Arkiivaráđđeaddi/-seniorráđđeaddi
Virggi birra
Arkiivvas lea guovddáš rolla Sámi allaskuvlla hálddahuslaš vuogádagas ja mii ohcat dál veahkkás, čorgadis, iešheanalaš ja systemáhtalaš olbmo bistevaš virgái arkiivaráđđeaddin/ -seniorráđđeaddin.
Arkiiva gullá Sámi allaskuvlla bargiidossodahkii ja virggehas raportere bargiidhovdii. Arkiivvas leat oktiibuot guokte ollesáiggi bargi. Bargiin lea lagas ovttasbargu IT- ja doaibmaossodaga bargiiguin ja muđui ásahusa ossodagain. Sámi allaskuvla geavaha Public360 arkiiva- ja áššemeannudanvuogádahkan.
Bargoviidodat virggis
- Doaibmat arkiiva ja dokumeanttahálddašeami bargguid fágalaš jođiheaddjin. Earet eará koordineret, plánet ja doaimmahit arkiivafágalaš bargguid.
- Ovddasvástádus hábmet arkiivasuorgái siskkáldas bearráigeahču, rutiinnaid ja prosedyraid láhkagáibádusaid siskkobealde.
- Raporteret, evalueret ja ovdánahttit ásahusa arkiiva- ja áššemeannudanvuogádaga, nu go omd. digitaliserenovdánahttimiid čađahit ja implementeret rievdadusaid ásahussii.
- Geavaheddjiid/áššemeannudeddjiid oahpahallat ja bagadallat.
- Beaivválaš doaimmat, poastaregistreren, áššemeannudeapmi, dokumeanttaarkiveren jna.
- Eará doaimmat maid lagamus hoavda bidjá.
Virggi sajádat organisašuvnnas ja bargoviidodat sáhttá rievdat organisašuvdnanuppástuhttimiid geažil.
Gelbbolašvuođagáibádusat
- Arkiivafágalaš dahje eará relevánta oahppu universitehta dahje allaskuvlla dásis mii unnimusat vástida bachelorgráda. Relevánta reálagelbbolašvuohta sáhttá buhttet oahppogáibádusa.
- Relevánta bargovásáhus.
- Hárjáneapmi elektrovnnalaš arkiiva- ja áššemeannudanvuogádagain.
- Máhttá arkiivarelevánta lágaid ja láhkaásahusaid
- Nanu DGT-gelbbolašvuohta
Relevántta bargovásáhus almmolaš suorggis lea ovdamunni.
Persovnnalaš heivvolašvuohta deattuhuvvo. Mii ohcat du geas lea beroštupmi arkiivafágalašbargguide ja dokumeanttahálddašeapmái. Don válddát initiatiivva ja nákcet bargat iešheanalaččat. Dus lea stuora čađahannákca ja leat dárkil ja gávnnat čovdosiid. Dus leat buorit ovttasbargoattáldagat ja leat veahkkái
Son guhte virgáibiddjo ferte čuovvut daid lágaid, njuolggadusaid ja šiehtadusaid mat áiggis áigái gustojit virgái.
Virgái gáibiduvvo buorre máhttu sámegielas ja ovtta skandinávagielas, sihke njálmmálaš ja čálalaš. Lassin ferte virggehas maid hálddašit eŋgelasgiela.
Mii fállat
- Buori bargobirrasa gos lea stuora fokus alla kvalitehtii ja ovdánahttimii.
- Heivehahttii bargoáiggi ja máŋggabealat čálgofálaldagaid.
- Miellahttuvuođa stáda penšuvdnakássas.
- Vejolašvuođaid fágalaš ovdánahttimii.
Bálká
Virgi bálkáhuvvo oahpu ja ánssu mielde Stáhta bálkáplána 90.500 vuođul, virgekoda 1434 ráđđeaddi dahje 1364 seniorráđđeaddi, ovdalis vásáhusaid ja gelbbolašvuođa vuođul.
Formála lassigelbbolašvuohta sámegielas unnimustá 60 oahppočuoggá bachelordásis lassin dan mii lea biddjon gelbbolašvuođagáibádussan virgealmmuhusas, addá unnimustá guokte bálkáceahki lassin vuođđobálkái vuosttáš geardde virgáibidjamis Sámi allaskuvllas.
Bálkkás gesso 2% geatnegahtton divat Stáda penšuvdnakássii.
Ohcan
Ohcan sáddejuvvo elektrovnnalaččat www.jobbnorge.no bokte, oktan daid dokumentašuvnnaguin:
- CVain
- Bargo- ja oahppoduođaštusaiguin
Bivdit du maiddái almmuhit unnimusat guokte referánsa. Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: kundeservice@jobbnorge.no dahje riŋget telefovdnii: 75 54 22 20.
Ohcanáigemearri: 03.11.21
Oppalaččat
Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris.
Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis. Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii. Ávžžuhit ohcciid merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš. Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain.
Sámi allaskuvla lea IA-ásahus ja deattuha bargodili heiveheami ovttaskas bargái.
Gelbbolaš ohccit sáhttet gohččojuvvojit bargojearahallamii.
Dievdoolbmot ávžžuhuvvojit ohcat dásseárvo- ja vealahanlága § 9 ja § 29 vuođul. Jus guovtti dahje eanet ohcciin lea sullii seamma olu gelbbolašvuohta virgái, de vuoruhuvvo dievdoolmmoš ovddabeallai nissonolbmo dásseárvo- ja vealahanlága § 9 vuođul.
Fárrendoarjja máksojuvvo stáhta njuolggadusaid mielde ja Finnmárkkus lea sierra ortnet geahpedit lohkanloana.
Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii.
Virggis lea 6 mánu geahččalanáigi.
Oktavuođadieđut
Eanet dieđuid virggi birra oažžu bargiidhoavddas May Kristin Utsi Vars tlf. +47 78448509 / +47 91385485, e-poasta: maykuv@samas.no
Om bedriften
Sámi allaskuvla
Sámi allaskuvla lea stáda alit oahppo- ja dutkanásahus mii lea Guovdageainnus. Allaskuvllas lea sámi ja eamiálbmot vuolggasadji buot oahpahusas ja dutkamis mas sámegiella, árbevirolaš máhttu ja ođasmahttin leat guovddážis.
Sámi allaskuvllas leat sullii 200 studeantta ja badjelaš 100 bargi. Sámi lohkanguovddáš, mii lea našunála gelbbolašvuođaguovddáš, lea maiddái oassin Sámi allaskuvllas.