa vår i lina mellom Eiksundsambandet og Kvivsvegen gjev også kort veg til anna næringsliv i regionen Søre Sunnmøre/Nordfjord, og til utdanningstilbod i Ørsta og Volda. Kommunen har gode kommunikasjonar. Frå flyplassen har vi fleire daglege direkteruter til Oslo og Bergen.
Arbeidet vårt byggjer på kommunen sine verdiar:
Tillit - gjennom gjensidig respekt, forståing og likeverd
Energi - gjennom entusiasme, inkludering og humor og glede
Løysingsvilje - gjennom lagånd, tydelege mål og meiningsfylte oppgåver
Utvikling - gjennom medverknad, tilbakemelding og verdsetjing av kunnskap