Avdelingsleiar i Bu- og avlastingstenesta
Kort om stillinga
Bu- og avlastingstenesta har ledig stilling som avdelingsleiar. Tenesta har kontor i Lonevåg, og yter tenester til personar i bufellesskap, heime og i avlastingsbustaden. Eininga er ei av dei største i kommunen, med rundt 65 årsverk. Eininga er i kontinuerleg utvikling for å møte dei forventningar og krav som blir stilt innan dagens pleie og omsorgstenester.
Arbeidsoppgåver
Oppgåvene består i å sikre dagleg drift, stillinga har og delegert personalansvar for medarbeidarar i deler av tenesta. Avdelingsleiar arbeider tett saman med dei to andre avdelingsleiarane einingsleiar, fagleiar og fagkoordinatorar. Noverande organisering er ny, og vi arbeider med å finne optimal driftsmodell. Vi nyttar fagsystemet CosDOc, og Visma for personal og turnus.
Du:
- har fokus på å motivera og inspirera kompetente medarbeidarar
- har fokus på systematikk i arbeidet
- kan planleggja og følgja opp kompetansetiltak
- vil lytte til brukarane sine ynskje og ha deira interesse i fokus, legge til rette for mestring
- medverkar til å samordna ressursane i avdelinga slik at dei til ei kvar tid blir best mogleg nytta innanfor økonomisk
ramme og for å nå oppsette mål - har godt humør og er fleksibel
Kompetanse
Minimum treårig helsefagleg høgskuleutdanning er eit krav. Leiarutdanning er eit krav, eventuelt må leiarutdanning takast etter tilsetting.
Erfaring frå tilsvarande arbeid er og eit krav.
Du må ha gode kommunikasjonsevner munnleg og skriftleg.
Personlege eigenskapar vert vektlagt.
Erfaring frå endrings- og utviklingsarbeid er ei føremon.
Oppdatert kjennskap til tenesta er og ei føremon.
God kjennskap til og erfaring med utarbeiding av turnus.
Personlege eigenskapar
Vi ønskjer ein tydeleg og trygg avdelingsleiar med gode kommunikasjons- og samarbeidsevner, men som også kan arbeide systematisk og sjølvstendig. Fleksibilitet, uthaldenheit, delegeringsevne, evne til å motivere andre og til å vere ein lagspelar er ein føresetnad. Gode datakunnskaper er nødvendig. Vi ønskjer søkjarar med interesse for å arbeide med mennesker med ulike funksjonshemningar og som ønskjer å delta aktivt i utforminga av tilbodet til våre brukarar.
Eit positivt menneskesyn er påkrevd.
Vi tilbyr
Spanande arbeidsoppgåver i ei teneste i rivande utvikling
Eit fagleg sterkt miljø
Store moglegheiter for påverknad
Gode kollegaer
Tett samarbeid mellom tenesta og overordna leiing
Gode pensjons- og forsikringsvilkår.
Anna
Dersom du får tilbod om stillinga, må du leggje fram politiattest som ikkje er eldre enn 3 mnd
Søknad
Søknad skal sendast elektronisk via rekrutteringssystemet vårt. Dersom du treng hjelp med registrering av søknad, ta kontakt med servicekontoret vårt, tlf 56 19 21 00.
Om bedriften
Nær byen, nær naturen. Osterøy, ei av dei største innlandsøyene i Nord-Europa, eit levande lokalsamfunn med allsidig næringsliv, godt utbygd servicetilbod og vakkert landskap. Folketalet aukar og har passert 8 000 innbyggjarar. Bru-/ferjesamband til nabokommunen, Bergen.