Utfordrande stilling som fagsjef Forureining i Miljøavdelinga - seniorrådgivar/senioringeniør
Stillingsannonsen er inaktiv.Fylkesmannen i Vestfold og Telemark
Anton Jenssensgate 4, Statens Park, bygg I, 3103 Tønsberg
Jobbnorge ID: 185649
Om stillinga
Fylkesmannen i Vestfold og Telemark har ledig ei fast stilling som fagsjef for faggruppe Forureining i Miljøavdelinga.
Fagsjefen har ansvaret for oppfølging av oppgåvene til faggruppa. Faggruppe forureining har ansvar for sakshandsaming av søknader om utsleppsløyve etter forureiningslova for mellom anna næringsmiddelindustri , steinindustri, mottaksanlegg for farleg avfall, sorterings- og behandlingsanlegg for avfall, avfallsdeponi, anlegg for kasserte køyretøy, fiskeoppdrett, mudring og dumping og store kommunale avlaupsanlegg med leidningsnett og reinseanlegg. Ei anna stor oppgåve er å sørge for opprydding i forureina grunn og sedimenter ved gamle kommunale avfallsdeponi, skipsverft og utvalde fjordar. Det er og ei omfattande oppgåve å gjennomføre tilsyn med etterleving av gitte løyver og gjeldande føresegner.
Kontorstad for stillinga vil vera Tønsberg.
Arbeidsoppgåver
- Kontakt mot Miljødirektoratet og oppfølging av oppdrag derifrå.
- Fordeling av saker og arbeidsoppgåver innanfor faggruppa.
- Gjennomføre fagmøte og andre samarbeidsaktiviteter internt og eksternt.
- Oppfølging av embetsoppdraget, saksbehandling og restansar.
- Saksbehandling innanfor faggruppa sitt ansvarsområde.
- Ansvar for interne rutinar/prosedyrar.
- Ansvar for fagleg oppdatering på fagområdet som lovverk, rundskriv, faglege rettleiarar og liknande.
- Rapportering innanfor faggruppa sitt ansvarsområde.
- Kvalitetssikre, godkjenne og signere utgåande brev etter delegasjon.
- Delta i møter og koordinering av avdelinga sine oppgåver samen med andre fagsjefar og direktør/ass. direktør.
Kvalifikasjonskrav
- Relevant høgare utdanning på masternivå (teknisk/naturvitenskapeleg).
- God kjennskap til forureiningsregelverket.
- Erfaring frå arbeid med forureining.
- Det er ein fordel med erfaring frå offentleg forvaltning.
- Det er ein fordel med erfaring frå leiing av prosjekt eller teamarbeid.
- Du må kunne uttrykka deg godt både skriftleg og munnleg på norsk. Fylkesmannen nyttar båe målføre.
Personlege eigenskapar
- Strukturert og resultatorientert
- God vurderingsevne og rolleforståing
- Gode samarbeids- og kommunikasjonsevner
- God arbeidskapasitet med effektiv oppgåveløysing
- Evne til å arbeidde sjølvstendig og samstundes leggja til rette for eit sterkt fagmiljø og eit godt arbeidsmiljø i faggruppa.
- Interesse for bygging av faglege nettverk
- Personlege eigenskapar vil bli tillagt stor vekt ved tilsetjing.
Vi tilbyr
- Interessante og utfordrande arbeidsoppgåver i eit triveleg og tverrfagleg arbeidsmiljø.
- Gode sosiale vilkår med fleksibel arbeidstid og pensjonsordningar i Statens pensjonskasse.
- Lønn som seniorrådgivar/senioringeniør, stillingskode 1364/1181, kr 640 000 - 680 000 pr. år, avhengig av kvalifikasjonar og erfaring. For særleg godt kvalifiserte søkjarar kan høgare lønn vurderast.
Det er 6 månaders prøvetid.
Generelle opplysningar
Kontorstad for stillinga vil vera Tønsberg.
Vi tar atterhald om endring av oppgåvene til stillinga. Vi gjer merksam på at opplysningar om søkaren kan bli offentleggjort, sjølv om søkaren har bedt om ikkje å bli oppført på offentleg søkarliste.
Vi er opptatt av at arbeidsstyrken i størst mogleg grad skal spegla mangfaldet i samfunnet. Vi oppfordrar derfor alle kvalifiserte til å søka, uansett kjønn, alder, funksjonsevne eller etnisk bakgrunn. Embetet ønsker å realisera målet til regjeringa knytt til inkluderingsdugnaden om at minst 5% av dei nytilsette i staten skal vera personar med nedsett funksjonsevne eller avbrot i yrkes karrieren.
Du kan få nærare informasjon om stillinga ved førespurnad til: Direktør Elisabet Rui tlf.nr: 33 37 11 78 eller assisterande direktør Grethe Helgås tlf. nr: 33 37 23 09
Vi ber om at søknad, med referansar, vedlagt vitnemål og relevante attestar, blir sende elektronisk via jobbnorge.no.
Søknadsfrist: 30. april 2020.
forurensning
Se annonsen og søk på stillingen www.jobbnorge.no
Om arbeidsgiveren
Arbeidsgiver
Fylkesmannen i Vestfold og Telemark
Adresse
Anton Jenssens gate 4, 3125 Tønsberg
Hjemmeside
Fylkesmannen er staten sin representant i fylket, og har ansvar for å følgje opp vedtak, mål og retningsliner frå Stortinget og regjeringa. Fylkesmannen er eit vitkig bindeledd mellom kommunane og sentrale styresmakter, og er ein viktig rettstryggingsinstans. Vi har arbeidsoppgåver på ei rekke fagfelt, blant anna utdanning og oppvekst, helse og sosial, miljø, landbruk, samfunnssikkerheit og beredskap og kommunal økonomi og forvaltning.
Fylkesmannen i Vestfold og Telemark har ca. 210 medarbeidarar. Vi har kontor i Tønsberg og Skien. Hovudkontoret er lokalisert i Tønsberg.
I 2020 flyttar vi inn i nye lokale i Tønsberg ved jernbanestasjonen.
Om stillingen
Antall stillinger
1
Heltid/deltid
Heltid
Sektor
Ikke oppgitt
Sist endret: 1. mai 2020
Hentet fra: jobbnorge
Referanse: 185649_Fylkesmannen i Vestfold og Telemark_jobbnorge
Stillingsnummer: 5dcc1e6d-177f-43dc-adff-c05711689319