Er du vår nye miljøterapeut i bukollektiv, EM-tiltak?
Sosialsjefen søkjer ny medarbeidar i 94 % mellombels stilling.
Hovudoppgåver
• Miljøterapeutisk oppfølging av ungdom i bukollektivet
• Miljøterapeutisk oppfølging av ungdom som er busett i eigen bustad
• Skape tillit og trygg relasjon til ungdomen med fokus på å utvikle sjølvstende
• Samarbeid med andre instansar
Kvalifikasjonar
Må ha
• Bachelorutdanning innan relevant fagområde
• Gode norskkunnskapar munnleg og skriftleg
Lang og relevant arbeidserfaring kan kompensera for manglande formell utdanning.
Ønskjeleg med
• Erfaring frå liknande arbeid vert vektlagt
• Kunnskap om traumebasert tilnærming
Personlege eigenskapar
• Like å jobbe med ungdomar
• Evne til å skape trygge relasjonar
• Arbeide i team og samstundes kunne arbeide sjølvstendig
Løns- og arbeidsvilkår
Løn etter gjeldande lov- og avtaleverk
Anna
Arbeidstida er turnus med arbeid knytt til kveld, natt og kvar tredje helg. Vikariatet er fram til 31.12.2019 med høve til forlenging. Det stilles krav om sertifikat for bil.
Vi tilbyr
• IA bedrift
• Motiverte og kunnskapsrike kollegaer
• Interessante utfordringar
• Høve til fagleg og personleg utvikling
• Treningsavtale
• Gode pensjons- og forsikringsordningar
• Bedriftshelseteneste
Generell informasjon
Fjell kommune ønskjer at våre medarbeidarar i størst mogleg grad skal spegla mangfaldet i befolkninga. Vi oppmodar derfor kvalifiserte søkjarar med innvandrarbakgrunn til å søkja stillinga. Som IA-verksemd ønskjer kommunen å leggje til rette for personar med redusert funksjonsevne.
Godkjend politiattest må leggjast fram før tilsetting.
Arbeidsstad
Arbeidsstad: Fjell barneverntjeneste
Adresse: Postboks 184
Postnummer: 5342
Poststad: Straume
Heimeside: www.fjell.kommune.no
E-post: postmottak@fjell.kommune.no
Telefon: 55097140
Om tilsetjingsvilkår og søknad
Administrasjonsmålet er nynorsk. Vanlege kommunale tilsetjingsvilkår etter lov, reglement og tariffavtale. Søknad og CV må sendast elektronisk via linken <<SØK HER>>.
Pålogging og førhandsutfylling
Det er mogeleg å ta i bruk det elektroniske skjema utan pålogging. Vi tilrår likevel at søkjarar loggar på før utfylling. Da vert opplysningane lagra for eventuelle seinare søknadar.
Elektronisk søknad finn du på høgre side i annonsen.
Kandidatar som vert kalla inn til intervju må ta med godkjende vitnemål og attestar.
Søknadsfrist
11.03.2019.
Kontakt
Fagleiar Marian Austrheim tlf. 55097140
Sosialsjef Tove Helleland tlf. 55097140
Om bedriften
Fjell er ein kommune i sterk utvikling og det er no framtida vert skapt. Det nye bymiljøet veks fram, med kystkulturen som ein naturleg del. Dette gjer kommunen til ein attraktiv arbeidsplass og ein spennande arena for næringslivet. Vi treng fleire engasjerte medarbeidarar som er opptekne av forbetring, fellesskap og fagkompetanse.
EM-tiltaket består av eit bufellesskap og eit nyoppretta bukollektiv, og er organisert i barneverntenesta under sosialsjefen. I bukollektivet er det kapasitet til fem ungdomar, og pr. i dag bur det fire ungdomar der. I tillegg er det busett fire ungdomar i eigne bustader som er tilknytta bukollektivet. Det er totalt seks miljøterapeutstillingar i bukollektivet, som alle jobbar i turnus. Bukollektivet er lokalisert på Foldnes på Litle Sotra.